ଗଲା ୬ ମାସର ଦୁଃଖ ବଖାଣିଲେ ହାର୍ଦ୍ଦିକ; ବିଶ୍ୱକପ ଜିତିବା ପରେ ଭୋ ଭୋ ହୋଇ କାନ୍ଦିଲେ…

ନୂଆଦିଲ୍ଲୀ,୩୦ା୬: ଟି୨୦ ବିଶ୍ୱକପ ଜିତିବା ପରେ ଭାବପ୍ରବଣ ହୋଇଛନ୍ତି ଭାରତୀୟ ତାରକା ଅଲ୍‌ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା। ଗଲା ୬ ମାସରେ ତାଙ୍କ ସହିତ ଘଟିଥିବା ଘଟଣାକୁ ମନେ ପକାଇ ଭୋ ଭୋ ହୋଇ କାନ୍ଦିଛନ୍ତି ହାର୍ଦ୍ଦିକ। କିପରି ନିଜର ଖରାପ ସମୟରେ ନିଜକୁ ସେ ନିୟନ୍ତ୍ରଣରେ ରଖିଥିଲେ ଏବଂ ପଦୁଟିଏ କଥା କହି ନଥିଲେ ହାର୍ଦ୍ଦିକ।

ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୪ ସମୟରେ ମୁମ୍ବାଇ ଇଣ୍ଡିଆନ୍ସ (ଏମଆଇ) ସମର୍ଥକ ଏବଂ ସୋସିଆଲ୍ ମିଡିଆ ଟ୍ରୋଲ୍ ପାଣ୍ଡ୍ୟାଙ୍କ ପ୍ରତି ଅତ୍ୟନ୍ତ ନିଷ୍ଠୁର ବ୍ୟବହାର କରିଥିଲେ। ଗୁଜୁରାଟ ଟାଇଟାନ୍ସ (ଜିଟି) ସହିତ ଦୁଇ ବର୍ଷ ଖେଳିବା ପରେ ଏମଆଇ ପାଣ୍ଡ୍ୟାଙ୍କୁ ଫେରାଇ ଆଣିଥିଲା। କିନ୍ତୁ ରୋହିତ ଶର୍ମାଙ୍କୁ ଅଧିନାୟକ ଭାବରେ ବଦଳାଇବା ଅଲରାଉଣ୍ଡର ଏବଂ ଫ୍ରାଞ୍ଚାଇଜ୍ ପାଇଁ ସୋସିଆଲ ମିଡିଆରେ ଝଡ ସୃଷ୍ଟି ହୋଇଥିଲା। ମ୍ୟାଚ୍ ସମୟରେ ପାଣ୍ଡ୍ୟାଙ୍କୁ ସମଗ୍ର ଭାରତର ଷ୍ଟାଡିୟମରେ ଖରାପ ବ୍ୟବହାର କରାଯାଇଥିଲା।

Nothing but massive respect for you, @HardikPandya7!

After his recent setbacks, ‘Kung fu Pandya’ narrates how his unwavering spirit, hard work & belief led to his comeback in the #T20WorldCup!

Tune in to watch the entire celebrations, all day long, TODAY, only on Star… pic.twitter.com/lwxAowAD1A

— Star Sports (@StarSportsIndia) June 29, 2024

ହାର୍ଦ୍ଦିକ କହିଛନ୍ତି “ଏହି ବିଜୟର ମୂଲ୍ୟ ବହୁତ। ବହୁତ ଭାବପ୍ରବଣ ସମୟ, ଆମେ ବହୁତ କଠିନ ପରିଶ୍ରମ କରିଥିଲୁ। କିନ୍ତୁ ଆଜି ଆମେ ପୁରା ଦେଶ ଚାହୁଁଥିବା ଜିନିଷ ପାଇଲୁ। ଏହି ବିଜୟ ମୋ ପାଇଁ ଅଧିକ ସ୍ୱତନ୍ତ୍ର, ମୋର ଗତ 6 ମାସ କିପରି ଥିଲା, ମୁଁ କୌଣସି କଥା କହି ନାହିଁ, ମୋ ସହିତ ବହୁତ ଖରାପ ବ୍ୟବହାର ହୋଇଥିବା ମୁଁ ଜାଣିଥିଲି। ତେବେ ମୁଁ ଭାବୁଥିଲି ମୁଁ କଠିନ ପରିଶ୍ରମ କରିଥା’ନ୍ତି ତେବେ ଫଳ ନିହାତି ଭଲ ହୋଇପାରେ ଏବଂ ମୁଁ ତାହା କରିପାରିବି। ମୁଁ ଅନୁଗ୍ରହରେ ବିଶ୍ୱାସ କରେ। ଏପରି ଅନେକ ଲୋକ କହିଥିଲେ ଯେଉଁମାନେ ମୋତେ ଜାଣନ୍ତି ନାହିଁ।”

The post ଗଲା ୬ ମାସର ଦୁଃଖ ବଖାଣିଲେ ହାର୍ଦ୍ଦିକ; ବିଶ୍ୱକପ ଜିତିବା ପରେ ଭୋ ଭୋ ହୋଇ କାନ୍ଦିଲେ… appeared first on Dharitri Odia News.