ଚାଇନା-ପାକିସ୍ତାନର ଉଡିବ ହୋସ୍‌, ଭାରତ ନିର୍ମାଣ କରୁଛି ଏମିତି ରକେଟ ଧରି ପାରିବନି କୌଣସି ଏୟାର ଡିଫେନ୍ସ ସିଷ୍ଟମ!

ନୂଆଦିଲ୍ଲୀ,୧୦।୭: ଭାରତ ନିରନ୍ତର ତାର ସୁରକ୍ଷା ବ୍ୟବସ୍ଥାକୁ ମଜବୁତ କରିବାରେ ଲାଗିପଡିଛିି। ଏବେ ପ୍ରତିରକ୍ଷା ଗବେଷଣା ଏବଂ ବିକାଶ ସଂଗଠନ (DRDO) ତାର ପରବର୍ତ୍ତୀ ପିଢ଼ିର ଗାଇଡେଡ ରକେଟ ସିଷ୍ଟମ Pinaka IV ବିକଶିତ କରୁଛି। DRDO ୩୦୦ କିଲୋମିଟର ପର୍ଯ୍ୟନ୍ତ ସଠିକ ଆକ୍ରମଣ କରିବା ପାଇଁ Pinaka IV ଗାଇଡେଡ ରକେଟ ସିଷ୍ଟମ ଡିଜାଇନ କରିଛି।
IDRW (ଭାରତୀୟ ପ୍ରତିରକ୍ଷା ଗବେଷଣା ୱିଙ୍ଗ) ରିପୋର୍ଟରେ ସୂତ୍ର ଉଦ୍ଧୃତ କରାଯାଇଛି ଯେ ଏହି ନୂତନ, ଘାତକ ଏବଂ ପରବର୍ତ୍ତୀ ପିଢ଼ିର ଗାଇଡେଡ ରକେଟ ସିଷ୍ଟମ Pinaka IV ର ପରୀକ୍ଷଣ ୨୦୨୮ ମସିହାରେ ଆରମ୍ଭ ହେବ। IDRW କହିଛି ଯେ Pinaka IV ଗାଇଡେଡ ରକେଟ ସିଷ୍ଟମରେ ପ୍ରଳୟ ଭଳି କୌଶଳଗତ କ୍ଷେପଣାସ୍ତ୍ରରୁ ପ୍ରେରଣା ନେଇ ଶତ୍ରୁର ସମସ୍ତ ବାୟୁ ପ୍ରତିରକ୍ଷା ପ୍ରଣାଳୀକୁ ଚକମା ଦେଇ ଆକ୍ରମଣ କରିବା ପାଇଁ ସମସ୍ତ ଆଧୁନିକ ବୈଶିଷ୍ଟ୍ୟ ରହିବ।
DRDO ଦ୍ୱାରା ବିକଶିତ ପିନାକା ମଲ୍ଟି ବ୍ୟାରେଲ ରକେଟ ଲଞ୍ଚର୍‌ (MBRL) ସିଷ୍ଟମ ପାକିସ୍ତାନ ସହିତ କାରଗିଲ ଯୁଦ୍ଧ ପରେ ଭାରତୀୟ ସେନାରେ ନିୟୋଜିତ ହୋଇଥିଲା। ଏହି ମଲ୍ଟି-ବ୍ୟାରେଲ ରକେଟ ଲଞ୍ଚର୍‌ ସିଷ୍ଟମ ଭାରତୀୟ ସେନାର ତୋପଶାଳାର ଆଧାର ହୋଇଛି। DRDO ଏହି ରକେଟ ସିଷ୍ଟମକୁ ଭଗବାନ ଶିବଙ୍କ ଧନୁ ପିନାକଙ୍କ ନାମରେ ନାମିତ କରିଛି।

The post ଚାଇନା-ପାକିସ୍ତାନର ଉଡିବ ହୋସ୍‌, ଭାରତ ନିର୍ମାଣ କରୁଛି ଏମିତି ରକେଟ ଧରି ପାରିବନି କୌଣସି ଏୟାର ଡିଫେନ୍ସ ସିଷ୍ଟମ! appeared first on Dharitri Odia News.