ପାକିସ୍ତାନୀ ପିଲାର ବୁମରାଙ୍କ ପରି ଅବିକଳ ବୋଲିଂ, ୱାସିମ୍ ଆକ୍ରମ କଲେ ପ୍ରଶଂସା

ନୂଆଦିଲ୍ଲୀ: ଟିମ୍ ଇଣ୍ଡିଆର ଘାତକ ବୋଲର ଯଶପ୍ରୀତ ବୁମରାଙ୍କ ଗଣତି ଆଜି ଦୁନିଆର ଅନ୍ୟତମ ମହାନ ବୋଲରଙ୍କ ମଧ୍ୟରେ କରାଯାଉଛି । ଏହାରି ଭିତରେ ଜଣେ ପାକିସ୍ତାନୀ ବୋଲରଙ୍କ ଭିଡିଓ ଭାଇରାଲ ହେବାରେ ଲାଗିଛି । ପିଲାଟିର ବୋଲିଂ ଆକ୍ସନ ଅବିକଳ ବୁମରାଙ୍କ ପରି ରହିଛି । ଏପରି କି ପାକିସ୍ତାନର ମହାନ ବୋଲର ୱାସିମ୍ ଆକ୍ରମ ମଧ୍ୟ ପିଲାର ବୋଲିଂ ଦେଖି ବେଶି ପ୍ରଭାବିତ ହୋଇଛନ୍ତି ।

ଭାରତୀୟ ବୋଲର ବୁମରା ଦୁନିଆର ଅନେକ ଯୁବ ଖେଳାଳିଙ୍କ ପ୍ରେରଣାର ଉତ୍ସ । ତେବେ ପାକିସ୍ତାନୀ ୟଙ୍ଗ ବୋଲର ବୁମରାଙ୍କ ଅବକଳି ବୋଲିଂ ପ୍ରଶଂସକ ଏବଂ କ୍ରିକେଟ୍ ସମୁଦାୟର ଦୃଷ୍ଟି ଆକର୍ଷଣ କରିଛନ୍ତି ।

A young bowler trying to emulate @Jaspritbumrah93's bowling action. The video is viral on social media.pic.twitter.com/XF8J02BSwr— Faizan Lakhani (@faizanlakhani) July 15, 2024

ସୋସିଆଲ୍ ମିଡିଆରେ ଭାଇରାଲ୍ ଏହି ଭିଡିଓରେ ପାକିସ୍ତାନୀ ପିଲା ବୁମରାଙ୍କ ପରି ବୋଲିଂ କରୁଥିବା ନଜର ଆସୁଛନ୍ତି । ପିଲାଟି ସବୁ ଛୋଟ-ବଡ଼ କଥାକୁ ସଠିକତା ସହ ଧ୍ୟାନ ଦେଇ କରୁଥିବା ଦେଖିବାକୁ ମିଳୁଛି । ପିଲାଟିର ରନ୍‌ଅପ୍‌ରୁ ଆରମ୍ଭ କରି ବଲ୍ ପକାଇବା ଯାଏ ପ୍ରାୟ ସବୁ କିଛି ବୁମରାଙ୍କ ପରି ରହିଛି । ଭିଡିଓରେ ଯେପରି ସେ ବୁମରାଙ୍କ ଷ୍ଟାଇଲକୁ ନକଲ କରୁଛି, ସେଥିରେ ତାର ସମର୍ପଣ ଏବଂ ଘଣ୍ଟା ଘଣ୍ଟାର ଅଭ୍ୟାସ ସ୍ପଷ୍ଟ ରୂପେ ଦେଖିବାକୁ ମିଳୁଛି ।

ଭାଇରାଲ୍ ଭିଡିଓ ଉପରେ ପାକିସ୍ତାନର ମହାନ ବୋଲର ୱାସିମ ଆକ୍ରମ ଏକ୍ସରେ ଲେଖିଛନ୍ତି, 'ୱାହା ଜି ୱାହା, ଏହି ନିୟନ୍ତ୍ରଣ ଏବଂ ଆକ୍ସନକୁ ଦେଖନ୍ତୁ, ଅବକଳ ମହାନ ବୁମରାଙ୍କ ପରି ।' 

Wah jee wah look at that control and action exactly like the great @Jaspritbumrah93 video of the day for me . #crickethavenoboundiers https://t.co/Ut215HD3iB— Wasim Akram (@wasimakramlive) July 15, 2024