ଗୁଜରାଟ ଏଟିଏସକୁ ସଫଳତା, ଅଲକାଏଦା ସହ ଜଡ଼ିତ ୪ ଆତଙ୍କୀ ଗିରଫ, ଅପରେସନ ସିନ୍ଦୂର ସହ ଲିଙ୍କ୍ ସାମଗ୍ରୀ ଜବତ

ନୂଆଦିଲ୍ଲୀ: ଗୁଜରାଟ ଏଟିଏସ୍ ବୁଧବାର ଆତଙ୍କବାଦୀ ସଂଗଠନ ଅଲକାଏଦା ଜଡ଼ିତ ୪ ଆତଙ୍କୀକୁ ଗିରଫ କରିଛି । ଗିରଫ ପରେ ଏଟିଏସ୍ ଏହି ଆତଙ୍କୀଙ୍କ ଫଟୋ ଜାରି କରିଛି । ଗିରଫ ଆତଙ୍କୀ ଅହମ୍ମଦାବାଦର ବାସିନ୍ଦା ଫରଦିନ ଶେଖ୍, ଦିଲ୍ଲୀର ମହମ୍ମଦ ଫୈକ୍, ଉତ୍ତର ପ୍ରଦେଶର ନୋଏଡାର ଜୀଶାନ୍ ଅଲି ଏବଂ ଗୁଜରାଟ ମୋଡାସାର ବାସିନ୍ଦା ସୈଫୁଲ୍ଲା କୁରେଶୀ । ଏହି ଚାରିଜଣଙ୍କୁ ପ୍ରତିବନ୍ଧିତ ଆତଙ୍କବାଦୀ ସଂଗଠନ AQISର ଚିନ୍ତାଧାରା ପ୍ରଚାର ଏବଂ ନିଯୁକ୍ତି କାର୍ଯ୍ୟରେ ଲିପ୍ତ ଥିଲେ ।

ଏଟିଏସ୍ ଡିଆଇଜି ସୁନୀଲ ଯୋଶୀ କହିଛନ୍ତି, ଡେପୁଟି ଏସପି ହର୍ଷ ଉପାଧ୍ୟାୟ ଜୁନ୍ ୧୦ରେ ପାଞ୍ଚଟି ଇନଷ୍ଟାଗ୍ରାମ୍ ଆକାଉଣ୍ଟ୍ ବିଷୟରେ ସୂଚନା ପାଇବା ପରେ ଅପରେସନ୍ ଆରମ୍ଭ କରାଯାଇଥିଲା । ଏହି ଆକାଉଣ୍ଟ ଦ୍ୱାରା ଅଲକାଏଦା ଚିନ୍ତାଧାରା ପ୍ରଚାର  ହେଉଥିଲା ।" ଏହି ଆକାଉଣ୍ଟଗୁଡ଼ିକ ଗଣତନ୍ତ୍ର ଏବଂ ଭାରତ ବିରୁଦ୍ଧରେ ଧାର୍ମିକ ଆଧାରରେ ବିଷୟବସ୍ତୁ ସେୟାର କରୁଥିଲେ । 

ଆକାଉଣ୍ଟଗୁଡ଼ିକ ଉପରେ ନଜର ରଖିବା ଏବଂ ହ୍ୟାଣ୍ଡଲରମାନଙ୍କୁ ଖୋଜିବା ପାଇଁ ଏକ ବୈଷୟିକ ଦଳ ଗଠନ କରାଯାଇଥିଲା । ପରେ ଏହି ଚାରିଜଣଙ୍କ ସମ୍ପୃକ୍ତ ଥିବା ଜଣାପଡ଼ିଥିଲା । ସେମାନଙ୍କ ଉପରେ ନଜର ରଖାଯାଇଥିଲା । ସମସ୍ତଙ୍କ ଶାରୀରିକ ଗତିବିଧି ମଧ୍ୟ ସନ୍ଦେହଜନକ ବୋଲି ଜଣାପଡ଼ିଥିଲା । ଗିରଫ ଚାରି ଜଣଙ୍କ ଠାରୁ ଅନେକ ଦସ୍ତାବିଜ ଜବତ କରାଯାଇଛି, ଯାହା ଭାରତ ବିରୋଧୀ ଗତିବିଧିକୁ ପ୍ରୋତ୍ସାହିତ କରୁଥିଲା । ଅଧିକାରୀମାନେ କହିଛନ୍ତି ଯେ ମହମ୍ମଦ ଫୈକ୍ ଅନେକ ପାକିସ୍ତାନୀ ଇନଷ୍ଟାଗ୍ରାମ ଆକାଉଣ୍ଟ ସହିତ ଯୋଗାଯୋଗରେ ଥିଲା ଯିଏ ତାଙ୍କୁ ଜିହାଦି ସାମଗ୍ରୀ ଯୋଗାଇଥିଲା । ଗିରଫ ଚାରି ଜଣଙ୍କ ବିରୋଧରେ UAPAର ଧାରା 13, 18, 38, ଏବଂ 39 ଏବଂ ଭାରତୀୟ ନ୍ୟାୟ ସଂହିତାର ଧାରା 113, 152, 196, ଏବଂ 68 ଅନୁଯାୟୀ ଏଫଆଇଆର ରୁଜୁ କରାଯାଇଛି । ବୁଧବାରନ ଫରଦିନ ଏବଂ ସୈଫୁଲ୍ଲାଙ୍କୁ କୋର୍ଟରେ ହାଜର କରାଯାଇ ୧୪ ଦିନିଆ ରିମାଣ୍ଡକୁ ପଠାଯାଇଛି । ଅନ୍ୟ ଦୁଇ ଅଭିଯୁକ୍ତ ମହମ୍ମଦ ଫୈକ ଏବଂ ଜୀଶାନ ଅଲିକୁ ଗୁରୁବାର କୋର୍ଟରେ ହାଜର କରାଯିବ ।