ଜାଣନ୍ତି କି ଏହି ଦେଶର ଲୋକେ ଫୋନ୍‌ରେ ପ୍ରଥମେ ହେଲୋ ବଦଳରେ ନିଜ ନାଁ କହି ଆରମ୍ଭ କରନ୍ତି କଥା

ସାଧାରଣତଃ ଯେତେବେଳେ ଲୋକମାନେ ପ୍ରଥମେ କାହାକୁ ଫୋନ୍‌ କରନ୍ତି କିମ୍ବା ଫୋନ୍‌ ଉଠାନ୍ତି, ସେମାନେ ପ୍ରଥମେ ‘ହେଲୋ’ କୁହନ୍ତି ଏବଂ ତା’ପରେ କଥା ହେବା ଆରମ୍ଭ କରନ୍ତି, କିନ୍ତୁ ବିଶ୍ୱରେ ଏମିତି ଏକ ଦେଶ ଅଛି, ଯେଉଁଠି ଲୋକମାନେ ଫୋନ୍‌ରେ ପ୍ରଥମେ କାହାକୁ ହେଲୋ କହି ନ ଥାନ୍ତି। ସିଧାସଳଖ ନିଜ ନାଁ କହି କଥା ହେବା ଆରମ୍ଭ କରନ୍ତି।

ଏପରି ଦେଶ ହେଉଛି ଜର୍ମାନୀ। ଯେଉଁଠାରେ କିଛି ଅଜବ ନିୟମ ରହିଛି। ଏହି ଦେଶରେ ଏକଛତ୍ରବାଦୀ ହିଟଲର ଥିଲେ। ହିଟଲରଙ୍କ ଯୋଗୁ ଦ୍ୱିତୀୟ ବିଶ୍ୱଯୁଦ୍ଧ ହୋଇଥିଲା। ଯଦିଓ ଏହି ଦେଶ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ସମ୍ପୂର୍ଣ୍ଣ ଦେବାଳିଆ ହୋଇଯାଇଥିଲା, କିନ୍ତୁ ବର୍ତ୍ତମାନ ଏହାକୁ ବିଶ୍ୱର ୧୦ଟି ଶକ୍ତିଶାଳୀ ଦେଶ ମଧ୍ୟରେ ଗଣନା କରାଯାଏ। କିନ୍ତୁ ଏହି ଦେଶ ସହିତ ଜଡ଼ିତ ଅନେକ ଆକର୍ଷଣୀୟ ତଥ୍ୟ ଅଛି, ଯାହା ବିଷୟରେ ଜାଣି ଆଶ୍ଚର୍ଯ୍ୟ ହୋଇଯିବେ।

ସେମିତି ଏହି ଦେଶରେ ଆଉ ଏକ ନିୟମ ରହିଛି। ରାସ୍ତାରେ ଦ୍ରୁତଗତିରେ ଗାଡ଼ି ଚଲାଇବା କିମ୍ବା ହେଲମେଟ୍‌ ପିନ୍ଧି ନ ଥିବାରୁ ଲୋକମାନଙ୍କୁ ପ୍ରାୟତଃ ଫାଇନ ବା ଜରିମାନା ଦେବାକୁ ପ ବୋଲି ଜାଣିଥିବେ । ମାତ୍ର ଆପଣ କେବେ ଶୁଣିଛନ୍ତି କି ଯଦି ରାସ୍ତା ମଝିରେ ଗାଡିର ତେଲ ସରିଯାଏ, ତେବେ ଜରିମାନା ଲାଗୁ ହୋଇପାରେ କିମ୍ବା ଏଥିପାଇଁ ଦଣ୍ଡ ମଧ୍ୟ ଦିଆଯାଇପାରେ।

ଜର୍ମାନୀ ରାଜପଥରେ ଯେତେ ଗତିରେ ଚାହିଁବେ ଗାଡ଼ି ଚଲାଇପାରିବେ, ଏଥିପାଇଁ ଦଣ୍ଡର କୌଣସି ବ୍ୟବସ୍ଥା ନାହିଁ। ଏଠାରେ ଯଦି ରାସ୍ତା ମଝିରେ ଗାଡ଼ିରୁ ତେଲ ସରିଲା ଏହାକୁ ଅପରାଧ ବୋଲି ବିବେଚନା କରାଯିବ। ଏଥିପାଇଁ ଦଣ୍ଡ କିମ୍ବା ଜରିମାନା ଦିଆଯାଇପାରେ।

ସାଧାରଣତଃ ଅନେକ ଦେଶରେ ଲୋକମାନେ ସମୟ ପୂର୍ବରୁ କାହାକୁ ଜନ୍ମଦିନର ଶୁଭେଚ୍ଛା ଜଣାଇଥାନ୍ତି, କିନ୍ତୁ ଜର୍ମାନୀରେ ଏପରି କରିବା ଦୁର୍ଭାଗ୍ୟ ବୋଲି ବିବେଚନା କରାଯାଏ।

ଜର୍ମାନୀରେ ବିଶ୍ୱର ସର୍ବାଧିକ ସଂଖ୍ୟକ ଚିଡ଼ିଆଖାନା ଅଛି। ଏହା ବ୍ୟତୀତ ବିଶ୍ୱର ସବୁଠାରୁ ଉଚ୍ଚ ଚର୍ଚ୍ଚ ମଧ୍ୟ ଏଠାରେ ଅଛି, ଯାହାର ନାମ ‘ଉଲ୍ମ ମିନିଷ୍ଟର’। ଏହି ଚର୍ଚ୍ଚର ଉଚ୍ଚତା ପ୍ରାୟ ୫୩୦ ଫୁଟ। ଏହା ଏତେ ବଡ଼ ଯେ, ଏଥିରେ ଦୁଇ ହଜାର ଲୋକ ଏକାଠି ଆରାମରେ ବସିପାରିବେ।

ଆପଣ ହୁଏତ ଜାଣି ନଥିବେ, କିନ୍ତୁ ବିଶ୍ୱର ପ୍ରଥମ ପତ୍ରିକା ୧୬୬୩ ଖ୍ରୀଷ୍ଟାବ୍ଦରେ ଜର୍ମାନୀରେ ଆରମ୍ଭ ହୋଇଥିଲା। ଜାଣି ଆଶ୍ଚର୍ଯ୍ୟ ହେବେ ଯେ, ସର୍ବାଧିକ ପୁସ୍ତକ ଛାପୁଥିବା ଦେଶ ତାଲିକାରେ ଜର୍ମାନୀର ନାମ ମଧ୍ୟ ଅନ୍ତର୍ଭୁକ୍ତ। ପ୍ରତିବର୍ଷ ଏଠାରେ ୯୪ ହଜାରରୁ ଅଧିକ ପୁସ୍ତକ ମୁଦ୍ରିତ ହୁଏ।

The post ଜାଣନ୍ତି କି ଏହି ଦେଶର ଲୋକେ ଫୋନ୍‌ରେ ପ୍ରଥମେ ହେଲୋ ବଦଳରେ ନିଜ ନାଁ କହି ଆରମ୍ଭ କରନ୍ତି କଥା appeared first on Dharitri Odia News.