ଛାତ୍ରୀନିବାସ ଅଛି ହେଲେ ଛାତ୍ରୀ ନାହାଁନ୍ତି, ବିଲ୍ଡିଂ ଅଛି, ହେଲେ ପାଣି ନାହିଁ କି ବିଜୁଳି ନାହିଁ
ଭୁବନେଶ୍ୱର ୨୪/୦୯: ଛାତ୍ରୀନିବାସ ଥାଇ ବି ଦୂରରୁ ଆସୁଛନ୍ତି ପିଲା । କାହା ଘର ୧୦ କିଲୋମିଟର ତ ଆଉ କାହାର ୩୦ କିଲୋମିଟର । ସେତିକି ନୁହେଁ ପାଠପଢା ଖର୍ଚ୍ଚଠୁ ବଳିଯାଉଛି ଯାଆସ ଖର୍ଚ୍ଚ । ଘରୋଇ ବସ୍ ଓ ଟ୍ୟାକ୍ସି କରି ପିଲାଙ୍କୁ ପଠାଉଛନ୍ତି ଅଭିଭାବକ । ରାଜ୍ୟରେ ଅଧାରୁ ଅଧିକ ସ୍ଥାନରେ ଅବସ୍ଥା ଏପରି । ବିଭିନ୍ନ ସ୍ଥାନରେ ଆଦର୍ଶ ବିଦ୍ୟାଳୟ ଥାଇ ବି ସୁବିଧା ସୁଯୋଗରୁ ବଞ୍ଚିତ ଛାତ୍ରଛାତ୍ରୀ । ଅଭିଯୋଗ ମାଳ ମାଳ ହେଲେ ଶୁଣିବାକୁ କେହି ନାହିଁ । ବିଶେଷ କରି ପୁରୀ ଜିଲ୍ଲାର କୃଷ୍ଣପ୍ରସାଦ ବ୍ଲକ ଅଧୀନରେ ଥିବା ୨୧ଟି ପଞ୍ଚାୟତର ଛାତ୍ରଛାତ୍ରୀ ଭାରି ହନ୍ତସନ୍ତ । ସେହିପରି ଭୁବନେଶ୍ୱରରୁ ଦୂରରେ ଥିବା ଷଣ୍ଢପୁରରେ ଅବସ୍ଥା ବି ସମାନ ।ରାଜ୍ୟରେ ୩୧୪ ବ୍ଲକ୍ରେ ଅଛି ଅନେକ ଆଦର୍ଶ ବିଦ୍ୟାଳୟ । ସେଥିରୁ ୨୨୨ଟି ଛାତ୍ରୀନିବାସର ସରିଛି ନିର୍ମାଣ କାର୍ଯ୍ୟ । ଆହୁରି ଶହେରୁ ଅଧିକ ଛାତ୍ରୀନିବାସ ହୋଇପାରିନି କାର୍ଯ୍ୟକ୍ଷମ । କେଉଁଠି ବିଜୁଳି ସଂଯୋଗ ନାହିଁ ତ ଆଉ କେଉଁଠି ପିଇବା ପାଣିର ବ୍ୟବସ୍ଥା ନାହିଁ । ହଷ୍ଟେଲ ଚାଲିବା ପାଇଁ ଆବଶ୍ୟକ ଆସବାବପତ୍ର ବି ମିଳିନି । ଚକାଚକ୍ ବିଲଡିଂ ହୋଇଛି, କର୍ମଚାରୀ ନିଯୁକ୍ତ କରାଯାଉନି । ଓଡ଼ିଶା ଆଦର୍ଶ ବିଦ୍ୟାଳୟ ସଂଗଠନର ବରିଷ୍ଠ ଅଧିକାରୀଙ୍କ କହିବା କଥା ଛାତ୍ରୀନିବାସ କାର୍ଯ୍ୟକ୍ଷମ ଲାଗି ସରକାରଙ୍କୁ ଦିଆଯାଇଛି । ଆଗକୁ ଏ ନେଇ ଖୁବ୍ ଶୀଘ୍ର ନିଷ୍ପତ୍ତି ନିଆଯିବ ବୋଲି ମତ ରଖିଛନ୍ତି ଅଧିକା
