ଜାଲରେ ପଡିଲା ୬୦ କିଲୋର ବୁଧିଆ ମାଛ, ୪ରୁ ୫ ଜଣ ଜାଲ ଟାଣି ଉଠାଇଲେ ମାଛ

ସମ୍ବଲପୁର : ଜାଲରେ ପଡିଲା ୬୦ କେଜିର ମାଛ । ମହାନଦୀରେ ମତ୍ସ୍ୟଜିବୀଙ୍କ ଜାଲରେ ପଡିଛି ବିରାଟକାୟ ମାଛ । ସମ୍ବଲପୁର ବୁର୍ଲା ସାଇଫନ ଅଞ୍ଚଳରେ ମତ୍ସ୍ୟଜିବୀ ମାନେ ୬୦ କେଜିର ମାଛ ଧରିଛନ୍ତି । ମାଛର ନାଁ ବୁଧିଆ ମାଛ ବୋଲି ମତ୍ସ୍ୟଜିବୀ କହିଛନ୍ତି।

ମହାନଦୀରୁ ବିରାଟ କାୟ ବୁଧିଆ ମାଛ ଧରିଲେ ମତ୍ସ୍ୟଜିବୀ, ମାଛର ଓଜନ ପ୍ରାୟ ୬୦ କେଜି। ହୀରାକୁଦ ଡ୍ୟାମ ତଳେ ବା ବୁର୍ଲା ସାଇଫନରେ ମତ୍ସ୍ୟଜିବୀଙ୍କ ଜାଲରେ ବିରାଟ କାୟ ବୁଧିଆ ମାଛ ଲାଗିଛି। #sambalpur #odisha pic.twitter.com/PRXLt5C9CB

— Sakala News (@SakalaNews) July 10, 2024

ମଙ୍ଗଳବାର ମତ୍ସ୍ୟଜିବୀ ମାନେ ବୁର୍ଲା ସାଇଫନରେ ମାଛ ଧରିବାକୁ ଯାଇଥିଲେ । ଜଳଭଣ୍ତାର ପ୍ରାୟ ଡାହାଣ ପାଶ୍ବ ସ୍ଲିଲଓ୍ଵେର କିଛି ଦୂରରେ ଏହି ମାଛଟି ଜାଲରେ ଲାଗିଥିଲା । ଜଣେ ମତ୍ସ୍ୟଜିବୀ ଜାଲ ପକାଇ ଟାଣିବାରେ ଅସମର୍ଥ ହୋଇଥିଲେ। ସାଥି ମତ୍ସ୍ୟଜିବୀଙ୍କୁ ଡାକି ଜାଲ ଟାଣିବା ବେଳେ ଏହି ବିରାଟ କାୟ ବୁଧିଆ ମାଛ ଜାଲରେ ଲାଗିଥିବା ଦେଖିବାକୁ ପାଇଥିଲେ । ତେବେ ମାଛଟିକୁ ସହରରେ ବିକ୍ରି କରିଥିବା ଜଣାପଡିଛି।