ଜମ୍ମୁ କଶ୍ମୀର : କିସ୍ତୱାରରେ ବଡ଼ ଧରଣର ଏନକାଉଣ୍ଟର, ଜଣେ ଯବାନ ସହିଦ

ଜମ୍ମୁ କଶ୍ମୀର କିସ୍ତୱାରରେ ବଡ଼ ଧରଣର ଏନକାଉଣ୍ଟର । ଦ୍ବିତୀୟ ଦିନ ପାଇଁ ଜାରି ରହିଛି ଏନକାଉଣ୍ଟର । ଛତ୍ରୁ ସିଂପୁରା ଅଞ୍ଚଳରେ ଏନକାଉଣ୍ଟର ଜାରି ରହିଛି । ଅପରେସନ ବେଳେ ଜଣେ ଯବାନ ସହିଦ ହୋଇଛନ୍ତି । ଗତକାଲି ଯବାନଙ୍କ ଗୁଳିରେ ଦୁଇ ଜଣ ଆତଙ୍କୀ ନିହତ ହୋଇଥିଲେ । ପହଲଗାମ ଆକ୍ରମଣ ପରେ ପୂରା ଜମ୍ମୁ କାଶ୍ମୀରରେ ସର୍ଚ୍ଚ ଅପରେସନକୁ ଜୋରଦାର କରାଯାଇଛି ।

ଜମ୍ମୁ କଶ୍ମୀର ପୋଲିସ ମହାନିର୍ଦ୍ଦେଶକ ନଲିନ ପ୍ରଭାତ ଏହି ଅଞ୍ଚଳ ଗସ୍ତ କରି ଆତଙ୍କବାଦ ବିରୋଧୀ ଅଭିଯାନ ସମୀକ୍ଷା କରିଛନ୍ତି । ତେବେ ସହିଦ ହୋଇଥିବା ଯବାନଙ୍କ ନାମ ଗାୟକର ସନ୍ଦୀପ ପାଣ୍ଡୁରଙ୍ଗା ଭାବେ ହୋଇଛି । ତାଙ୍କ ଘର ମହାରାଷ୍ଟ୍ର ଅହମଦନଗର ଜିଲ୍ଲାର କରଣ୍ଡୀ ଗାଁରେ । ତେବେ ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ ପୋଲିସ ଅଧିକାରୀ ।

#WATCH | Jammu, J&K | Wreath laying ceremony of Sepoy Gaykar Sandip Pandurang lost his life in the line of duty during the ongoing operation in the Singhpora area of Chatroo in Kishtwar.

The encounter between security forces and terrorists in the Singhpora area of Chatroo… pic.twitter.com/7TIkwh2srn

— ANI (@ANI) May 23, 2025

କିସ୍ତୱାରର ଚଟୁର ଅଞ୍ଚଳର ସିଂହପୋରାରେ ସୁରକ୍ଷା ବାହିନୀ ଅନେକ ଆତଙ୍କବାଦୀଙ୍କୁ ଘେରି ରହିଥିଲେ । ସେନା ଏବଂ ସୁରକ୍ଷା ବାହିନୀର ମିଳିତ ଅପରେସନ ଏବେ ବି ଜାରି ରହିଛି । ଘଟଣାସ୍ଥଳରେ ଗୁଳି ବିନିମୟ ମଧ୍ୟ ହୋଇଥିଲା । ଅଞ୍ଚଳକୁ ଘେରାବନ୍ଦୀ କରାଯାଇଛି ଏବଂ ବିପଦକୁ ନିରପେକ୍ଷ କରିବା ପାଇଁ ପ୍ରୟାସ କରାଯାଉଛି ।

ସୂଚନାଯୋଗ୍ୟ, ଜମ୍ମୁ ଏବଂ କଶ୍ମୀରର ପୁଲୱାମା ଜିଲ୍ଲାର ତ୍ରାଲ ଅଞ୍ଚଳର ନାଦିର ଗାଁରେ ଗତ ଗୋଟିଏ ସପ୍ତାହ ତଳେ ପୃଥକ ଆତଙ୍କବାଦ ବିରୋଧୀ କାର୍ଯ୍ୟାନୁଷ୍ଠାନରେ ଜୈଶ-ଏ-ମହମ୍ମଦର ତିନି ଜଣ ଆତଙ୍କବାଦୀଙ୍କୁ ନିପାତ କରିବା ପରେ ସୁରକ୍ଷା ବାହିନୀର ଆଉ ଏକ ଅପରେସନ ଜାରି ରହିଛି । ଏନକାଉଣ୍ଟରରେ ନିହତ ତିନି ଆତଙ୍କବାଦୀଙ୍କ ନାମ ଆସିଫ୍ ଅହମ୍ମଦ ଶେଖ୍, ଆମିର ନାଜିର ୱାନି ଏବଂ ୟୱାର ଅହମ୍ମଦ ଭଟ୍ ।

ଗତ ସପ୍ତାହରେ ମଙ୍ଗଳବାର ସୋପିଆନର କେଲର ଅଞ୍ଚଳ ଏବଂ ଗୁରୁବାର ପୁଲୱାମାର ତ୍ରାଲର ନାଦର ଅଞ୍ଚଳରେ ଏନକାଉଣ୍ଟର ହୋଇଥିବା ରିପୋର୍ଟ କରାଯାଇଥିଲା ।

Also Read : ଜମ୍ମୁ କଶ୍ମୀର କିସ୍ତୱାରରେ ସୁରକ୍ଷାବଳ ଓ ଆତଙ୍କବାଦୀ ଗୁଳି ବିନିମୟ, ଜୈସର ୩-୪ ଜଣ ଆତଙ୍କୀକୁ ଘେରିଲେ ସୁରକ୍ଷାବଳ

The post ଜମ୍ମୁ କଶ୍ମୀର : କିସ୍ତୱାରରେ ବଡ଼ ଧରଣର ଏନକାଉଣ୍ଟର, ଜଣେ ଯବାନ ସହିଦ appeared first on KNews Odisha.