ପକ୍ଷୀ ସହ ପିଟି ହେବାରୁ ବିମାନରେ ଲାଗିଗଲା ନିଆଁ, ୧୨୨ ଜଣଙ୍କୁ ନେଇ ଯାତ୍ରା କରୁଥିଲା ଦ. କୋରିଆ

ନୂଆଦିଲ୍ଲୀ: ୧୨୨ ଜଣ ଯାତ୍ରୀଙ୍କୁ ନେଇ ଯାଉଥିବା ବୋଇଙ୍ଗ ବିମାନର ଇଞ୍ଜିନରେ ହଠାତ୍ ଲାଗିଲା ନିଆଁ। ଏହା ପରେ ବିମାନର ଜରୁରୀକାଳୀନ ଅବତରଣ କରିବାକୁ ପଡିଥିଲା। ଜାପାନର ଏହି ବିମାନ ଦକ୍ଷିଣ କୋରିଆର ଇଞ୍ଚନ୍ ବିମାନବନ୍ଦରରେ ଅବତରଣ କରିବାକୁ ଯାଉଥିଲା। ବିମାନର ଷ୍ଟାରବୋର୍ଡ ଇଞ୍ଜିନରେ ଏକ ପକ୍ଷୀ ଧକ୍କା ଦେବାରୁ ନିଆଁ ଲାଗିଯାଇଥିଲା।

ସ୍ଥାନୀୟ ମିଡିଆ ଆଉଟଲେଟ୍ ଟିବିଏସ୍ ନ୍ୟୁଜ୍ ଡିଜି ଅନୁଯାୟୀ, ଟି-ଓ୍ୱେ ଏୟାରଲାଇନ୍ସର ବୋଇଙ୍ଗ 737-800 ବିମାନ ଜାପାନର ରାଜଧାନୀ ଟୋକିଓର ନରିଟା ଅନ୍ତର୍ଜାତୀୟ ବିମାନବନ୍ଦରରୁ ବିମାନ ଉଡ଼ାଣ ଭରିଥିଲା। ଏହି ବିମାନଟି ସ୍ଥାନୀୟ ସମୟ ସକାଳ ୯.୩୦ରେ ଦକ୍ଷିଣ କୋରିଆର ଇଞ୍ଚନ୍ ବିମାନବନ୍ଦରରେ ଅବତରଣ କରିବାର ଥିଲା। ଏହାପୂର୍ବରୁ ବିମାନ ସହିତ ପକ୍ଷୀ ମୁହାଁମୁହିଁ ଧକ୍କା ହେବାରୁ ଇଞ୍ଜିନରେ ନିଆଁ ଲାଗିଯାଇଥିଲା।

ଇଞ୍ଜିନରୁ ନିଆଁ ବାହାରିବା ଆରମ୍ଭ ହେବା ପରେ ଧୀରେ ଧୀରେ ବିମାନର ପଛ ଭାଗରେ ପହଞ୍ଚିଥିଲା। ପରେ ସ୍ଥିତି ଗମ୍ଭୀର ହୋଇଗଲା। ଏହା ପରେ ଯାତ୍ରୀ ଏବଂ କର୍ମଚାରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ପାଇଲଟ୍ ଜରୁରୀ ଅବତରଣ କରିଥିଲେ।

ଏହି ଘଟଣା ସହ ଜଡିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଯେଉଁଥିରେ ଫ୍ଲାଇଙ୍ଗ ପ୍ଲେନରେ ନିଆଁ ସ୍ପଷ୍ଟ ଦେଖାଯାଇଛି। ସ୍ଥାନୀୟ ଜାପାନର ମିଡିଆ ଚ୍ୟାନେଲରେ ଦେଖାଯାଇଥିବା ଭିଡିଓରେ ବିମାନଟି ଅବତରଣ କରିବାକୁ ଚେଷ୍ଟା କରୁଥିବା ଦେଖାଯାଉଛି ଏବଂ ଏଥିରୁ ନିଆଁ ବାହାରୁଛି। ବିମାନରେ ଥିବା ଜଣେ ଯାତ୍ରୀ ଏହି ଭିଡିଓ ପ୍ରସ୍ତୁତ କରିଥିବା ଜଣାପଡ଼ିଛି।

ଜଣେ ଯାତ୍ରୀ ଘଟଣାର ବିଷୟରେ ବର୍ଣ୍ଣନା କରି କହିଛନ୍ତି, “ମୋର ହାତ ଥରି ଉଠୁଥିଲା ଏବଂ ମୋ ପରିବାର ଲୋକେ ଗୋଟିଏ ଶବ୍ଦ ମଧ୍ୟ କହିପାରିଲେ ନାହିଁ, ତେଣୁ ମୁଁ ପ୍ରକୃତରେ ଭୟଭୀତ ହୋଇଥିଲି। ଆମେ ଭାବି ପାରୁନଥିଲୁ ଯେ ଆମେ ପୁଣି ଉଡ଼ାଣ ଭରିବା।"

The post ପକ୍ଷୀ ସହ ପିଟି ହେବାରୁ ବିମାନରେ ଲାଗିଗଲା ନିଆଁ, ୧୨୨ ଜଣଙ୍କୁ ନେଇ ଯାତ୍ରା କରୁଥିଲା ଦ. କୋରିଆ appeared first on Prameya News7.