ପାକିସ୍ତାନରେ ପ୍ରଚଳନ ହେବ ପଲିମର୍ ପ୍ଲାଷ୍ଟିକ୍ ନୋଟ୍
ଇସ୍ଲାମାବାଦ୍: ଖୁବ୍ ଶୀଘ୍ର ପାକିସ୍ତାନରେ ପ୍ରଚଳନ ହେବ ପଲିମର ପ୍ଲାଷ୍ଟିକ୍ ନୋଟ୍। ପାକିସ୍ତାନ କେନ୍ଦ୍ରୀୟ ବ୍ୟାଙ୍କ ଖୁବ୍ ଶୀଘ୍ର ଏହି ନୋଟ୍ ଦେଶରେ ଚାଲୁ କରିବ। ଚଳିତବର୍ଷ ଶେଷ ଆଡକୁ ପାଇଲଟ ଭିତ୍ତିରେ ଏହି ନୂତନ ପଲିମର ପ୍ଲାଷ୍ଟିକ ନୋଟ୍ ଉପଲବ୍ଧ ହେବ। ଉନ୍ନତ ସୁରକ୍ଷା ଏବଂ ହୋଲୋଗ୍ରାମ ବୈଶିଷ୍ଟ୍ୟ ପାଇଁ କେନ୍ଦ୍ରୀୟ ବ୍ୟାଙ୍କ ସମସ୍ତ ବିଦ୍ୟମାନ ବ୍ୟାଙ୍କ ନୋଟଗୁଡ଼ିକୁ ପୁନଃଡିଜାଇନ୍ କରିବ। ଷ୍ଟେଟ ବ୍ୟାଙ୍କ ଅଫ୍ ପାକିସ୍ତାନର ଗଭର୍ଣ୍ଣର ଜମିଲ ଅହମ୍ମଦ ଇସଲାମାବାଦରେ ବ୍ୟାଙ୍କ ଏବଂ ଫାଇନାନ୍ସ […]
ଇସ୍ଲାମାବାଦ୍: ଖୁବ୍ ଶୀଘ୍ର ପାକିସ୍ତାନରେ ପ୍ରଚଳନ ହେବ ପଲିମର ପ୍ଲାଷ୍ଟିକ୍ ନୋଟ୍। ପାକିସ୍ତାନ କେନ୍ଦ୍ରୀୟ ବ୍ୟାଙ୍କ ଖୁବ୍ ଶୀଘ୍ର ଏହି ନୋଟ୍ ଦେଶରେ ଚାଲୁ କରିବ। ଚଳିତବର୍ଷ ଶେଷ ଆଡକୁ ପାଇଲଟ ଭିତ୍ତିରେ ଏହି ନୂତନ ପଲିମର ପ୍ଲାଷ୍ଟିକ ନୋଟ୍ ଉପଲବ୍ଧ ହେବ। ଉନ୍ନତ ସୁରକ୍ଷା ଏବଂ ହୋଲୋଗ୍ରାମ ବୈଶିଷ୍ଟ୍ୟ ପାଇଁ କେନ୍ଦ୍ରୀୟ ବ୍ୟାଙ୍କ ସମସ୍ତ ବିଦ୍ୟମାନ ବ୍ୟାଙ୍କ ନୋଟଗୁଡ଼ିକୁ ପୁନଃଡିଜାଇନ୍ କରିବ। ଷ୍ଟେଟ ବ୍ୟାଙ୍କ ଅଫ୍ ପାକିସ୍ତାନର ଗଭର୍ଣ୍ଣର ଜମିଲ ଅହମ୍ମଦ ଇସଲାମାବାଦରେ ବ୍ୟାଙ୍କ ଏବଂ ଫାଇନାନ୍ସ ଉପରେ ସିନେଟ କମିଟିକୁ କହିଛନ୍ତି ଯେ ଚଳିତ ବର୍ଷ ଡିସେମ୍ବର ସୁଦ୍ଧା ସମସ୍ତ ନୋଟକୁ ନୂତନ ସୁରକ୍ଷା ବୈଶିଷ୍ଟ୍ୟ ସହିତ ପୁନଃ ଡିଜାଇନ୍ କରାଯାଉଛି।
ଅହମ୍ମଦ କହିଛନ୍ତି ଯେ ଡିସେମ୍ବରରେ ୧୦, ୫୦, ୧୦୦, ୫୦୦ ଏବଂ ୧୦୦୦ ଟଙ୍କା ମୂଲ୍ୟର ନୂତନ ଡିଜାଇନ୍ ହୋଇଥିବା ବ୍ୟାଙ୍କ୍ ନୋଟ୍ ପ୍ରଦାନ କରାଯିବ। ଏକ ସୂତ୍ରରୁ ପ୍ରକାଶ ଯେ, ପୁରୁଣା ନୋଟଗୁଡିକ ୫ ବର୍ଷ ପର୍ଯ୍ୟନ୍ତ ପ୍ରଚାରରେ ରହିବ ଏବଂ କେନ୍ଦ୍ରୀୟ ବ୍ୟାଙ୍କ ସେମାନଙ୍କୁ ବଜାରରୁ ହଟାଇବ। ଷ୍ଟେଟ ବ୍ୟାଙ୍କ ଗଭର୍ଣ୍ଣର ସିନେଟ କମିଟିକୁ କହିଛନ୍ତି ଯେ ନୂତନ ପଲିମର ପ୍ଲାଷ୍ଟିକ ବ୍ୟାଙ୍କ ନୋଟ ଜନସାଧାରଣଙ୍କ ପାଇଁ ଗୋଟିଏ ନାମରେ ପ୍ରଦାନ କରାଯିବ। ଯଦି ଏଥÒରୁ ଭଲ ରେସପନ୍ସ ମିଳିବ ତେବେ ଅନ୍ୟ ନାମରେ ମଧ୍ୟ ପ୍ଲାଷ୍ଟିକ ମୁଦ୍ରା ଜାରି କରାଯିବ। ବର୍ତ୍ତମାନ ପ୍ରାୟ ୪୦ଟି ଦେଶରେ ପଲିମର ପ୍ଲାଷ୍ଟିକ ନୋଟ୍ ପ୍ରଚଳନ ଜାରି ରହିଛି। ଏହି ନୋଟ୍ଗୁଡିକର ଜାଲିଆତି କରାଯିବା ବେଶ କଷ୍ଟକର। ୧୯୯୮ରେ ବିଶ୍ବରେ ପଲିମର ବ୍ୟାଙ୍କ୍ ନୋଟ୍ ପ୍ରବର୍ତ୍ତନ କରିବାରେ ଅଷ୍ଟ୍ରେଲିଆ ପ୍ରଥମ ଦେଶ ଥିଲା ଅହମ୍ମଦ ଏହା ମଧ୍ୟ ନିଶ୍ଚିତ କରିଛନ୍ତି ଯେ ୫୦୦୦ ହଜାର ଟଙ୍କିଆ ନୋଟର ବିମୁଦ୍ରାୟନ କରିବା ନେଇ କେନ୍ଦ୍ରୀୟ ବ୍ୟାଙ୍କର କୌଣସି ଯୋଜନା ନାହିଁ।