ଭୁବନେଶ୍ୱର ୨୪/୦୯: ଛାତ୍ରୀନିବାସ ଥାଇ ବି ଦୂରରୁ ଆସୁଛନ୍ତି ପିଲା । କାହା ଘର ୧୦ କିଲୋମିଟର ତ ଆଉ କାହାର ୩୦ କିଲୋମିଟର । ସେତିକି ନୁହେଁ ପାଠପଢା ଖର୍ଚ୍ଚଠୁ ବଳିଯାଉଛି ଯାଆସ ଖର୍ଚ୍ଚ । ଘରୋଇ ବସ୍ ଓ ଟ୍ୟାକ୍ସି କରି ପିଲାଙ୍କୁ ପଠାଉଛନ୍ତି ଅଭିଭାବକ ।
ରାଜ୍ୟରେ ଅଧାରୁ ଅଧିକ ସ୍ଥାନରେ ଅବସ୍ଥା ଏପରି । ବିଭିନ୍ନ ସ୍ଥାନରେ ଆଦର୍ଶ ବିଦ୍ୟାଳୟ ଥାଇ ବି ସୁବିଧା ସୁଯୋଗରୁ ବଞ୍ଚିତ ଛାତ୍ରଛାତ୍ରୀ । ଅଭିଯୋଗ ମାଳ ମାଳ ହେଲେ ଶୁଣିବାକୁ କେହି ନାହିଁ । ବିଶେଷ କରି ପୁରୀ ଜିଲ୍ଲାର କୃଷ୍ଣପ୍ରସାଦ ବ୍ଲକ ଅଧୀନରେ ଥିବା ୨୧ଟି ପଞ୍ଚାୟତର ଛାତ୍ରଛାତ୍ରୀ ଭାରି ହନ୍ତସନ୍ତ । ସେହିପରି ଭୁବନେଶ୍ୱରରୁ ଦୂରରେ ଥିବା ଷଣ୍ଢପୁରରେ ଅବସ୍ଥା ବି ସମାନ ।
ରାଜ୍ୟରେ ୩୧୪ ବ୍ଲକ୍ରେ ଅଛି ଅନେକ ଆଦର୍ଶ ବିଦ୍ୟାଳୟ । ସେଥିରୁ ୨୨୨ଟି ଛାତ୍ରୀନିବାସର ସରିଛି ନିର୍ମାଣ କାର୍ଯ୍ୟ । ଆହୁରି ଶହେରୁ ଅଧିକ ଛାତ୍ରୀନିବାସ ହୋଇପାରିନି କାର୍ଯ୍ୟକ୍ଷମ । କେଉଁଠି ବିଜୁଳି ସଂଯୋଗ ନାହିଁ ତ ଆଉ କେଉଁଠି ପିଇବା ପାଣିର ବ୍ୟବସ୍ଥା ନାହିଁ । ହଷ୍ଟେଲ ଚାଲିବା ପାଇଁ ଆବଶ୍ୟକ ଆସବାବପତ୍ର ବି ମିଳିନି ।
ଚକାଚକ୍ ବିଲଡିଂ ହୋଇଛି, କର୍ମଚାରୀ ନିଯୁକ୍ତ କରାଯାଉନି । ଓଡ଼ିଶା ଆଦର୍ଶ ବିଦ୍ୟାଳୟ ସଂଗଠନର ବରିଷ୍ଠ ଅଧିକାରୀଙ୍କ କହିବା କଥା ଛାତ୍ରୀନିବାସ କାର୍ଯ୍ୟକ୍ଷମ ଲାଗି ସରକାରଙ୍କୁ ଦିଆଯାଇଛି । ଆଗକୁ ଏ ନେଇ ଖୁବ୍ ଶୀଘ୍ର ନିଷ୍ପତ୍ତି ନିଆଯିବ ବୋଲି ମତ ରଖିଛନ୍ତି ଅଧିକାରୀ ।
