ପଣ୍ଡାପାଲି ଗାଁ ଶଙ୍କର ମହାକୁର ଙ୍କ ଘର ଉପରେ ଗଚ୍ଛପଡିବାରୁ ଅଳ୍ପକେ ବର୍ତ୍ତିଲେ ପରିବାର ଲୋକେ

ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଳକ ଉଫୁଲା ପଞ୍ଚାୟତ ପଣ୍ଡାପାଲି ଗ୍ରାମରେ ଜୈନିକ ବ୍ୟକ୍ତି ଙ୍କ ଘର ଉପରେ ଏକ ବିରାଟ ଗଚ୍ଛ ପଡ଼ି ଘର ଭାଙ୍ଗିଥିବା ଅଭିଯୋଗ ହୋଇଛି l ଫଳରେ ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି l ମିଳିଥିବା ସୂଚନା ଅନୁସାରେ ଗ୍ରାମର ଶଙ୍କର ମହାକୁର ପରିବାର ସହ ନିଜ ଘରେ ଥିବାବେଳେ ସେହି ସମୟରେ ନିକଟରେ ଥିବା ଏକ ବିରାଟ ଗଛ ଭାଙ୍ଗି ତାଙ୍କ ଘର ଉପରେ ପଡିଯାଇଥିଲା l ତେବେ ଗଛର ଶବ୍ଦ ଶୁଣି ପରିବାର ଲୋକେ ଘରୁ ଦୌଡ଼ି ପଳେଇ ଯାଇଥିଲେ l ଫଳରେ ପରିବାର ଲୋକେ ଅଳ୍ପକେ ବର୍ତ୍ତି ଯାଇଥିଲେ l ମଙ୍ଗଳବାର ଗଛ ପଡ଼ିବା ଯୋଗୁଁ ଶଙ୍କରଙ୍କ ଘର ଭାଙ୍ଗିବା ସହ ବହୁ କ୍ଷୟ କ୍ଷତି ହୋଇଛି l ତୁରନ୍ତ ପରିବାର ଲୋକେ ବୀରମହାରାଜପୁର ଅଗ୍ନିଶମ ବାହିନୀକୁ ଖବର ଦେଇଥିଲେ l ଖବର ପାଇଁ ଅଗ୍ନିଶମ ଅଧିକାରୀ ଭରତ ଲାଳ ଏକ୍କାଙ୍କ ନେତୃତ୍ୱରେ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ଗଛ କାଟି ସଫା କରିଥିଲେ l ତେବେ ପରିବାରଟି ଗରିବ ହୋଇଥିବାରୁ ଯଥାଶୀଘ୍ର ସରକାରୀ ସହାୟତା ଯୋଗାଇଦେବାକୁ ପରିବାର ଲୋକେ ଆକୁଳ ନିବେଦନ କରିଛନ୍ତି l

The post ପଣ୍ଡାପାଲି ଗାଁ ଶଙ୍କର ମହାକୁର ଙ୍କ ଘର ଉପରେ ଗଚ୍ଛପଡିବାରୁ ଅଳ୍ପକେ ବର୍ତ୍ତିଲେ ପରିବାର ଲୋକେ appeared first on Odisha.News.