ଜଳବାୟୁ ପରିବର୍ତ୍ତନ ଏବଂ ତାପମାତ୍ରା, ବଢ଼ାଇଛି ହୃଦରୋଗର ଆଶଙ୍କା ...ଏକ ନୂଆ ଅଧ୍ୟୟନରେ ଆଶ୍ଚର୍ଯ୍ୟଜନକ ଖୁଲାସା

ନୂଆଦିଲ୍ଲୀ 27/03 : ଜଳବାୟୁ ପରିବର୍ତ୍ତନ ଭୟଙ୍କର ହୋଇପାରେ।  ବଢ଼ାଇପାରେ ହୃଦରୋଗର ଆଶଙ୍କା।  ନିକଟରେ ଅଷ୍ଟ୍ରେଲିଆରେ କରାଯାଇଥିବା ଏକ ଅଧ୍ୟୟନରେ ଏହି ଦାବି ହୋଇଛି। ଅଧ୍ୟୟନ ଅନୁଯାୟୀ, ତାପମାତ୍ରା ବୃଦ୍ଧି ଏବଂ ଜଳବାୟୁ ପରିବର୍ତ୍ତନ ହେତୁ 50 ହଜାର ବର୍ଷର ସୁସ୍ଥ ବାତାବରଣ ନଷ୍ଟ ହୋଇ ଯାଉଛି। ଆସନ୍ତୁ ଜାଣିବା ଅଧ୍ୟୟନ କ’ଣ କହୁଛି  ଏବଂ ଉତ୍ତାପ ସହ  ହାର୍ଟର ସମ୍ପର୍କ କ’ଣ? ଅତ୍ୟଧିକ ଉତ୍ତାପ ପ୍ରକୃତରେ କଣ ହାର୍ଟ ସମ୍ବନ୍ଧୀୟ ରୋଗର ଆଶଙ୍କା ବ ବଢ଼ାଇଥାଏ କି?

ଆଡିଲେଡ୍ ବିଶ୍ୱବିଦ୍ୟାଳୟର ବୈଜ୍ଞାନିକଙ୍କ ଅନୁଯାୟୀ ଯେତେବେଳେ ତାପମାତ୍ରା ବଢ଼େ, ଏହା ପ୍ରଭାବ ଶରୀର ଉପରେ ମଧ୍ୟ ପକାଇଥାଏ। ମଣିଷ ଶରୀର ମଧ୍ୟ ଗରମ ହେବାକୁ ଲାଗେ ।  ଏପରି ପରିସ୍ଥିତିରେ ଶରୀରକୁ ଥଣ୍ଡା ରଖିବା ପାଇଁ ହାର୍ଟକୁ ଅଧିକ ପରିଶ୍ରମ କରିବାକୁ ପଡିଥାଏ। ଏହି ଅବସ୍ଥା ସେହି ଲୋକଙ୍କ ପାଇଁ ଅଧିକ ବିପଜ୍ଜନକ, ଯେଉଁମାନେ ପୂର୍ବରୁ କିଛି ସ୍ୱାସ୍ଥ୍ୟ ସମସ୍ୟାରେ ପୀଡିତ ଥିବେ।  ଗରମ ବଢ଼ିବା ହେତୁ ରକ୍ତଚାପ ଅସନ୍ତୁଳିତ ହୋଇପାରେ, ଯାହା ହୃଦଘାତ ଏବଂ ଷ୍ଟ୍ରୋକ କିମ୍ବା ହୃଦଘାତ ଜନିତ ରୋଗର ଆଶଙ୍କା ବଢ଼ାଇଥାଏ। ଏପରି ପରିସ୍ଥିତିରେ ଜଳବାୟୁ ପରିବର୍ତ୍ତନ ହେତୁ କିଛି ଲୋକମାନେ କ୍ଷତି ସହିପାରନ୍ତି । ତେବେ ଏନେଇ ବରିଷ୍ଠ ଭେଷଜ ବିଶେଷଜ୍ଞ ଡାକ୍ତର. ଶ୍ରୀକାନ୍ତ ଧର ବି ନିଜର ମତ ରଖିଛନ୍ତି। 

ଅଧ୍ୟୟନ ଅନୁଯାୟୀ, ଯଦି ଗ୍ରୀନ୍ ହାଉସ୍ ଗ୍ୟାସ୍ ନିର୍ଗମନ ଏହିପରି ଜାରି ରହେ, ତେବେ ଆସନ୍ତା 25 ବର୍ଷ ମଧ୍ୟରେ ହୃଦୟ ସମ୍ବନ୍ଧୀୟ ରୋଗର ମାମଲା ଦ୍ରୁତ ଗତିରେ  ବଢିଯାଇପାରେ । କାରଣ ଭାରତରେ ହାର୍ଟ ସମ୍ବନ୍ଧୀୟ ମାମଲା ଦ୍ରୁତ ଗତିରେ ବୃଦ୍ଧି ପାଇଛି । ଏପରି ପରିସ୍ଥିତିରେ ଜଳବାୟୁ ପରିବର୍ତ୍ତନ ହେତୁ ହୃଦରୋଗର ଆଶଙ୍କା ଆହୁରି ବଢ଼ିପାରେ । ଜଳବାୟୁ ପରିବର୍ତ୍ତନ ହେତୁ ତାପମାତ୍ରା କ୍ରମାଗତ ଭାବରେ ବୃଦ୍ଧି ପାଉଛି ଆଉ ଗରମ  ଦିନର ସଂଖ୍ୟା ମଧ୍ୟ ବଢ଼ୁଛି, ଏହି କାରଣରୁ ଏହି ବିପଦ ଆହୁରି ବଢ଼ିପାରେ । 

ଜଳବାୟୁ ପରିବର୍ତ୍ତନର ପ୍ରଭାବ କାରଣରୁ 2025 ସୁଦ୍ଧା ଭାରତରେ ଅତ୍ୟଧିକ ତାପମାତ୍ରା ଏବଂ ଲୁ ଘଟଣା ବୃଦ୍ଧି ପାଇବାର ସମ୍ଭାବନା ବଢ଼ୁଛି। ମାର୍ଚ୍ଚରେ ଭାରତର ଅନେକ ସ୍ଥାନରେ ତାପମାତ୍ରା ବୃଦ୍ଧି ଘଟିଥିବାର ଦେଖାଯାଇଛି। ଓଡିଶା ଏବଂ ଛତିଶଗଡର ଅନେକ ଜିଲ୍ଲାରେ ତାପମାତ୍ରା ପ୍ରାୟ 40 ଡିଗ୍ରୀ ଛୁଇଁଛି।  ପାଣିପାଗ ବିଶେଷଜ୍ଞଙ୍କ ଅନୁଯାୟୀ ଜଳବାୟୁ ପରିବର୍ତ୍ତନ ହେତୁ ଏହି ପରିସ୍ଥିତି ସୃଷ୍ଟି ହେଉଛି। କାରଣ ଜଳବାୟୁ ପରିବର୍ତ୍ତନ ହେତୁ ସହରାଞ୍ଚଳ ଏବଂ ଗ୍ରାମାଞ୍ଚଳରେ ତାପମାତ୍ରା ବୃଦ୍ଧି ପାଉଥିବା  ରେକର୍ଡ କରାଯାଇଛି। ଗତ ଦଶନ୍ଧି ମଧ୍ୟରେ ଭାରତ ଅତ୍ୟଧିକ ଗରମର ସାମ୍ନା କରିଛି, ଯାହା ଦ୍ୱାରା ଜୀବନହାନୀ ଓ ଆର୍ଥିକ କ୍ଷତି ଘଟିଛି।