ଗ୍ୟାଙ୍ଗଷ୍ଟର କାଲା ଜଠେରି ଏବଂ ଲେଡି ଡନ୍ ଅନୁରାଧା କରିବେ ବିବାହ, ଜଗିବେ ୧୫୦-୨୦୦ ପୋଲିସ କର୍ମୀ

ନୂଆଦିଲ୍ଲୀ: ଗ୍ୟାଙ୍ଗଷ୍ଟର ସନ୍ଦୀପ ଓରଫ କାଲା ଜଠେରି ନିଜ ପ୍ରେମିକା ଅନୁରାଧାଙ୍କୁ ବିବାହ କରିବ । ଅନୁରାଧା ଅପରାଧ ଜଗତରେ ଲେଡି ଡନ୍ ଏବଂ ରିଭଲଭର ରାଣୀ ନାଁ ପରିଚିତ । ବିବାହ ପାଇଁ କାଲା ଜଠେରିକୁ ଦିଲ୍ଲୀର ଦ୍ୱାରକା କୋର୍ଟରୁ କଷ୍ଟଡି ପାରୋଲ ମିଳିଛି । ଅତିରିକ୍ତ ସେସନ ଜଜ୍ ଦୀପକ ୱାସନଙ୍କ କୋର୍ଟ ଅଧିକାରୀଙ୍କୁ ମାର୍ଚ୍ଚ ୧୨ ସକାଳ ୧୦ଟାରୁ ସଂଧ୍ୟା ଚାରିଟା ଯାଏ କାଲା ଜଠେରିକୁ ବିବାହ ପାଇଁ ଜେଲରୁ ହେପାଜତରେ ନେବା ପାଇଁ କହିଛନ୍ତି ।

ସୁରକ୍ଷାକୁ ଦୃଷ୍ଟିରେ ରଖି ଆୟୋଜନ ସ୍ଥଳରେ ପ୍ରାୟ ୧୫୦ରୁ ୨୦୦ ଜଣ ପୋଲିସ କର୍ମଚାରୀ ନିୟୋଜିତ ରହିବେ । ବିବାହ ସମାରୋହ ଦ୍ୱାରକା ଅଞ୍ଚଳର ଏକ ମଣ୍ଡପରେ ମାର୍ଚ୍ଚ ୧୨ ସକାଳ ୧୦ରୁ ୪ଟା ମଧ୍ୟରେ ହେବ । ସରକାରୀ ସୂତ୍ର ଅନୁସାରେ ଦିଲ୍ଲୀ ପୋଲିସ ସ୍ପେଶାଲ ସେଲର ସ୍ୱାଟ୍ ଟିମ୍, ଥାର୍ଡ ବାଟାଲିୟାନ, ସ୍ପେଶାଲ ଷ୍ଟାଫ୍ ଏବଂ ସ୍ଥାନୀୟ ପୋଲିସଙ୍କ ଗୋଟିଏ ଟିମ୍ ମୁତୟନ ରହିବେ । ଏହାସହ ସୁରଷା ପାଇଁ ମଣ୍ଡପ ମାଲିକଙ୍କୁ ପୂରା ପରିସରରେ ସିସିଟିଭି ଲଗାଇବା ପାଇଁ କୁହାଯାଇଛି ।

ପଢନ୍ତୁ: ଏକତରଫା ପ୍ରେମରୁ ମାଲିକାଣୀକୁ ହତ୍ୟା : ଅଭିଯୁକ୍ତକୁ ନେଇ କ୍ରାଇମ୍ ସିନ୍ ରିକ୍ରିଏସନ୍ କଲା ପୋଲିସ

କୁଖ୍ୟାତ ଗ୍ୟାଙ୍ଗଷ୍ଟର କାଲା ଜଠେରି ବର୍ତ୍ତମାନ ଦିଲ୍ଲୀର ତିହାଡ ଜେଲରେ ବନ୍ଦୀ ଅଛି । ଏହା ବିରୋଧରେ ଦିଲ୍ଲୀ, ପଞ୍ଜାବ, ହରିୟାଣା, ରାଜସ୍ଥାନରେ ୩୦ରୁ ଅଧିକ ମାମଲା ରୁଜୁ ଅଛି । ଏଥିରେ ହତ୍ୟା, ଦାଦାବଟି, ହତ୍ୟା ଉଦ୍ୟମ ଆଦି ସାମିଲ ରହିଛି । କାଲା ଜଠେରିକୁ ୨୦୨୧ ଜୁଲାଇ ୩୦ରେ ଉତ୍ତର ପ୍ରଦେଶର ସହାରନପୁରରୁ ଗିରଫ କରାଯାଇଥିଲା । ଏହା ଉପରେ ଦିଲ୍ଲୀ ପୋଲିସ ମହାରାଷ୍ଟ୍ର କଣ୍ଟ୍ରୋଲ ଅଫ୍ ଅର୍ଗାନାଇଜଡ୍ କ୍ରାଇମ୍ ଆକ୍ଟ ଲାଗାଇଛି ।