ଜେଲରୁ ନେଟୱାର୍କ ଅପରେଟ କରୁଥିଲେ ଅମୃତପାଲ, ପାଖରୁ ମିଳିଲା ସ୍ପାଏ କ୍ୟାମେରା…

ଦିବ୍ରୁଗଡ଼,୧୭।୨ : ଆସାମର ଦିବ୍ରୁଗଡ ଜେଲର ସୁରକ୍ଷା କ୍ଷେତ୍ରରେ ଏକ ବଡ଼ ଧରଣର ମାମଲା ସାମ୍ନାକୁ ଆସିଛି। ବାସ୍ତବରେ ଏଠାରେ ଥିବା ଏକ କୋଠରୀରୁ ମୋବାଇଲ ଫୋନ, ସ୍ପାଏ କ୍ୟାମେରା ଏବଂ ଅନ୍ୟାନ୍ୟ ଜିନିଷ ଜବତ କରାଯାଇଛି। ବିଶେଷ କଥା ହେଉଛି ଖାଲିସ୍ତାନ ସମର୍ଥକ ଅମୃତପାଲ ସିଂଙ୍କ କୋଠରୀରୁ ଏସବୁ ଜବତ ହୋଇଛି। ଏହି କାରଣରୁ ସେ ଜେଲ ଭିତରୁ ନିଜ ନେଟୱାର୍କ ଚଳାଉଥିବାର ଆଶଙ୍କା କରାଯାଉଛି। ତେବେ ଏହା ଏକ ସମ୍ବେଦନଶୀଳ ବିଷୟ ହୋଇଥିବାରୁ ପୋଲିସ ଏ ସମ୍ପର୍କରେ ଅଧିକ ସୂଚନା ବାଣ୍ଟୁନାହିଁ।

ସୂଚନାନୁସାରେ, ଜେଲ ପ୍ରଶାସନ ଏବଂ ସ୍ଥାନୀୟ ପୋଲିସ ଗୁପ୍ତ ସୂଚନା ପାଇଥିଲେ ଯେ କିଛି ଲୋକ ଦିବ୍ରୁଗଡ ଜେଲ ଭିତରେ ମୋବାଇଲ ଫୋନ ବ୍ୟବହାର କରୁଥିଲେ। ଏଥିପାଇଁ କିଛି ମନୋନୀତ ପଏଣ୍ଟରେ କ୍ୟାମେରା ସେଟଅପ କରାଯାଇଥିଲା । କ୍ୟାମେରା ଫୁଟେଜ ଆଧାରରେ ଜେଲର ବିଭିନ୍ନ ସ୍ଥାନରେ ଚଢାଉ କରାଯାଇଥିଲା। ଶନିବାର ଏହି ଚଢ଼ାଉ ବେଳେ ସେଲରୁ ପେନ ଡ୍ରାଇଭ, ସ୍ପାଏ କ୍ୟାମେରା, ସ୍ପିକର, ସ୍ମାର୍ଟ ୱାଚ, କିପ୍ୟାଡ ଫୋନ ଏବଂ ବ୍ଲୁଟୁଥ ହେଡଫୋନ ଜବତ କରାଯାଇଛି।

ସୂଚନାନୁସାରେ, ଉଦ୍ଧାର ହୋଇଥିବା ମୋବାଇଲ ଫୋନର କଲ ରେକର୍ଡକୁ ପୋଲିସ ବର୍ତ୍ତମାନ ଯାଞ୍ଚ କରୁଛି। ଜେଲରୁ ଡକାଯାଇଥିବା ଲୋକଙ୍କ ସମ୍ପୂର୍ଣ୍ଣ ତାଲିକା ପ୍ରସ୍ତୁତ କରାଯାଉଛି। ବର୍ତ୍ତମାନ ଜବତ ହୋଇଥିବା ପେନ ଡ୍ରାଇଭରେ କଣ ଅଛି ସେ ସମ୍ପର୍କରେ ପୋଲିସ କୌଣସି ସୂଚନା ଦେଇନାହିଁ। ଅମୃତପାଲ ସିଂ ତାଙ୍କର ୯ ସହଯୋଗୀଙ୍କ ସହ ଦିବ୍ରୁଗଡର ସେଣ୍ଟ୍ରାଲ ଜେଲରେ ଅଛନ୍ତି। ଜାତୀୟ ସୁରକ୍ଷା ଆଇନ (ଏନଏସଏ) ଅନୁଯାୟୀ ସମସ୍ତ ଲୋକଙ୍କ ବିରୋଧରେ ଏକ ମାମଲା ଚାଲିଛି। ଅମୃତପାଲଙ୍କ ପାକିସ୍ତାନର ଗୁପ୍ତଚର ଏଜେନ୍ସି ଆଇଏସଆଇ ସହ ଲିଙ୍କ ଥିବା ଅଭିଯୋଗ ହୋଇଛି।

ଅମୃତପାଲ ଖଲିସ୍ତାନ ସମର୍ଥକ ଦୃଷ୍ଟିକୋଣ ନେଇ ପ୍ରଚାର କରୁଥିବା ଅଭିଯୋଗ ହୋଇଛି। ୨୦୨୨ ମସିହାରେ ସେ ୱାରିସ ପଞ୍ଜାବ ଦେ ସଂଗଠନର ନେତୃତ୍ୱ ନେବା ଆରମ୍ଭ କରିଥିଲେ। ଏହାପୂର୍ବରୁ ସେ ଦୁବାଇରେ ପରିବହନରେ କାମ କରୁଥିଲେ। ଆସାମର ଦିବ୍ରୁଗଡ ଜେଲ ପ୍ରାୟ ୪୭ ଏକର ଉପରେ ନିର୍ମାଣ ହୋଇଛି। ଏଥିରେ ୬୮୦ କଏଦୀଙ୍କୁ ରହିବାର କ୍ଷମତା ଅଛି ।

Reference NSA detenues at Dibrugarh Jail, Assam – On receipt of Information about unauthorised activities taking place in NSA cell, additional CCTV cameras were installed in public area of NSA Block. Inputs received confirmed unauthorised activities, based on which Jail staff… pic.twitter.com/Iwf5kWOeXN

— GP Singh (@gpsinghips) February 17, 2024

The post ଜେଲରୁ ନେଟୱାର୍କ ଅପରେଟ କରୁଥିଲେ ଅମୃତପାଲ, ପାଖରୁ ମିଳିଲା ସ୍ପାଏ କ୍ୟାମେରା… appeared first on Dharitri Odia News.