ଛତିଶଗଡ଼ ମାଓଗଡରେ ସେନା ବାହିନୀର ବଡ ପ୍ରହାର । ଉଦ୍ଧାର ହେଲାଣି ୩୧ମାଓବାଦୀଙ୍କ ମୃତଦେହ ।

କନକ ବ୍ୟୁରୋ: ମୃତ ମାଓବାଦୀଙ୍କ ଶବକୁ ଜବତ କରିବା ସହ କାନ୍ଧରେ ବୋହି ନେଉଛନ୍ତି ଯବାନ । ପୂରା ଅଞ୍ଚଳକୁ ଘେରାବନ୍ଦୀ କରାଯାଇ ତନ୍ନ ତନ୍ନ ଭାବେ ଯାଞ୍ଚ କରାଯାଉଛି । ଏଲଏମଜି,  ସଏଲଆର,  ଇନସାସ ସମେତ ବହୁ ଅତ୍ୟାଧୂନିକ ଅସ୍ତ୍ରଶସ୍ତ୍ର ଜବତ ହୋଇଛି । ଅପରେସନରେ ଟପ୍ ମାଓନେତା କମଲେଶଙ୍କ ସମେତ ମାଓନେତ୍ରୀ ନିତି ଓରଫ ଉର୍ମିଲାଙ୍କ ମୃତ୍ୟୁ ହୋଇଛି । ଦଣ୍ଡକାରଣ୍ୟ ସ୍ପେଶାଲ ଜୋନାଲ କମିଟିର ପ୍ଲାଟୁନ ନଂ ୬ ସମ୍ପୂର୍ଣ୍ଣ ଭାବେ ମୂଳ ପୋଛ ହୋଇଥିବା କହିଛନ୍ତି ଅପରେସନରେ ସାମିଲ ଥିବା ଯବାନ । 

କାଙ୍କେର ପରେ ଥୁଲଥୁଲିରେ ହୋଇଛି ମାଓ ଇତିହାସର ସବୁଠୁ ବଡ଼ ଅପରେସନ । ଶୁକ୍ରବାର ରାତିରେ ୫୦ ମାଓବାଦୀ ଏକାଠି ହୋଇ ବଡ଼ ଷଡ଼ଯନ୍ତ୍ର ରଚୁଥିବା ନେଇ ଖବର ମିଳିବା ପରେ ମିଳିତ ଅପରେସନ ଆରମ୍ଭ କରିଥିଲେ ଏସଟିଏଫ ଓ ଡିଆରଜି ଯବାନ । ରାତି ଗୋଟାଏରେ ଆରମ୍ଭ ହୋଇଥିଲା ଗୁଳି ଓ ବୋମାମାଡ଼ । ଏଥିରେ ୩୧ ମାଓବାଦୀଙ୍କ ଜୀବନ ଯାଇଛି । 

ଦେଶକୁ ମାଓମୁକ୍ତ କରିବାକୁ କେନ୍ଦ୍ର ସରକାରଙ୍କ ଆହ୍ବାନ ପରେ ମାଓ ଅପରେସନକୁ ଜୋରଦାର କରାଯାଇଛି । ଚଳିତ ବର୍ଷ ସବୁଠୁ ଅଧିକ ମାଓବାଦୀଙ୍କୁ ନିପାତ କରିଛନ୍ତି ଯବାନ । ତଥ୍ୟ ଅନୁସାରେ

•  ୨୦୧୬ରେ ୧୩୬ ମାଓବାଦୀ ନିପାତ ହୋଇଥିଲେ
• ୨୦୧୮ରେ ଏହି ସଂଖ୍ୟା ଥିଲା ୧୧୨
• ୨୦୨୪ରେ କେବଳ ଛତିଶଗଡରେ ୧୮୫ ମାଓବାଦୀଙ୍କ ମୃତ୍ୟୁ ହୋଇଛି
• ଏପ୍ରିଲରେ କାଙ୍କେର ଜିଲ୍ଲାରେ ହୋଇଥିଲା ବଡ଼ ଅପରେସନ
• ଯବାନଙ୍କ ଗୁଳିରେ ୨୯ ମାଓବାଦୀ ପ୍ରାଣ ହରାଇଥିଲେ
• ଏବେ ଥୁଲଥୁଲି ଜଙ୍ଗଲରେ ୩୧ ମାଓବାଦୀଙ୍କୁ ନିପାତ କରିଛନ୍ତି ଯବାନ