ତାଞ୍ଜାନିଆରେ ଛୁଟି କାଟୁଛନ୍ତି ବେବୋ, ସେୟାର କଲେ ସୁନ୍ଦର ଫଟୋ

ମୁମ୍ଵାଇ ୨୪।୦୩: ବଲିଉଡ୍‌ର ବେବୋ କରୀନା କପୁର ଖାନ । ବର୍ତ୍ତମାନ ତାଙ୍କ ସ୍ୱାମୀ ସୈଫ ଅଲି ଖାନ ଏବଂ ପୁଅ ତୈମୁର ଏବଂ ଜେହଙ୍କ ସହ ତାଞ୍ଜାନିଆରେ ଛୁଟି କାଟୁଛନ୍ତି। ପରିବାର ଲୋକଙ୍କୁ କିଛି ଦିନ ପୂର୍ବରୁ ମୁମ୍ବାଇ ଏୟାପୋର୍ଟରେ ଦେଖିବାକୁ ମିଳିଥିଲେ। ବର୍ତ୍ତମାନ ଅଭିନେତ୍ରୀ ସେମାନଙ୍କ ଛୁଟିଦିନର ଝଲକ ସୋସିଆଲ ମିଡିଆରେ ସେୟାର କରୁଛନ୍ତି।

କରୀନା ନିଜ ଇନଷ୍ଟାଗ୍ରାମ ଷ୍ଟୋରୀରେ ନିଜର ଏକ ଫଟୋ ପୋଷ୍ଟ କରିଛନ୍ତି। ସେ ସାର୍ଟ ଏବଂ ଜିନ୍ସରେ ବହୁତ ସୁନ୍ଦର ଦେଖାଯାଉଥିବାବେଳେ ଗୋଟିଏ କାନ୍ଧରେ ଏକ ବଡ ବ୍ୟାଗ ଅଛି । ଲାଗୁଛି ଯେମିତି ସେ ତାଞ୍ଜାନିଆର ଦୃଶ୍ୟକୁ ଦେଖୁଛନ୍ତି । ଏହି ଫଟୋ ସେୟାର କରିବା ସମୟରେ ଅଭିନେତ୍ରୀ ଲେଖିଥିଲେ, '୨୯ ମାର୍ଚ୍ଚକୁ ଅପେକ୍ଷା ... # କ୍ରୁ' ପରି ।

କହିବାକୁ ଗଲେ କରୀନା ତାଙ୍କର ଆଗାମୀ ଚଳଚ୍ଚିତ୍ର କ୍ରୁ ରିଲିଜ ପାଇଁ ପ୍ରସ୍ତୁତ ଅଛନ୍ତି, ଯାହା ମାର୍ଚ୍ଚ ୨୯ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ରିୟା କପୁରଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ କରୀନା କପୁର ଖାନଙ୍କ ସହ ତବୁ, କ୍ରିତି ସାନନ, କପିଲ ଶର୍ମା ଏବଂ ଦିଲଜିତ ଦୋସାଞ୍ଜ ଅଭିନୟ କରିଛନ୍ତି। ଏହି ଚଳଚ୍ଚିତ୍ରଟି ତିନିଜଣ ଏୟାର ହୋଷ୍ଟେସ୍‌ଙ୍କ କାହାଣୀ ଏବଂ ତିନି ଜଣଙ୍କୁ ବିମାନର କ୍ୟାବିନ କ୍ରୁ ଭୂମିକାରେ ଅଭିନୟ କରୁଥିବାର ଦେଖିବାକୁ ମିଳିବ। ପ୍ରଶଂସକମାନେ ଫିଲ୍ମ ଦେଖିବା ପାଇଁ ଉତ୍ସାହିତ ସହ ଅପେକ୍ଷା କରିଛନ୍ତି।