ଡୋନାଲ୍ଡ ଟ୍ରମ୍ପଙ୍କ ଟାରିଫ୍ ବୃଦ୍ଧି ଧମକ ଉପରେ ବିଦେଶ ମନ୍ତ୍ରୀ ଜୟଶଙ୍କରଙ୍କ ବୟାନ, କହିଲେ- ଆମେରିକା ସହ...

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିଜ ଦ୍ୱିତୀୟ କାର୍ଯ୍ୟକାଳ ଆରମ୍ଭ କରିବା ପୂର୍ବରୁ ଟାରିଫ୍ ବୃଦ୍ଧିର ଚେତାବନୀ ଦେଇଛନ୍ତି । ଟ୍ରମ୍ପ ଚେତାବନୀ ଦେଇଛନ୍ତି ଯେ ଯଦି ବ୍ରିକ୍ସ (ବ୍ରାଜିଲ୍, ରୁଷ, ଭାରତ, ଚୀନ ଏବଂ ଦକ୍ଷିଣ ଆଫ୍ରିକା) ଦେଶ ଡଲାରର ବିକଳ୍ପ ଖୋଜିବା ପାଇଁ ଉଦ୍ୟମ କରନ୍ତି ତେବେ ସେମାନଙ୍କ ଉପରେ ୧୦୦ ପ୍ରତିଶତ ଟାରିଫ୍ ଲଗାଇବେ । ଟ୍ରମ୍ପଙ୍କ ଏହି ଚେତବନୀ ପରେ ବିଦେଶ ମନ୍ତ୍ରୀ ଏସ୍.ଜୟଶଙ୍କରଙ୍କ ବୟାନ ସାମନାକୁ ଆସିଛି ।

ସିଆଇଆଇ ପାର୍ଟନରଶିପ୍ ସମିଟ୍‌ରେ ବିଦେଶ ମନ୍ତ୍ରୀ ସ୍ପଷ୍ଟ ଶବ୍ଦରେ କହିଛନ୍ତି ଯେ ଟ୍ରମ୍ପଙ୍କ ଦ୍ୱିତୀୟ କାର୍ଯ୍ୟକାଳକୁ ନେଇ ବ୍ୟବସାୟ ଦୁନିଆରେ ଆଲୋଚନା ଚାଲିଛି ଏବଂ ଏହା ଉପରେ ବିତର୍କକୁ ନେଇ ମୁଁ ଆଶ୍ଚର୍ଯ୍ୟ ନୁହେଁ । ସବୁ ଦେଶ ପାଖରେ ଟ୍ରମ୍ପଙ୍କ ପ୍ରଥମ ପ୍ରଶାସନର ଅନୁଭବ ରହିଛି ଏବଂ ସମ୍ଭବତଃ ଦ୍ୱିତୀୟ ପ୍ରଶାସନରେ ସମ୍ପର୍କ ସ୍ଥାପନ ପାଇଁ ପୂର୍ବ ସମ୍ପର୍କକୁ ଦେଖିବେ । ମୁଁ ବିଶ୍ୱାସର ସହ କହିପାରିବି ଯେ ଭାରତ ପାଇଁ ଆମେରିକା ସହ ରଣନୈତିକ ସମ୍ପର୍କ ସମୟ ସହ ଅଧିକ ଗଭୀର ହୋଇଛି । ଏପରି ଏକ ବାତାବରଣ ସୃଷ୍ଟି ହୋଇଛି, ଯେଉଁଠି ଅଧିକ ସହଯୋଗ ଅନୁଭବ କରାଯାଇପାରିବ ।

ଜୟଶଙ୍କରହ କହିଛନ୍ତି, 'ସ୍ୱାଭାବିକ ଭାବେ ଦୁଇ ପ୍ରମୁଖ ଅର୍ଥବ୍ୟବସ୍ଥା ମଧ୍ୟରେ, ସବୁବେଳେ ଦେଣ-ନେଣ ହୋଇଥାଏ । ଯେତେବେଳେ ଆମେ ଆର୍ଥିକ ଏବଂ ପ୍ରଯୁକ୍ତି ଦୃଷ୍ଟିରୁ ଦେଖିବା, ତେବେ ଗତ କିଛି ବର୍ଷରେ ଭାରତ-ଆମେରିକା ମଧ୍ୟରେ ବିଶ୍ୱସନୀୟ-ଭରସାଯୋଗ୍ୟ ସହଭାଗୀତା ବଢିଛି । ଏଥିପାଇଁ ଭବିଷ୍ୟତରେ ଯାହା ବି ହେବ, ତାହା ପରସ୍ପର ପାଇଁ ଲାଭଦାୟୀ ହେବ ।'