ଚର୍ଚ୍ଚାରେ ନୀଳ ନୟନା, ବଚ୍ଚନ ପରିବାର ସହ ଆସିଲେନି ନଜର

ମୁମ୍ବାଇ: ପୁଣି ଥରେ ବଚ୍ଚନ ପରିବାର ଏକାଠି ନଜର ଆସିଛନ୍ତି। କିନ୍ତୁ ଐଶ୍ୱର୍ଯ୍ୟା ରାୟ ଏବଂ ଆରାଧ୍ୟା ଲୋକଙ୍କ ଦୃଷ୍ଟିକୁ ଆସି ନାହାଁନ୍ତି। ଘଟଣାହେଲା, ବଚ୍ଚନ ପରିବାର ମ୍ୟାନେଜିଂ ଡିରେକ୍ଟର ରାଜେଶ ଯାଦବଙ୍କ ପୁଅ ରିକିନଙ୍କ ବିବାହରେ ଯୋଗ ଦେଇଥିଲେ, ଯିଏକି ଦୀର୍ଘ ଦିନ ଧରି ବଚ୍ଚନ ପରିବାର ସହ ଜଡିତ ଥିଲେ। ଏହି ବିବାହରେ ଐଶ୍ୱର୍ଯ୍ୟା ରାୟଙ୍କୁ ଆଉ ଥରେ ଦେଖିବାକୁ ମିଳି ନଥିଲା, ଯେଉଁଥିପାଇଁ ଲୋକଙ୍କ ମନରେ ପୁଣି ପ୍ରଶ୍ନ ଉଠିଛି।
ଏହି ବିବାହରେ ଅମିତାଭ ବଚ୍ଚନ, ଜୟା ବଚ୍ଚନ, ଅଭିଷେକ ବଚ୍ଚନ ଏବଂ ତାଙ୍କ ଝିଅ ଶ୍ୱେତା ବଚ୍ଚନ ଉପସ୍ଥିତ ଥିଲେ। ପାରମ୍ପାରିକ ଲୁକରେ ପୁରା ପରିବାରକୁ ଦେଖିବାକୁ ମିଳିଥିଲା। ଏହି ସମୟରେ ଅମିତାଭ ବଚ୍ଚନଙ୍କୁ କଳା ରଙ୍ଗର ଇଣ୍ଡୋ-ୱେଷ୍ଟର୍ଣ୍ଣରେ ଦେଖିବାକୁ ମିଳିଥିବାବେଳେ ଅଭିଷେକ ବଚ୍ଚନ ବିବାହ କାର୍ଯ୍ୟରେ ଗୋଲାପୀ କୁର୍ତ୍ତାରେ ଷ୍ଟାଇଲିସ ଦେଖାଯାଉଥିଲେ।
ଜୟା ବଚ୍ଚନଙ୍କ ବିଷୟରେ କହିଲେ ସେ ପାରମ୍ପାରିକ ହ୍ୟାଣ୍ଡ ଏମ୍ବ୍ରୋଡୋରୀ ସହିତ ଏକ ଡୁଆଲ ଶେଡ ରେଶମ ଶାଢୀ ପିନ୍ଧିଥିଲେ । ଏହି ଶାଢୀକୁ କଲର କଣ୍ଟ୍ରାଷ୍ଟ ଟଚ୍‌ ଦିଆଯାଇଥିଲା। ଏହା ସହିତ ସେ ପୋଲକିରେ ତିଆରି ହାର ପିନ୍ଧିଥିଲେ, ଯେଉଁଥିରେ ସେ ହାତରେ ଏକ ପୋଟଲି ବ୍ୟାଗ ଧରିଥିଲେ।
ଶ୍ୱେତା ବଚ୍ଚନଙ୍କୁ ରାୟାଲ ବ୍ଲୁ ରଙ୍ଗର ଥ୍ରୀପିସ୍‌ ସେଟରେ ଦେଖିବାକୁ ମିଳିଥିଲା, ଯେଉଁଥିରେ ଆଣ୍ଠୁ ଲମ୍ବାର କୁର୍ତ୍ତା ସହିତ ଘାଗ୍ରା ଏବଂ ଦୁପଟ୍ଟା ମେଳ ଖାଉଥିଲା। ଶ୍ୱେତାଙ୍କ କୁର୍ତ୍ତା ହାଲୁକା କାମ ସହିତ ଥିଲା, ଯାହାର ବେସକୁ ସିଲଭର ଗୋଟା-ପଟିରେ ସଜାଯାଇଥିଲା । ଯେତେବେଳେ ଦୁପାଟ୍ଟା ଏକଦମ ନର୍ମାଲ ଥିଲା, ଏଥିରେ ଲାଗିଥିବା ଘାଗ୍ରା ପ୍ଳିଟ କାମ ସହିତ ଥିଲା। ଏହା ସହିତ କେଶକୁ ହାଫ ଡୁରେ ବାନ୍ଧି ଦିଆଯାଇଥିଲା। ସୂଚନାଯୋଗ୍ୟ, ନିକଟରେ ଅଭିଷେକ ଏବଂ ଐଶ୍ୱର୍ଯ୍ୟା ଆରାଧ୍ୟା ବଚ୍ଚନଙ୍କ ସ୍କୁଲ କାର୍ଯ୍ୟରେ ଏକାଠି ନଜର ଆସିଥିଲେ। ଉଭୟ ଏକାଠି ନିଜ ଝିଅକୁ ଚିୟର କରୁଥିବା ଦେଖିବାକୁ ମିଳିଥିଲା।

The post ଚର୍ଚ୍ଚାରେ ନୀଳ ନୟନା, ବଚ୍ଚନ ପରିବାର ସହ ଆସିଲେନି ନଜର appeared first on Dharitri Odia News.