ନାସିକ ଆର୍ଟିଲରି ସେଣ୍ଟରରେ ପ୍ରଶିକ୍ଷଣ ବେଳେ ଅଘଟଣ, ବିସ୍ଫୋରଣରେ ଦୁଇ ଅଗ୍ନିବୀର ମୃତ

ମୁମ୍ୱାଇ: ମହାରାଷ୍ଟ୍ର ନାସିକ ଜିଲ୍ଲାର ଆର୍ଟିଲରି ସେଣ୍ଟରରେ ପ୍ରଶିକ୍ଷଣ ବେଳେ ବିସ୍ଫୋରଣ ଘଟି ଦୁଇ ଅଗ୍ନିବରୀଙ୍କ ମୃତ୍ୟୁ ହୋଇଛି । ଅନ୍ୟ ଜଣେ ଅଗ୍ନିବୀର ଗୁରୁତର ଭାବେ ଆହତ ହୋଇଛନ୍ତି । ଆହତ ସୈନିକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏନେଇ ଦେବଲାଲୀ କ୍ୟାମ୍ପ ପୋଲିସ ଷ୍ଟେସନରେ ମାମଲା ରୁଜୁ କରାଯାଇଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି । ପୋଲିସ ସୂଚନା ଅନୁସାରେ ଗୁରୁବାର ଅପରାହ୍ଣ ୧୨ରେ ଦେବଲାଲୀ କ୍ୟାମ୍ପ କ୍ଷେତ୍ରରେ ଫାୟାର ରେଞ୍ଜ ଆର୍ଟିଲରିରେ ଇଣ୍ଡିଆନ ସିଲ୍ଡ ଗନ୍ ଫିଲ୍ଡରେ ଫାୟାର ଫାଇଟର ଅଭ୍ୟାସ କରୁଥିଲେ ।

Two Indian Army Agniveers lost their lives in an accident when an artillery shell burst during a firing exercise. The Agniveers had come from Hyderabad for training at Artillery School in Deolali, Nashik in Maharashtra. The Army has ordered a court of inquiry into the incident to… pic.twitter.com/9Z7Regugqg— ANI (@ANI) October 11, 2024

ଏହି ସ୍ଥାନରେ ଦୁଇ ଅଗ୍ନିବୀରଙ୍କୁ ତୋପରେ ବିସ୍ଫୋରକ ଲୋଡ୍ ଉପରେ ପ୍ରଶିକ୍ଷଣ ଦିଆଯାଉଥିଲା । କିନ୍ତୁ ଏହି ସମୟରେ ହଠାତ୍ ବିସ୍ଫୋରଣ ହୋଇଥିଲା । ବିସ୍ଫୋରଣରେ ତିନି ଅଗ୍ନିବୀର ଆହତ ହୋଇଥିଲେ । ସମସ୍ତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଦୁଇ ଅଗ୍ନିବୀର ସୈଫତ (୨୧) ଏବଂ ଗୋହିଲ ବିଶ୍ୱରାଜ ସିଂହ (୨୦)ଙ୍କ ମୃତ୍ୟୁ ହୋଇଛି । ଅନ୍ୟପଟେ ଆହତ ଅଗ୍ନିବୀର ଅପ୍ପାଲା ସ୍ୱାମୀଙ୍କ ଚିକିତ୍ସା ଜାରି ରହିଛି । 

ଭାରତୀୟ ସେନା ଏକ୍ସରେ ପୋଷ୍ଟ କରି ଅଘଟଣରେ ଦୁଇ ଅଗ୍ନିବୀରଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରିଛି । ଅଗ୍ନିବୀର ହଇଦ୍ରାବାଦରୁ ମହାରାଷ୍ଟ୍ରର ନାସିକ ସ୍ଥିତ ଆର୍ଟିଲରି ସ୍କୁଲରେ ପ୍ରଶିକ୍ଷଣ ପାଇଁ ଆସିଥିଲେ । ସେନା ପକ୍ଷରୁ ଦୁର୍ଘଟଣାର ସଠିକ୍ କାରଣ ଜାଣିବା ପାଇଁ ଘଟଣାର କୋର୍ଟ ଅଫ୍ ଇନକ୍ୱାୟରି ନିର୍ଦ୍ଦେଶ ଦିଆଯାଇଛି ।