ପର୍ଥରେ ବଡ଼ ରେକର୍ଡ କଲେ କେ.ଏଲ୍‌ ରାହୁଲ

ପର୍ଥ,୨୨।୧୧: ପର୍ଥ ଟେଷ୍ଟରେ କେ.ଏଲ ରାହୁଲ ଏକ ସ୍ବତନ୍ତ୍ର ରେକର୍ଡ କରିଛନ୍ତି। ପର୍ଥରେ ଖେଳାଯାଉଥିବା ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ସିରିଜର ପ୍ରଥମ ମ୍ୟାଚରେ ରାହୁଲ ୨୬ ରନ ସଂଗ୍ରହ କରି ଆଉଟ ହୋଇଥିଲେ। କିନ୍ତୁ ଏହା ପୂର୍ବରୁ ସେ ଏକ ସ୍ବତନ୍ତ୍ର ରେକର୍ଡ କରିଥିଲେ।
ରାହୁଲ ତାଙ୍କ ଟେଷ୍ଟ କ୍ୟାରିୟରରେ ୩୦୦୦ ରନ ପୂରଣ କରିଛନ୍ତି। ଭାରତ ପାଇଁ ଏହା କରିବାରେ ସେ ୨୬ତମ ଖେଳାଳି। ଏପର୍ଯ୍ୟନ୍ତ ୨୬ ଖେଳାଳି ଟିମ ଇଣ୍ଡିଆ ପାଇଁ ୩୦୦୦ କିମ୍ବା ଅଧିକ ଟେଷ୍ଟ ରନ ସ୍କୋର କରିଛନ୍ତି।
କେଏଲ ଏପର୍ଯ୍ୟନ୍ତ ଭାରତ ପାଇଁ ୯୨ ଇନିଂସରେ ୩୦୦୭ ରନ ସଂଗ୍ରହ କରିଛି। ଏହି ସମୟ ମଧ୍ୟରେ ସେ ୮ ଶତକ ଏବଂ ୧୫ ଅର୍ଦ୍ଧଶତକ ହାସଲ କରିଛନ୍ତି। ରାହୁଲଙ୍କ ସର୍ବଶ୍ରେଷ୍ଠ ଟେଷ୍ଟ ସ୍କୋର ହେଉଛି ୧୯୯ ରନ। ରାହୁଲ ଅନେକ କିମ୍ବଦନ୍ତୀ ଖେଳାଳିଙ୍କୁ ପଛରେ ପକାଇଛନ୍ତି।
ଟେଷ୍ଟରେ ସର୍ବାଧିକ ରନ ସ୍କୋର କରିବାରେ ବର୍ତ୍ତମାନର ଭାରତୀୟ ଖେଳାଳି ତାଲିକାରେ କୋହଲି ଶୀର୍ଷରେ ଅଛନ୍ତି। ସେ ୨୦୨ ଇନିଂସରେ ୯୦୪୫ ରନ କରିଛନ୍ତି। ଏହି ସମୟ ମଧ୍ୟରେ ୨୯ ଶତକ ସ୍କୋର କରିଛନ୍ତି।
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଟେଷ୍ଟ ସିରିଜର ପ୍ରଥମ ମ୍ୟାଚ ପର୍ଥରେ ଖେଳାଯାଉଛି। ଏଥିରେ ଭାରତ ବହୁତ ଖରାପ ଆରମ୍ଭ କରିଛି। ପର୍ଥ ଟେଷ୍ଟର ପ୍ରଥମ ଦିନରେ ମଧ୍ୟାହ୍ନ ଭୋଜନ ବିରତି ପର୍ଯ୍ୟନ୍ତ ଟିମ ଇଣ୍ଡିଆ ୪ ଉଇକେଟ ହରାଇ ମାତ୍ର ୫୧ ରନ ସଂଗ୍ରହ କରିଥିଲା।

The post ପର୍ଥରେ ବଡ଼ ରେକର୍ଡ କଲେ କେ.ଏଲ୍‌ ରାହୁଲ appeared first on Dharitri Odia News.