ଦକ୍ଷିଣ କୋରିଆରେ ଲାଗୁ ହେଲା ମାର୍ଶଲ ଲ': ରାଷ୍ଟ୍ରପତିଙ୍କ ଚେତାବନୀ- ଦେଶ ବିରୋଧୀଙ୍କୁ ସ୍ଥାନ ନାହିଁ

ନୂଆଦିଲ୍ଲୀ: ଦକ୍ଷିଣ କୋରିଆ ରାଷ୍ଟ୍ରପତି ୟୋନ୍ ସୁକ୍ ୟୋଲ ଦେଶରେ ଜରୁରୀକାଳୀନ ସାମରିକ ଆଇନ ଘୋଷଣା କରିଛନ୍ତି। ସେ କହିଛନ୍ତି ଯେ ଉତ୍ତର ପ୍ରଦେଶର କମ୍ୟୁନିଷ୍ଟ ବାହିନୀରୁ ଦେଶକୁ ରକ୍ଷା କରିବା ପାଇଁ ଏହି ପଦକ୍ଷେପ ଆବଶ୍ୟକ ହୋଇଛି। ଉତ୍ତର କୋରିଆର ସୈନ୍ୟବାହିନୀକୁ ହଟାଇବା ଏବଂ ସାମ୍ବିଧାନିକ ଗଣତାନ୍ତ୍ରିକ ବ୍ୟବସ୍ଥାର ସୁରକ୍ଷା ପାଇଁ ଶପଥ ନେଇ ୟୋନ୍ ଏକ ଟେଲିଭିଜନ ସଂକ୍ଷିପ୍ତ ବୈଠକରେ ଏହି ଘୋଷଣା କରିଛନ୍ତି। ତେବେ ରାଷ୍ଟ୍ରପତିଙ୍କ ଏହି ପଦକ୍ଷେପଗୁଡିକ ଦେଶର ଶାସନ ଏବଂ ଗଣତନ୍ତ୍ର ଉପରେ କି ପ୍ରଭାବ ପକାଇବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ରାଷ୍ଟ୍ରପତି ସାମରିକ ଆଇନ ଘୋଷଣା କରିବା ପରେ ଦକ୍ଷିଣ କୋରିଆ ସଂସଦରେ ସଦସ୍ୟଙ୍କ ପ୍ରବେଶ ବନ୍ଦ ହୋଇଯାଇଛି। ବର୍ତ୍ତମାନ ସାଂସଦମାନେ ସଂସଦରେ ପ୍ରବେଶ କରିପାରିବେ ନାହିଁ।

ଆସନ୍ତା ବର୍ଷର ବଜେଟ୍ ବିଲ୍‌କୁ ନେଇ ବିରୋଧୀ ଡେମୋକ୍ରାଟିକ୍ ପାର୍ଟି ସହିତ ଦକ୍ଷିଣ କୋରିଆ ରାଷ୍ଟ୍ରପତି ୟୋନଙ୍କ ପିପୁଲ୍ସ ପାୱାର ପାର୍ଟି ମଧ୍ୟରେ ତିକ୍ତତା ଲାଗି ରହିଛି। ତାଙ୍କ ପତ୍ନୀ ଏବଂ ବରିଷ୍ଠ ଅଧିକାରୀଙ୍କ ସହିତ ହୋଇଥିବା ଦୁର୍ନୀତିର ନିରପେକ୍ଷ ତଦନ୍ତର ଦାବିକୁ ମଧ୍ୟ ସେ ଖାରଜ କରୁଛନ୍ତି, ଯେଉଁଥିପାଇଁ ସେ ତାଙ୍କ ରାଜନୈତିକ ପ୍ରତିଦ୍ୱନ୍ଦ୍ୱୀମାନଙ୍କଠାରୁ ପଲିଟିକାଲ୍‌ ଆଟାକ୍‌ର ସମ୍ମୁଖୀନ ହେଉଛନ୍ତି।

ରାଷ୍ଟ୍ରପତିଙ୍କ ଦ୍ୱାରା ସାମରିକ ଆଇନ ଘୋଷଣା ହେବାର ଠିକ୍ ପରେ ଦେଶର ବିରୋଧୀ ଡେମୋକ୍ରାଟିକ୍ ପାର୍ଟି ଏହାର ସାଂସଦମାନଙ୍କର ଏକ ଜରୁରୀ ବୈଠକ ଡକାଯାଇଛି। ବିଶ୍ୱାସ କରାଯାଏ ଯେ ଏହି ବୈଠକରେ ରାଷ୍ଟ୍ରପତିଙ୍କ ଦ୍ୱାରା ନିଆଯାଇଥିବା ପଦକ୍ଷେପ ଏବଂ ସରକାରଙ୍କ ଦ୍ୱାରା ଲଗାଯାଇଥିବା ପ୍ରତିବନ୍ଧକ ଉପରେ ମଧ୍ୟ ଆଲୋଚନା ହେବ।

ୟୋନହାପ ନ୍ୟୁଜ୍ ଏଜେନ୍ସିର ରିପୋର୍ଟ ଅନୁଯାୟୀ ଦକ୍ଷିଣ କୋରିଆର ବିରୋଧୀ ଡେମୋକ୍ରାଟିକ୍ ପାର୍ଟି ନେତା ଲି ଜେ-ମାୟଙ୍ଗ କହିଛନ୍ତି ଯେ ସାମରିକ ଆଇନ ଘୋଷଣା ଅସାମ୍ବିଧାନିକ। ଅନ୍ୟପକ୍ଷରେ ଶାସକ ପିପୁଲ୍ସ ପାୱାର ପାର୍ଟିର ମୁଖ୍ୟ ହାନ ଡୋଙ୍ଗ-ହୁନ୍ ମଧ୍ୟ ସାମରିକ ଆଇନକୁ ଭୁଲ ବୋଲି ଘୋଷଣା କରିଛନ୍ତି ଏବଂ ଏହାକୁ ବନ୍ଦ କରିବାକୁ ଶପଥ ନେଇଛନ୍ତି। ରାଷ୍ଟ୍ରପତି କହିଛନ୍ତି- ସାମରିକ ଆଇନ ବ୍ୟତୀତ ତାଙ୍କର କୌଣସି ବିକଳ୍ପ ନାହିଁ। ସେ କହିଛନ୍ତି ଯେ ଉତ୍ତର କୋରିଆ ସମର୍ଥକଙ୍କୁ ଦେଶରୁ ହଟାଇବା ଏବଂ ଉଦାରବାଦୀ ସାମ୍ବିଧାନିକ ବ୍ୟବସ୍ଥାର ସୁରକ୍ଷା ପାଇଁ ଏହି ନିଷ୍ପତ୍ତି ନିଆଯାଇଛି।