ଚନ୍ଦକା-ଡମପଡ଼ା ଅଭୟାରଣ୍ୟରେ ଆରମ୍ଭ ହେଲା ନାଇଟ୍ ସଫାରୀ, ରାତ୍ରୀ ୯ଟା ଯାଏଁ ଜଙ୍ଗଲ ବୁଲିପାରିବେ ପର୍ଯ୍ୟଟକ
ଭୁବନେଶ୍ବର : ରାଜଧାନୀ ଭୁବନେଶ୍ୱର ନିକଟସ୍ଥ ଚନ୍ଦକା-ଡମପଡ଼ା ବନ୍ୟପ୍ରାଣୀ ଅଭୟାରଣ୍ୟରେ ପର୍ଯ୍ୟଟକଙ୍କ ପାଇଁ ଆରମ୍ଭ ହୋଇଛି ନାଇଟ୍ ସଫାରୀ। ଆଜିଠୁ ପର୍ଯ୍ୟଟକ ରାତ୍ରିକାଳୀନ ଭ୍ରମଣର ଅନୁଭୂତି ନେଇପାରିବେ। ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ପକ୍ଷରୁ ଚନ୍ଦକା-ଡମପଡ଼ା ବନ୍ୟପ୍ରାଣୀ ଅଭୟାରଣ୍ୟର ଭରତପୁର ସେକ୍ସନରେ ରାତ୍ରିକାଳୀନ ଟ୍ରେଲ୍ ବା ନାଇଟ୍ ଟ୍ରେଲ୍ ଆରମ୍ଭ କରାଯାଇଛି। ପ୍ରଧାନ ମୁଖ୍ୟ ବନ ସଂରକ୍ଷକ (ବନ୍ୟପ୍ରାଣୀ) ସୁଶାନ୍ତ ନନ୍ଦ ଆଜି ନାଇଟ୍ ସଫାରୀର ଶୁଭାରମ୍ଭ କରିଛନ୍ତି। ଆଜି ପ୍ରଥମ ନାଇଟ୍ ସଫାରୀରେ […]
ଭୁବନେଶ୍ବର : ରାଜଧାନୀ ଭୁବନେଶ୍ୱର ନିକଟସ୍ଥ ଚନ୍ଦକା-ଡମପଡ଼ା ବନ୍ୟପ୍ରାଣୀ ଅଭୟାରଣ୍ୟରେ ପର୍ଯ୍ୟଟକଙ୍କ ପାଇଁ ଆରମ୍ଭ ହୋଇଛି ନାଇଟ୍ ସଫାରୀ। ଆଜିଠୁ ପର୍ଯ୍ୟଟକ ରାତ୍ରିକାଳୀନ ଭ୍ରମଣର ଅନୁଭୂତି ନେଇପାରିବେ। ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ପକ୍ଷରୁ ଚନ୍ଦକା-ଡମପଡ଼ା ବନ୍ୟପ୍ରାଣୀ ଅଭୟାରଣ୍ୟର ଭରତପୁର ସେକ୍ସନରେ ରାତ୍ରିକାଳୀନ ଟ୍ରେଲ୍ ବା ନାଇଟ୍ ଟ୍ରେଲ୍ ଆରମ୍ଭ କରାଯାଇଛି। ପ୍ରଧାନ ମୁଖ୍ୟ ବନ ସଂରକ୍ଷକ (ବନ୍ୟପ୍ରାଣୀ) ସୁଶାନ୍ତ ନନ୍ଦ ଆଜି ନାଇଟ୍ ସଫାରୀର ଶୁଭାରମ୍ଭ କରିଛନ୍ତି। ଆଜି ପ୍ରଥମ ନାଇଟ୍ ସଫାରୀରେ ବିଭିନ୍ନ ବିଦ୍ୟାଳୟ ଛାତ୍ରଛାତ୍ରୀମାନଙ୍କ ପାଇଁ ୧୨ ଟି ଗାଡିରେ ଜଙ୍ଗଲ ବୁଲାଇବା ବ୍ୟବସ୍ଥା ହୋଇଛି।
