ଜମ୍ମୁ-କାଶ୍ମୀରର ରାମବନରେ ଅଘଟଣ, ୩ ଜଣ ସୈନିକଙ୍କ ମୃତ୍ୟୁ

ରାମବନ : ଜମ୍ମୁ ଓ କାଶ୍ମୀରର ରାମବନ ଜିଲ୍ଲାରେ ଘଟିଲା ଅଘଟଣ ।  ଜାତୀୟ ରାଜପଥ ୪୪ର ବ୍ୟାଟେରୀ ଚଷମା ନିକଟରେ ଖସିଲା ଟ୍ରକ ।  ଟ୍ରକଟି ୨୦୦ ରୁ ୩୦୦ ମିଟର ଗଭୀର ଘାଟିକୁ ଖସିପଡ଼ିବାରୁ ୩ଜଣ ସେନା ସୈନିକଙ୍କ ଜୀବନ ଯାଇଛି ବୋଲି ଅଧିକାରୀମାନେ କହିଛନ୍ତି ।  ତେବେ ଦୁର୍ଘଟଣା ସମୟରେ ସେନା ବାହିନୀରେ କେତେ ଜଣ ଥିଲେ ତାହା ସ୍ପଷ୍ଟ ହୋଇନାହିଁ ।

ସୂଚନା ଅନୁସାରେ ପୋଲିସ, ଏସଡିଆରଏଫ, ସେନା ଓ ସ୍ଥାନୀୟ ଲୋକେ ଉଦ୍ଧାର ଅଭିଯାନରେ ସାମିଲ ହୋଇଥିଲେ ।  ମୃତ ଯବାନଙ୍କ ଶବ ଉଦ୍ଧାର କରି ରାମବନ ଜିଲ୍ଲା ହସ୍ପିଟାଲ ପହଞ୍ଚା ଯାଇଛି ।  ଦୁର୍ଘଟଣାର ସୂଚନା ମିଳିବାମାତ୍ରେ ରାମବନ ପୋଲିସ ଓ କ୍ୟୁଆରଟି ତୁରନ୍ତ ପ୍ରତିକ୍ରିୟା ଦେଇଥିଲେ ।

କ୍ୱିକ୍ ରିଆକ୍ସନ ଟିମ୍ (QRT), ପୋଲିସ, ରାଜ୍ୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ (SDRF), ସେନା ଏବଂ ସ୍ଥାନୀୟ ସ୍ଵେଚ୍ଛାସେବକମାନଙ୍କୁ ସାମିଲ କରି ଏକ ଦ୍ରୁତ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଥିଲା । ଦୁର୍ଘଟଣାରେ ମୃତ ଯବାନଙ୍କ ଚିହ୍ନଟ ହୋଇଛି ।

ସେମାନଙ୍କୁ ଅମିତ କୁମାର, ସୁଜିତ କୁମାର ଓ ମନ ବାହାଦୂର ଭାବେ ଚିହ୍ନଟ କରାଯାଇଛି ।  ଘଟଣା ସ୍ଥଳରେ ରେସକ୍ୟୁ ଅପରେସନ ଜାରି ରହିଛି ।  ସେନା, ପୋଲିସ ଓ ଏସଡିଆରଏଫ ସ୍ଥାନୀୟ ଲୋକଙ୍କ ସହଯୋଗରେ ରେସ୍କ୍ୟୁ ଅପରେସନ ପାରିଚାଳାନା କରିଛନ୍ତି ।  ତେବେ ଦୁର୍ଘଟଣାର କାରଣ ଜଣାପଡି ନାହିଁ ।

Also read: ପହଲଗାମ ଆତଙ୍କବାଦୀ ଆକ୍ରମଣ : ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଲେ ବାୟୁସେନା ମୁଖ୍ୟ

The post ଜମ୍ମୁ-କାଶ୍ମୀରର ରାମବନରେ ଅଘଟଣ, ୩ ଜଣ ସୈନିକଙ୍କ ମୃତ୍ୟୁ appeared first on KNews Odisha.