ଦୋହଲିଯିବ ମାଟି, ଧ୍ୱସ୍ତ ବିଧସ୍ତ ହେବ ଦେଶ, ଭୟରେ ଥରିବେ ଲୋକେ, ମାଡିଆସିବ ସୁନାମୀ !

ବେଜିଂ ୦୮/୦୪: ଜନବହୁଳ ରାଷ୍ଟ୍ରକୁ ଭୂମିକମ୍ପ ଭୟ । ମିଆଁମାର ପରେ ଚୀନ୍ ପ୍ରତି ବଡ଼ ବିପଦ। ଗ୍ରାସିପାରେ ମହାଭୂକମ୍ପ। ଫାଟିଯିବ ମାଟି, ଭୁଶୁଡିବ ଆକାଶ ଛୁଆଁ ବିଲ୍ଡିଂ। ପୂର୍ବାନୁମାନ କରିଛନ୍ତି ଚୀନ୍ ବୈଜ୍ଞାନିକ । ଦାବି ମୁତାବକ ଯେକୌଣସି ସମୟରେ ହୋଇପାରେ ଭୂମିକମ୍ପ । ରିକ୍ଟର ସ୍କେଲରେ ତୀବ୍ରତା ରହିବ ୮.୦ । ଆଉ ଯଦି ଏହି ଭବିଷ୍ୟବାଣୀ ସତ ହୁଏ,ତେବେ ମାଟିରେ ମିଶିବ ଟେକ୍ନୋସାଭି ସହର । ଧ୍ୱଂସ ହୋଇଯିବ ଅନେକ ଅଞ୍ଚଳ । କେବଳ ସେତିକି ନୁହେଁ ପ୍ରଭାବିତ ହେବ ହିମାଳୟ ଅଞ୍ଚଳ। ଫଳରେ ଉତ୍ତର ଭାରତରେ ମଧ୍ୟ ଆସିପାରେ ପ୍ରଳୟଙ୍କାରୀ ଭୂକମ୍ପ।

ଭୂକମ୍ପ ପଛରେ ନୂଆ କାରଣ ଚିହ୍ନଟ କରିଛନ୍ତି ବୈଜ୍ଞାନିକ । ମୁଖ୍ୟ କାରଣ ହେଉଛି ଏଠାରେ ଟେକ୍ଟୋନିକ୍ ପ୍ଲେଟଗୁଡ଼ିକ ମଧ୍ୟରେ ବଢିଯାଇଛି ଘର୍ଷଣ । ବେଜିଂ ବୈଜ୍ଞାନିକଙ୍କ ଝୁ ହଙ୍ଗବିନଙ୍କ ଭବିଷ୍ୟବାଣୀ ନେଇ ବଢିଲା ଚିନ୍ତା । ୧୫୦ ବର୍ଷ ତଳେ ଚେତାଇଥିଲେ, ଏବେ ଘାରିଛି ଆଶଙ୍କା । ଗତ ୧୫୦ ବର୍ଷ ମଧ୍ୟରେ ପୂର୍ବ ଏସିଆର ପାମିର-ବାଇକାଲ ଭୂକମ୍ପୀୟ ବେଲ୍ଟରେ ଅନୁଭୂତ ହୋଇଛି ୧୨ ଥର ଶକ୍ତିଶାଳୀ ଭୂମିକମ୍ପ ।

ରିପୋର୍ଟ ସାମାନକୁ ଆସିବା ପରେ ଚୀନ ସରକାରଙ୍କ ବଢିଛି ଚିନ୍ତା । ରିପୋର୍ଟରେ କୁହାଯାଇଛି ଏଥିମଧ୍ୟରୁ କେବଳ ଚୀନ୍‌ରେ ୫ଟି ଭୂମିକମ୍ପ ଅନୁଭୂତ ହୋଇଥିଲା। ଏବେ, ଏହାର ଷଷ୍ଠ ଚକ୍ର ଯୋଗୁଁ, ଚୀନ୍ ଚାରିପାଖରେ ଭୂମିକମ୍ପର ଝଟକା ଅନୁଭୂତ ହେବ। ବେଶି ପ୍ରଭାବିତ ହୋଇପାରେ ସିଚୁଆନ୍, ୟୁନାନ୍ ଏବଂ ହିମାଳୟ ଅଞ୍ଚଳ । 

ବୈଜ୍ଞାନିକଙ୍କ ଏହି ସର୍ଭେ ୨୦ ମାର୍ଚ୍ଚ, ୨୦୨୫ରେ ଜର୍ଣ୍ଣାଲ ଅଫ୍ ଜିଓଡେସି ଆଣ୍ଡ ଜିଓଡାଇନାମିକ୍ସରେ ପ୍ରକାଶିତ ହୋଇଛି । ଆହୁରି ବି ୧୮୭୯ ରୁ ୨୦୨୪ ପର୍ଯ୍ୟନ୍ତ ଛଅଟି ପ୍ରମୁଖ ଭୂକମ୍ପଗତ ସକ୍ରିୟ ଗତିବିଧି ବି ଚିହ୍ନଟ କରିଛି । ତେବେ ଚୀନ୍‌ର ସରକାରୀ ବୈଜ୍ଞାନିକ ଏଭଳି ଦାବିକୁ ଅସ୍ୱୀକାର କରିଛନ୍ତି । ସେ କହିଛନ୍ତି, ଚଳିତ ବର୍ଷ କିଛି ଘଟିପାର ବୋଲି ଏଯାଏଁ କୌଣସି ସଙ୍କେତ ନାହିଁ। 

୨୦୦୮ରେ ସିଚୁଆନରେ ଅନୁଭୂତ ହୋଇଥିଲା ଭୂମିକମ୍ପ । ଯଦି ଏହି ପୂର୍ବାନୁମାନ ସହ ହୁଏ ଚୀନ୍ ସହ ହିମାଳୟ ଅଞ୍ଚଳରେ ଆସିପାରେ ବିନାଶ । ବିଶେଷକରି ଭାରତର ଉତ୍ତର ପୂର୍ବ ରାଜ୍ୟ, ଉତ୍ତରାଖଣ୍ଡ, ନେପାଳର ସୀମା ଓ ଅରୁଣାଚଳ ପ୍ରଦେଶ ଭଳି ଅଞ୍ଚଳରେ ହୋଇଫାରେ ଅନେକ କ୍ଷୟକ୍ଷତି । 

ନିକଟରେ, ୭.୬ ତୀବ୍ରତାର ଥରିଥିଲା ମିଆଁମାର ମାଟି । ଏମିତିକି ଥାଇଲାଣ୍ଡରେ ବି ହୋଇଥିଲା କମ୍ପନ । ପାଖାପାଖି ଯାଇଥିଲା ୩୦୦୦ ରୁ ଅଧିକ ଜୀବନ । ଅନେକ ସୁନ୍ଦର ସହର ବି ମିଶିଯାଇଛି ମାଟିରେ । ଏବେ ବି ଭଗ୍ନାବଶେଷ ତଳେ ଅନେକ । ଏହାରି ଭିତରେ ଆଉ ଏକ ଚେତାବନୀ ନିଶ୍ଚିତ ଭାବେ ବଢାଇଛି ଭୟ । ଯଦି ଚୀନରେ କମ୍ପନ ହେବ ତେବେ ଭାରତର ଅବସ୍ଥା କଣ ହେବ ଏବେଠୁ ପଡିଲାଣି ଭାଳେଣି ।