ନିଜେ କାନ୍ଦିଥିବା କାବ୍ୟା ମାରନ ଟିମ୍‌ର ଖେଳାଳିଙ୍କୁ ହସାଇ ଦେଲେ, ଜିତି ନେଲେ ଫ୍ୟାନ୍ସଙ୍କ ହୃଦୟ

ନୂଆଦିଲ୍ଲୀ: ଆଇପିଏଲ୍ ୨୦୨୪ରେ ତୋଫାନୀ ଖେଳ ପ୍ରଦର୍ଶନ କରିଥିବା ସନରାଇଜର୍ସ ହାଇଦ୍ରାବଦ ଫାଇନାଲରେ ନିରାଶ ହୋଇଥିଲା । କେକେଆର ବିପକ୍ଷରେ ଟାଇଟଲ୍ ମୁକାବିଲାରେ ଟିମ୍ ୮ ୱିକେଟରେ ପରାଜିତ ହୋଇଥିଲା । ଏହି ପରାଜୟ ପରେ ହାଇଦ୍ରାବାଦର ପ୍ରତ୍ୟେକ ଖେଳାଳି ନିରାଶ ନଜର ଆସିଥିଲେ । ତାଙ୍କ ଟିମର ମାଲିକାଣୀ କାବ୍ୟା ମାରନ ଷ୍ଟାଡିୟମରେ ହିଁ କାନ୍ଦୁ ଥିବା ନଜର ଆସିଥିଲେ । କିନ୍ତୁ ଏବେ ଏକ ଭିଡିଓ ସାମନାକୁ ଆସିଛି ଯାହା ଫ୍ୟାନ୍ସ ଏବଂ ଖେଳାଳିଙ୍କ ହୃଦୟ ଜିତିଛି । ସନରାଇଜର୍ସ ହାଇଦ୍ରବାଦ କାବ୍ୟା ମାରନଙ୍କ ଏକ ଭିଡିଓ ପୋଷ୍ଟ କରିଛି ଯେଉଁଥିରେ ସେ ଖେଳାଳିଙ୍କୁ ମନୋବଳ ବଢାଇବା ସହ ସେମାନଙ୍କୁ ଧନ୍ୟବାଦ ଦେଉଥିବା ନଜର ଆସୁଛନ୍ତି । କାବ୍ୟା ମାରନ ଏପରି ମଧ୍ୟ କିଛି କଥା କହିଥିଲେ ଯେଉଁଥିରେ ଖେଳାଳିଙ୍କ ମୁହଁର ହସ ଖେଳିଥିଲା ।

କାବ୍ୟା ମାରନ ସନରାଇଜର୍ସ ହାଇଦ୍ରାବାଦର ଡ୍ରେସିଂ ରୁମରେ ସମସ୍ତ ଖେଳାଳିଙ୍କୁ ଏହି ସିଜିନରେ ଭଲ ପ୍ରଦର୍ଶନ ପାଇଁ ଧନ୍ୟବଦ ଜଣାଇଛନ୍ତି । କାବ୍ୟ କହିଛନ୍ତି ଯେ ତାଙ୍କ ଟିମ୍ ଚଳିତ ସିଜିନରେ ସମସ୍ତଙ୍କୁ ଦେଖାଇଛି ଯେ ଟି-୨୦ କ୍ରିକେଟ୍ କିପରି ଖେଳାଯାଏ । କାବ୍ୟା କହିଛନ୍ତି ଯେ ତାଙ୍କ ଟିମ୍ ଯଦିଓ ଏଥର ଚାମ୍ପିୟନ ହୋଇପାରି ନାହିଁ କିନ୍ତୁ ସନରାଇଜର୍ସ ହାଇଦ୍ରବାଦର ଖେଳାଳି ନିଜ ଶକ୍ତି ଦେଖାଇଛନ୍ତି ଏବଂ ଗତ ବର୍ଷ ଶେଷ ସ୍ଥାନରେ ରହିଥିବା ଟିମ୍ ଚଳିତ ସିଜିନରେ ସମସ୍ତଙ୍କ ଚିନ୍ତାଧାରକୁ ବଦଳାଇ ଦେଇଛି ।

"You've made us proud." ????

- Kaviya Maran pic.twitter.com/zMZraivXEE— SunRisers Hyderabad (@SunRisers) May 27, 2024

କାବ୍ୟା ମାରନ ନିଜ ଖେଳାଳିଙ୍କ ମନୋବଳ ବଢାଇଛନ୍ତି । କିନ୍ତୁ ଟିମର ପରାଜୟ ପରେ ସେ ନିଜକୁ ସମ୍ଭାଳିପାରି ନଥିଲେ । ଷ୍ଟାଡିୟମରେ ହିଁ ଭାବବିହ୍ୱଳ ହୋଇଥିଲେ ଏବଂ ନିଜ ଲୁହ ଲୁଚାଇବା ପାଇଁ କ୍ୟାମେରା ସାମନାରୁ ବୁଲାଇ ଦେଇଥିଲେ ।