ନିର୍ବାଚନୀ ବର୍ଷରେ ଜମୁଛି ରାଜନୀତିର ରଙ୍ଗ, ନେତାଙ୍କ ଠାରୁ ଆଶାୟୀ ସମସ୍ତେ ବ୍ୟସ୍ତ

ଭଦ୍ରକ ୨୬।୦୩ :  ଆଉ ଦିନ କେଇଟା ପରେ ନିର୍ବାଚନ । ସବୁଠି ଚାଲିଛି ଅଙ୍କକସା । କେଉଁ ନେତା ପୁଣି ରିପିଟ ହେବେ ତ ପୁଣି କେଉଁଠି ବଦଳିପାରେ ଟିକେଟ । ଏମିତି ଘଡିସନ୍ଧି ମୁହୂର୍ତ୍ତ ରେ ରଙ୍ଗ ର ପର୍ବ ଟିକେ ନିଆରା ଲାଗୁଛି । ପ୍ରତ୍ୟେକ ବର୍ଷ ପରି ନେତା ତ ହୋଲି ଖେଳୁଛନ୍ତି । କିନ୍ତୁ ଆଶାୟୀ ମଧ୍ୟ ହୋଲି ଅବସର ରେ ଲୋକଙ୍କ ପାଖକୁ ଯିବା ସହ ସୁଯୋଗ ଛାଡିବା ପାଇଁ ଚାହୁଁନାହାନ୍ତି । 

ନିର୍ବାଚନ ବର୍ଷରେ ହୋଲି । ସବୁଠି ରଙ୍ଗ ଓ ଅଭିର ରେ ରଙ୍ଗୀନ ହୋଇଛନ୍ତି ସମସ୍ତେ । ଆଉ ଏଥର ହୋଲି ରେ ଲାଗିଛି ରାଜନୀତି ର ରଙ୍ଗ । ଆଗକୁ ସାଧାରଣ ନିର୍ବାଚନ ଥିବାରୁ ସମସ୍ତେ ଏମିତି ସୁଯୋଗ କୁ ହାତ ଛଡା କରୁ ନାହାନ୍ତି । ନେତା ଏବେ ଛୁଟିଛନ୍ତି ଭୋଟର ଙ୍କ ପାଖକୁ । ମେଳଣ ହେଉ କି ଦୋଳ ଯାତ୍ରା , ସବୁଠି ଏବେ ନେତା ଙ୍କ ଭିଡ଼ । ଆଉ ହୋଲିରେ ରଙ୍ଗ ଖେଳ ସହ ଭୋଟର ଙ୍କ ନିକଟତର ହେବାକୁ ଏହି ସମୟ ଖୁବ ଯେମିତି ମାହୋଲକୁ ରଙ୍ଗୀନ କରିଛି। 

ଏଥର ହୋଲି କିନ୍ତୁ ଆଶାୟୀ ପ୍ରାର୍ଥୀଙ୍କ ପାଇଁ ମଧ୍ୟ ଆଶାର ସଞ୍ଚାର ହୋଇଛି । ଏମିତି ସୁଯୋଗକୁ ହାତଛଡା କରୁନାହାନ୍ତି ବିଭିନ୍ନ ରାଜନୈତିକ ଦଳର ଆଶାୟୀ ପ୍ରାର୍ଥି । ହୋଲି ଯେମିତି ଭୋଟର ଓ ସାଧାରଣ ଲୋକ ଙ୍କ  ନିକଟରେ ପହଞ୍ଚିବାର ସୁଯୋଗ ଦେଇଛି ହୋଲି । କିନ୍ତୁ ଆଶାୟୀ ମାନେ ସେ କଥା ସ୍ଵୀକାର କରୁ ନାହାନ୍ତି ସତ, କିନ୍ତୁ ଏହି ହୋଲିର ମାହୋଲ କହୁଛି ଯେ ସେମାନେ କେମିତି ସୁଯୋଗକୁ ଛାଡିବା ପାଇଁ ଚାହୁଁନାହନ୍ତି । ହୋଲିର ରଙ୍ଗ ସମସ୍ତଙ୍କ ଜୀବନରେ ନୂଆ ଉତ୍ସାହ ଆଣୁ । ରାଜନେତା ହୁଅନ୍ତୁ କି ଆଶାୟୀ ସମସ୍ତଙ୍କ ପାଇଁ ରଙ୍ଗର ଖେଳ ଆନନ୍ଦ ଦାୟକ ହେଉ ।