ଥରିଲା ମଧ୍ୟ ପ୍ରଦେଶ

ଭୋପାଳ,୨୧।୬: ଶୁକ୍ରବାର ପୂର୍ବାହ୍ନରେ ମଧ୍ୟପ୍ରଦେଶର ଖଣ୍ଡୱାଠାରେ ଭୂକମ୍ପର କମ୍ପନ ଅନୁଭୂତ ହୋଇଥିଲା। ଭୂକମ୍ପ ଖବର ପାଇବା ମାତ୍ରେ ଲୋକମାନେ ଘରୁ ବାହାରକୁ ଆସିଥିଲେ। ସୂଚନାନୁସାରେ, ଶୁକ୍ରବାର ରାତି ପ୍ରାୟ ୯ଟା ୪ସମୟରେ ମଧ୍ୟପ୍ରଦେଶର ଖଣ୍ଡଓ୍ବାଠାରେ ହାଲୁକା ଭୂକମ୍ପ ଅନୁଭୂତ ହୋଇଥିଲା। ରିଚ୍ଟର ସ୍କେଲରେ ଏହି ଭୂକମ୍ପର ତୀବ୍ରତା ୩.୬ ମାପ କରାଯାଇଥିଲା। ବର୍ତ୍ତମାନ ପର୍ଯ୍ୟନ୍ତ ଏହି ଭୂକମ୍ପ ଯୋଗୁଁ କୌଣସି ଜୀବନ କିମ୍ବା ସମ୍ପତ୍ତି ନଷ୍ଟ ହେବାର ଖବର ଆସିନାହିଁ।
କିନ୍ତୁ ଭୂକମ୍ପ ଯୋଗୁଁ ଲୋକମାନେ ଭୟଭୀତ ହୋଇ ନିଜ ଘରୁ ବାହାରକୁ ଆସିଥିଲେ। ଏହି ଭୂକମ୍ପର କେନ୍ଦ୍ରସ୍ଥଳ ଖଣ୍ଡୱାଠାରୁ ୧୦କିଲୋମିଟର ଦୂରରେ ବୋଲି କୁହାଯାଇଥିଲା। କୁହାଯାଉଛି ଯେ ଗୁଲମୋହର କଲୋନୀ, ହାଉସିଂ ବୋର୍ଡ କଲୋନୀ, ଆନନ୍ଦ ନଗର, ନାଭକର ନଗର, ସିଙ୍ଗାଦ ତାଲାଇ, ମାତା ଚୌକ, LIG ଏବଂ ର୍କିତ୍ତୀ ନଗର ସମେତ ଆଖପାଖ କଲୋନୀରେ ଏହି ଭୂକମ୍ପ କମ୍ପନ ଅନୁଭୂତ ହୋଇଛି। ଏହି ସମୟ ମଧ୍ୟରେ ଏହା ମଧ୍ୟ କୁହାଯାଇଥିଲା ଯେ କେତେକ ସ୍ଥାନରେ ବିସ୍ଫୋରଣ ପରି ଶବ୍ଦ ଶୁଣାଗଲା।

The post ଥରିଲା ମଧ୍ୟ ପ୍ରଦେଶ appeared first on Dharitri Odia News.