ଦିଲ୍ଲୀ ବିଧାନସଭା ନିର୍ବାଚନରେ ପ୍ରଥମଥର ପାଇଁ ଭୋଟ ଦେବେ ପାକିସ୍ତାନୀ ହିନ୍ଦୁ ଶରଣାର୍ଥୀ

ନୂଆଦିଲ୍ଲୀ,୪।୧: ଦେଶର ରାଜଧାନୀ ଦିଲ୍ଲୀରେ ଗୋଟିଏ ପଟେ ବାଂଲାଦେଶୀ ଅନୁପ୍ରବେଶକାରୀଙ୍କୁ ଧରାଯାଉଛି, ସେମାନଙ୍କ ଡକ୍ୟୁମେଣ୍ଟ ଯାଞ୍ଚ କରାଯାଉଛି ଏବଂ ସେମାନଙ୍କୁ ଗିରଫ କରାଯାଉଥିବା ବେଳେ ଅନ୍ୟପଟେ ଦିଲ୍ଲୀରେ ଦଶନ୍ଧି ଧରି ରହୁଥିବା ଶହ ଶହ ପାକିସ୍ତାନୀ ହିନ୍ଦୁ ଶରଣାର୍ଥୀ ବିଧାନସଭା ନିର୍ବାଚନରେ ଭୋଟ ଦେବାକୁ ଯାଉଛନ୍ତି।
ଦିଲ୍ଲୀର ମଜନୁ କା ଟିଲା ଅଞ୍ଚଳର ଶ୍ରୀ ରାମ ସେନା କ୍ୟାମ୍ପରେ ରହୁଥିବା ୫୦୦ରୁ ଅଧିକ ପାକିସ୍ତାନୀ ହିନ୍ଦୁ କିଛି ମାସ ପୂର୍ବରୁ ନାଗରିକତ୍ୱ ସଂଶୋଧନ ଅଧିନିୟମ ଅନୁଯାୟୀ ଭାରତୀୟ ନାଗରିକତ୍ୱ ପାଇଛନ୍ତି ଏବଂ ବର୍ତ୍ତମାନ ଏହା କୁହାଯାଉଛି ଯେ ଏହି ପରିବାରର ଶହ ଶହ ପରିବାର ମଧ୍ୟ ଅଛନ୍ତି ଯେଉଁମାନଙ୍କୁ ଭୋଟର ତାଲିକାରେ ଯୋଡା ଯାଇଛି ଏବଂ ସେମାନଙ୍କର ଇ-ଭୋଟର ପରିଚୟ ପତ୍ର ମଧ୍ୟ ଆସିଛି।
ଏକ ଘରୋଇ ଟେଲିଭିଜନ ଚ୍ୟାନେଲ ସହ କଥାବାର୍ତ୍ତା ସମୟରେ ପାକିସ୍ତାନରୁ ଆସି ଭାରତରେ ଆଶ୍ରୟ ନେଉଥିବା ହିନ୍ଦୁମାନଙ୍କର ଶ୍ରୀ ରାମ ସେନା କ୍ୟାମ୍ପର ମୁଖ୍ୟ ଧରମବୀର ବାଗଡି କହିଛନ୍ତି ଯେ ନାଗରିକତ୍ୱ ପାଇବା ପରେ ବର୍ତ୍ତମାନ ସୁଦ୍ଧା ୩୦୦ ରୁ ଅଧିକ ପାକିସ୍ତାନୀ ହିନ୍ଦୁଙ୍କ ନାମ ଭୋଟର ତାଲିକାରେ ଯୋଡି ହୋଇଛି। ଧରମବୀର ବାଗଡିଙ୍କ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ ଆମ ସମସ୍ତଙ୍କ ବେକରେ ଫାଶିର ଫନ୍ଦା ଲଟକିଥିଲା, କିନ୍ତୁ ବର୍ତ୍ତମାନ ଭୋଟ ଦେବାର ଅଧିକାର ସହିତ ଆମକୁ ବଞ୍ଚିବାର ଅଧିକାର ମଧ୍ୟ ମିଳିଛି।

The post ଦିଲ୍ଲୀ ବିଧାନସଭା ନିର୍ବାଚନରେ ପ୍ରଥମଥର ପାଇଁ ଭୋଟ ଦେବେ ପାକିସ୍ତାନୀ ହିନ୍ଦୁ ଶରଣାର୍ଥୀ appeared first on Dharitri Odia News.