ଚିରାଗ ପାସଓ୍ବାନଙ୍କ ପରେ ଭାଜପାକୁ ପାନେ ଦେଲେ ଜିତନ ରାମ ମାନ୍‌ଝୀ

ପାଟନା,୧୧।୧୦: କେନ୍ଦ୍ର ମନ୍ତ୍ରୀ ଜିତନ ରାମ ମାନ୍‌ଝୀଙ୍କ ହିନ୍ଦୁସ୍ତାନୀ ଆୱାମ ମୋର୍ଚ୍ଚା (ହମ) ଝାଡଖଣ୍ଡରେ ହେବାକୁ ଥିବା ବିଧାନସଭା ନିର୍ବାଚନରେ ଅତି କମରେ ୧୦ଟି ଆସନରେ ପ୍ରାର୍ଥୀ ଦେବ। ହମ (ଧର୍ମନିରପେକ୍ଷ) କେନ୍ଦ୍ରରେ ଶାସକ ନ୍ୟାଶନାଲ ଡେମୋକ୍ରାଟିକ ଆଲାଏନ୍ସ (ଏନଡିଏ) ର ଏକ ଅଂଶ।

ବିହାରର ପୂର୍ବତନ ମୁଖ୍ୟମନ୍ତ୍ରୀ ଜିତନ ରାମ ପାଟନାରେ ଗଣମାଧ୍ୟମକୁ କହିଛନ୍ତି, ତାଙ୍କ ଦଳ ଏନଡିଏର ଜଣେ ପ୍ରତିବଦ୍ଧ ସଦସ୍ୟ ଏବଂ ଭାଜପା ନେତୃତ୍ୱାଧୀନ ମିଳିତ ମଞ୍ଚରେ (ଝାଡଖଣ୍ଡ ବିଧାନସଭା ନିର୍ବାଚନ ସମ୍ବନ୍ଧରେ) ଯାହା ବ୍ୟବସ୍ଥା କରାଯିବ ତାହା ଅନୁସରଣ କରିବେ। ହିନ୍ଦୁସ୍ତାନୀ ଆୱାମ ମୋର୍ଚ୍ଚା ନିଶ୍ଚିତ ଭାବରେ ଝାଡଖଣ୍ଡରେ ହେବାକୁ ଥିବା ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ।

ସେ ଏହା ମଧ୍ୟ କହିଛନ୍ତି, ଆମେ ଏନଡିଏର ଅଂଶ ଅଟୁ। ଝାଡ଼ଖଣ୍ଡରେ ଏନଡିଏର ଅନ୍ୟ ସହଯୋଗୀ ଅଂଶୀଦାରଙ୍କ ସହ ପରାମର୍ଶ ପରେ ଆସନ ବାଣ୍ଟିବା ପାଇଁ ଯାହା ବ୍ୟବସ୍ଥା କରାଯିବ ମୁଁ ତାହା ଗ୍ରହଣ କରିବି। କିନ୍ତୁ, ଆମେ ଝାଡଖଣ୍ଡ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବୁ। ୨୦୨୪ ଲୋକ ସଭା ନିର୍ବାଚନରେ ହିନ୍ଦୁସ୍ତାନୀ ଆୱାମ ମୋର୍ଚ୍ଚାର ପ୍ରତିଷ୍ଠାତା ଜିତନ ରାମ ମାନଝୀ ବିହାରର ଗୟା ଆସନରୁ ଏମ୍‌ପି ଭାବରେ ନିର୍ବାଚିତ ହୋଇଥିଲେ।

୨୦୨୪ରେ ନୀତୀଶ କୁମାରଙ୍କ ଇସ୍ତଫା ପରେ ନୀତୀଶ କୁମାରଙ୍କ ଇସ୍ତଫା ପରେ ମାନ୍‌ଝୀ ମୁଖ୍ୟମନ୍ତ୍ରୀଙ୍କ ପାଇଁ ଏକ ବିକଳ୍ପ ଭାବରେ ବିବେଚିତ ହୋଇଥିଲେ, ତାଙ୍କୁ ଏହି ପଦବୀକୁ ଅସ୍ଥାୟୀ ଭାବରେ ଦାୟିତ୍ୱ ଦିଆଯାଇଥିଲା। ମୁଖ୍ୟମନ୍ତ୍ରୀ ହେବା ପୂର୍ବରୁ ମାନ୍‌ଝୀ ନୀତୀଶ କୁମାରଙ୍କ କ୍ୟାବିନେଟରେ ଅନୁସୂଚିତ ଜାତି ଏବଂ ଅନୁସୂଚିତ ଜନଜାତି କଲ୍ୟାଣ ମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ସେ ୧୯୯୬ ରୁ ୨୦୦୫ ପର୍ଯ୍ୟନ୍ତ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ଏବଂ ରାବ୍ରି ଦେବୀଙ୍କ ଅଧୀନରେ ଆରଜେଡି ସରକାରରେ ମଧ୍ୟ ମନ୍ତ୍ରୀ ଥିଲେ।

The post ଚିରାଗ ପାସଓ୍ବାନଙ୍କ ପରେ ଭାଜପାକୁ ପାନେ ଦେଲେ ଜିତନ ରାମ ମାନ୍‌ଝୀ appeared first on Dharitri Odia News.