'ଜୀବନ ଦେଇଦେବି ହେଲେ ଲାଗୁ ହେବାକୁ ଦେବିନି UCC, CAA': ଇଦ୍ ଅବସରରେ ଏମିତି କହିଲେ ଦିଦି

ପଶ୍ଚିମବଙ୍ଗ ୧୧/୦୪: ଇଦ୍ ଅବସରରେ ସମସ୍ତଙ୍କୁ ଶୁଭେଚ୍ଛା ଜଣାଇଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । କୋଲକାତାରେ ଆୟୋଜିତ ରୋଡ୍‌ ସୋରେ ସାମିଲ ହୋଇଥିଲେ ମମତା । ଏହି ଅବସରରେ ସେ କହିଥିଲେ ଯେ, ଇଦ୍ ଖୁିସିର ପର୍ବ । ଏହି ଇଗ୍ ଶକ୍ତି ପ୍ରଦାନର ପର୍ବ । ଏକମାସ ଉପବାସ କରି ଏହି ଇଦ୍ ପାଳନ କରିବା ଏକ ବଡ କଥା । ଆମେ ଦେଶ ପାଇଁ ରକ୍ତ ଦେବାକୁ ପ୍ରସ୍ତୁତ କିନ୍ତୁ ଦେଶ ପାଇଁ ହେଉଥିବା ଅତ୍ୟାଚାରକୁ ବରଦାସ୍ତ କରିବୁ ନାହିଁ । 

ୟୁନିଫର୍ମ ସିଭିଲ୍ କୋଡ୍ ଗ୍ରହଣୀୟ ନୁହେଁ । ମୁଁ ସମସ୍ତ ଧର୍ମ ମଧ୍ୟରେ ସମନ୍ୱୟ ଚାହୁଁଛି ।  ତୁମର ସୁରକ୍ଷା ଚାହୁଁଛି । ସେ ବିଜେପି ଉପରେ ବର୍ଷିବା ସହ କହିଛନ୍ତି ଯେ, ମୁସଲିମ ନେତାଙ୍କୁ ମନୋନୀତ କରି କ’ଣ ଚାହୁଁଛନ୍ତି ବୋଲି ଓଲଟା ପ୍ରଶ୍ନ ପଚାରିଛନ୍ତି । ଇଦ୍ ପ୍ରାର୍ଥନାକୁ ସମ୍ବୋଧିତ କରିବାବେଳେ ମମତା ବାନାର୍ଜୀ ସ୍ପଷ୍ଟ ଭାବରେ କହିଛନ୍ତି ଯେ ସେ ୟୁନିଫର୍ମ ସିଭିଲ୍ କୋଡ୍, NRC ଏବଂ CAA କାର୍ଯ୍ୟକାରୀ କରିବାକୁ ଅନୁମତି ଦେବେ ନାହିଁ ।

ପ୍ରଥମ ଥର ପାଇଁ ମମତା ବାନାର୍ଜୀ ୟୁସିସି ଉପରେ ଟିଏମସିର ଆଭିମୁଖ୍ୟ ସ୍ପଷ୍ଟ କରିଛନ୍ତି । ଲୋକସଭା ନିର୍ବାଚନରେ ଭୋଟ୍ ଦେବା ପୂର୍ବରୁ ତାଙ୍କର ଏହି ଷ୍ଟାଣ୍ଡ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଯାହା ଦର୍ଶାଏ ଯେ ସେ ବେଙ୍ଗାଲୁରୁରେ ମୁସଲମାନ ଭୋଟକୁ ମଜବୁତ କରିବା ଲକ୍ଷ୍ୟରେ ଲୋକସଭା ନିର୍ବାଚନ ପୂର୍ବରୁ ୟୁସିସି ବିରୋଧରେ ଛିଡା ହେବାକୁ ଚାହୁଁଛନ୍ତି ।

ମମତା କହିଛନ୍ତି, 'ଆମେ ରୟାଲ ବେଙ୍ଗଲ ଟାଇଗର ଭଳି । ମୁଁ ଦେଶ ପାଇଁ ମୋର ରକ୍ତ ଦେବାକୁ ପ୍ରସ୍ତୁତ ।  ନିର୍ବାଚନ ସମୟରେ ତୁମେ ମୁସଲମାନ ନେତାମାନଙ୍କୁ ଫୋନ କରୁଛ ପଚାରୁଛ ତୁମେ କଣ ଚାହୁଁଛ । ମୁଁ କହୁଛି ସେମାନେ କିଛି ଚାହାଁନ୍ତି ନାହିଁ, ସେମାନେ ପ୍ରେମ ଚାହାଁନ୍ତି । ଆମେ UCCକୁ କେବେବି ଗ୍ରହଣ କରିବୁ ନାହିଁ । 

ତୁମେ ମୋତେ ଜେଲରେ ରଖି ପାରିବ । କିନ୍ତୁ ମୁଁ ବିଶ୍ୱାସ କରେ ଯେତେ ଅସବୁିଧାରେ ପକାଇଲେ କଣ ହେବ ଭଗବାନ ଯାହା ଚାହିଁବେ ସେୟା ହିଁ ହେବ । ସେ କହିଛନ୍ତି ଯେ ବିଜେପିକୁ କେହି ଭୋଟ୍ ଦେବା ଉଚିତ୍ ନୁହେଁ । ମମତା କହିଛନ୍ତି ଯେ ଯଦି କିଛି ଘଟେ ତେବେ ଆମେ କୋର୍ଟକୁ ଯିବା । ଆମ ଲୋକମାନେ ଏବେ ଯାଏଁ ଜାମିନ ପାଇନାହାଁନ୍ତି । ଆମେ ଏବେ ନ୍ୟାୟ ଚାହୁଁ।