ଚନ୍ଦକା ବନ୍ୟପ୍ରାଣୀ ଅଭୟାରଣ୍ୟରେ ଅନେକ ଲୋକ ସେମାନଙ୍କ କାର୍ଯ୍ୟ ପ୍ରତିବଦ୍ଧତା କାରଣରୁ ଦିନରେ ସଫାରୀ ଉପଭୋଗ କରିବା କଷ୍ଟକର ହୋଇପଡୁଛି । ନାଇଟ୍ ସଫାରୀ ପ୍ରଚଳନ ପରେ ଏହି ବ୍ୟକ୍ତିମାନେ ଅନ୍ଧାର ପରେ ଅଭୟାରଣ୍ୟର ସୌନ୍ଦର୍ଯ୍ୟ ଅନୁଭବ କରିପାରିବେ ଏବଂ ହରିଣ, ବଣୁଆ ଘୁଷୁରୀ ଓ ହାତୀ ଭଳି ବନ୍ୟଜନ୍ତୁଙ୍କୁ ଦେଖିପାରିବେ ବୋଲି ପିସିସିଏଫ୍ କହିଛନ୍ତି। ପର୍ଯ୍ୟଟକମାନେ ରାତି ୯ଟା ପର୍ଯ୍ୟନ୍ତ ସଫାରୀର ମଜା ନେଇପାରିବେ। ରାତି ୯ଟାରୁ ସକାଳ ସାଢ଼େ ୯ଟା ପର୍ଯ୍ୟନ୍ତ ଏହା ବନ୍ଦ ରହିବ। ଏହି ଟ୍ରେଲ ଯୋଗୁଁ ବନ୍ୟଜନ୍ତୁ ଯେପରି ହଇରାଣ ନ ହୁଅନ୍ତି ସେଥିପାଇଁ ବନ ବିଭାଗ ଯଥେଷ୍ଟ ସତର୍କତା ଅବଲମ୍ବନ କରିବ ବୋଲି ପ୍ରକୃତିପ୍ରେମୀ ଶ୍ରୀ ନନ୍ଦ କହିଛନ୍ତି। ଏହି ପଦକ୍ଷେପ ଦ୍ୱାରା ବନ୍ୟପ୍ରାଣୀ ପ୍ରେମୀ, ଗବେଷକ ଏବଂ ଛାତ୍ରଛାତ୍ରୀମାନେ ବହୁ ଉପକୃତ ହେବେ ଏବଂ ଚନ୍ଦକାଠାରେ ରାତି ସଫାରୀରେ ରାତ୍ରିକାଳୀନ ପଶୁମାନଙ୍କୁ ଦେଖିବା ଏବଂ ନିରୀକ୍ଷଣ କରିବାର ସୁଯୋଗ ପାଇବେ ବୋଲି ସେ କହିଛନ୍ତି।
ଏହି ଅଭିନବ ପଦ୍ଧତିର ଉଦ୍ଦେଶ୍ୟ ହେଉଛି ବ୍ୟାପକ ଦର୍ଶକଙ୍କୁ ପୂରଣ କରିବା, ନିୟମିତ ଦିନ ସମୟ ବ୍ୟତୀତ ଏକ ସୁବିଧାଜନକ ଏବଂ ରୋମାଞ୍ଚକର ବନ୍ୟପ୍ରାଣୀ ଅନୁଭୂତି ପ୍ରଦାନ କରିବ । ପୂର୍ବରୁ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ ଓ ପିସିସିଏଫ୍ ୭ ଏଚ୍ ଓଏଫ୍ ଡି ଦେବୀଦତ୍ତ ବିଶ୍ୱାଳ, ମୁଖ୍ୟ ବନ୍ୟପ୍ରାଣୀ ୱାର୍ଡେନ୍ ସୁଶାନ୍ତ ନନ୍ଦ ଗୋଡିବାରୀ ଅଞ୍ଚଳ ପରିଦର୍ଶନ କରିଥିଲେ। ପିସିସିଏଫ୍ ବନ୍ୟପ୍ରାଣୀ ଶ୍ରୀ ନନ୍ଦଙ୍କ ପରାମର୍ଶ ଅନୁଯାୟୀ ନାଇଟ୍ ଟ୍ରେଲ୍ ପାଇଁ ପର୍ଯ୍ୟାପ୍ତ ସୁଯୋଗ ରହିଛି ବୋଲି ଟିମ୍ ଫରେଷ୍ଟ ଜାଣିବାକୁ ପାଇଥିଲା। ପିସିସିଏଫ୍ ବନ୍ୟପ୍ରାଣୀ ଭାବେ ଦାୟିତ୍ୱ ଗ୍ରହଣ କରିବା ପରେ ଶ୍ରୀ ନନ୍ଦ ନନ୍ଦନକାନନ, ଡେବ୍ରିଗଡ଼, ଶିମିଳିପାଳ ଓ ସଦ୍ୟତମ ଚନ୍ଦକା ବନ୍ୟପ୍ରାଣୀ ଅଭୟାରଣ୍ୟରେ ଅଭିନବ ପ୍ରକଳ୍ପ ହାତକୁ ନେଉଛନ୍ତି। ଏହି ପଦକ୍ଷେପ ବନ୍ୟପ୍ରାଣୀ ପ୍ରେମୀ ଏବଂ ପ୍ରକୃତିପ୍ରେମୀଙ୍କୁ ଖୁସି କରିବ ବୋଲି ଜଣେ ପୂର୍ବତନ ପିସିସିଏଫ୍ ବନ୍ୟପ୍ରାଣୀ କହିଛନ୍ତି।