୨୦୧୬ରେ ପ୍ରତି ବ୍ଲକ୍ ମୁଖ୍ୟାଳୟରେ ଉଚ୍ଚମାନର ଇଂରାଜୀ ମାଧ୍ୟମ ସ୍କୁଲ୍ ‘ଓଡ଼ିଶା ଆଦର୍ଶ ବିଦ୍ୟାଳୟ’ କରିବାକୁ ହୋଇଥିଲା ଘୋଷଣା । ୨୦୧୬-୧୭ ଶିକ୍ଷା ବର୍ଷରେ ୧୦୦ଟି ଆଦର୍ଶ ବିଦ୍ୟାଳୟ କାର୍ଯ୍ୟକ୍ଷମ କରାଯାଇଥିଲା । ସେହିଭଳି ୨୦୧୭-୧୮ ବର୍ଷରେ ୬୦ଟି, ୨୦୧୮-୧୯ରେ ଆଉ ୩୦ଟି ବିଦ୍ୟାଳୟ କରାଯାଇଥିଲା କାର୍ଯ୍ୟକ୍ଷମ ।
ପର୍ଯ୍ୟାୟକ୍ରମେ ୩୧୪ ବ୍ଲକ୍ରେ ୩୧୪ଟି ଓଡ଼ିଶା ଆଦର୍ଶ ବିଦ୍ୟାଳୟ ରହିଥିବା ବେଳେ କୋଟିଆରେ ଗୋଟିଏ ଆଦର୍ଶ ବିଦ୍ୟାଳୟ ରହିଛି । ସେହିପରି ୫ଟି ମାଇନିଂ ଓଡ଼ିଶା ଆଦର୍ଶ ବିଦ୍ୟାଳୟ ପ୍ରତିଷ୍ଠା କରାଯାଇଛି । ରାଜ୍ୟରେ ରହିଛି ମୋଟ୍ ୩୨୦ ଆଦର୍ଶ ବିଦ୍ୟାଳୟ । ସମସ୍ତ ବିଦ୍ୟାଳୟ କେନ୍ଦ୍ରୀୟ ମାଧ୍ୟମିକ ବୋର୍ଡ ପରିଷଦ ଅନୁବନ୍ଧିତ ସହ ଷଷ୍ଠରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଶିକ୍ଷାର ବ୍ୟବସ୍ଥା ବି ରହିଛି । ପ୍ରତି କ୍ଲାସ୍ରେ ୮୦ ପିଲା ପଢ଼ିବା କ୍ଷମତା ରହିଛି ।
ପ୍ରତି ବ୍ଲକ୍ରେ ଗୋଟିଏ ଲେଖାଏଁ ଓଡ଼ିଶା ଆଦର୍ଶ ବିଦ୍ୟାଳୟ ସହ ଉଭୟ ଛାତ୍ରାବାସ ଓ ଛାତ୍ରୀନିବାସ ନିର୍ମାଣ ଏଠାରେ ରହିବା କଥା । ୩୧୪ଟି ଆଦର୍ଶ ବିଦ୍ୟାଳୟ ମଧ୍ୟରୁ ୨୯୭ଟିର ନିର୍ମାଣ କାର୍ଯ୍ୟ ସରିଥିବା ବେଳେ ଏପର୍ଯ୍ୟନ୍ତ ଆହୁରି ୧୭ଟି ସ୍କୁଲର ନିର୍ମାଣ କାର୍ଯ୍ୟ ଶେଷ ହୋଇନି । ତେବେ ଯେତିକି ତିଆରି ହୋଇଛି, ସବୁଥିରେ ଛାତ୍ରୀ ରହୁନାହାନ୍ତି ।
