ନିଖୋଜ ପୁଅକୁ ଖୋଜି ଆଣିବା ପାଇଁ ୧ କୋଟି ଟଙ୍କା ପୁରସ୍କାର ଘୋଷଣା କଲେ ବାପା

ଶିମ୍‌ଲା/ଚେନ୍ନାଇ,୭।୨: ହିମାଚଳ ପ୍ରଦେଶର କିନ୍ନୌର ଜିଲାର ଜାତୀୟ ରାଜପଥ-୫ରେ ପାଙ୍ଗି ନାଲା ନିକଟରେ ଏକ ଗାଡି ସତଲୁଜ୍‌ ନଦୀରେ ଖସି ପଡିଥିଲା। କାରରେ ତିନି ଜଣ ଲୋକ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଦୁର୍ଘଟଣାରେ ଡ୍ରାଇଭରଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ଜଣକ ଶିମଲା ଇନ୍ଦିରା ଗାନ୍ଧୀ ମେଡିକାଲରେ ଚିକିତ୍ସିତ ହେଉଛନ୍ତି। କାରରେ ଥିବା ତୃତୀୟ ଯୁବକ ନିଖୋଜ ଅଛନ୍ତି। ନିଖୋଜ ଯୁବକ ତାମିଲନାଡୁର ବାସିନ୍ଦା ଏବଂ ତାଙ୍କ ନାମ ତିରୁ ଭେଟ୍ରି।
ତାମିଲନାଡୁର ବାସିନ୍ଦା ତିରୁ ଭେଟ୍ରି ନିଖୋଜ ଅଛନ୍ତି। ସେ ଅଲ ଇଣ୍ଡିଆ ଆନ୍ନା ଦ୍ରାବିଡା ମୁନେନ୍ଦ୍ର କାଜଗାମ ଦଳର ବରିଷ୍ଠ ନେତା ସାଇଡି ଦୁରାଇ ସାମିଙ୍କ ପୁଅ। ତିରୁ ନିଖୋଜ ହେବା ପରେ ତାମିଲନାଡୁରେ ତାଙ୍କୁ ଫେରିବା ପାଇଁ ପ୍ରାର୍ଥନା ଚାଲିଛି। ଏହି ସମୟରେ, ଥିରୁ ଭେଟ୍ରିଙ୍କ ପିତା ତଥା ବଡ ଶିଳ୍ପପତି ସାଇଡି ଦୁରାଇ ସାମି ତାଙ୍କ ପୁଅର ସ୍ଥିତି କହିବେ ତାଙ୍କୁ ୧ କୋଟି ଟଙ୍କା ପୁରସ୍କାର ଦିଆଯିବ ବୋଲି ଘୋଷଣା କରିଛନ୍ତି। ତାମିଲନାଡୁର ସୋସିଆଲ ମିଡିଆରେ ମଧ୍ୟ ଏହି ପୋଷ୍ଟର ଟ୍ରେଣ୍ଡ ହେଉଛି। ସାଇଡି ଦୁରାଇ ସାମି ମଧ୍ୟ ଚେନ୍ନାଇର ମେୟର ଥିଲେ।

The post ନିଖୋଜ ପୁଅକୁ ଖୋଜି ଆଣିବା ପାଇଁ ୧ କୋଟି ଟଙ୍କା ପୁରସ୍କାର ଘୋଷଣା କଲେ ବାପା appeared first on Dharitri Odia News.