ପିଏମ୍ ମୋଦୀଙ୍କ ଉତ୍ତରାଧିକାରୀ କିଏ? ସର୍ଭେରେ ସବୁଠୁ ଆଗରେ ଏହି ନାଁ

ନୂଆଦିଲ୍ଲୀ ୨୩/୦୮ :  ମୋଦୀଙ୍କ ପରେ କିଏ ? ଏ ପ୍ରଶ୍ନ ସମସ୍ତଙ୍କ ମନରେ ଆସୁଥିବ। ଆସିବା ବି ସ୍ୱାଭାବିକ୍। ୨୦୨୪ ଲୋକସଭା ନିର୍ବାଚନ ପରଠାରୁ ରାଜନୈତିକ ବିଶେଷଜ୍ଞମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରେ କିଏ ଆସିବେ ସେ ବିଷୟରେ ତର୍ଜମା କରିବାରେ ବ୍ୟସ୍ତ? ବିଜେପି ସମର୍ଥକମାନେ ମଧ୍ୟ ଏହି ପ୍ରଶ୍ନର ଉତ୍ତର ଖୋଜୁଛନ୍ତି। ୧୦ ବର୍ଷରୁ ଅଧିକ ସମୟ ଦେଶର ନେତୃତ୍ୱ ନେବା ପରେ ଏବଂ ତୃତୀୟ କାର୍ଯ୍ୟକାଳ ଶେଷ ହେବା ପୂର୍ବରୁ ପିଏମ ମୋଦୀ ୭୫ ବର୍ଷ ବୟସରେ ପହଞ୍ଚିବେ। ଏଭଳି ପରିସ୍ଥିତିରେ ସମସ୍ତଙ୍କ ମନରେ ପ୍ରଶ୍ନ, ନରେନ୍ଦ୍ର ମୋଦୀଙ୍କ ପରେ ପ୍ରଧାନମନ୍ତ୍ରୀ ପଦ ପାଇଁ ବିଜେପିର କିଏ ବିକଳ୍ପ? ଇଣ୍ଡିଆ ଟୁଡେ 'ମୁଡ୍ ଅଫ୍ ଦି ନେସନ୍' ସର୍ଭେରେ ଏହି ପ୍ରଶ୍ନର ଉତ୍ତର ଖୋଜିବା ପାଇଁ ଚେଷ୍ଟା କରିଥିଲା। ଏହି ତାଲିକାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଭେଟେରାନ ବିଜେପି ନେତା ତଥା କେନ୍ଦ୍ର ମନ୍ତ୍ରୀ ନିତିନ ଗଡକରୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ନାଁ ମଧ୍ୟ ଆଲୋଚନା ହୋଇଛି। ତଥାପି, ଆସନ୍ତୁ ଜାଣିବା କାହାକୁ ମିଳିଛି ଅଧିକ ଭୋଟ୍ । 

ଅଗଷ୍ଟରେ ହୋଇଥିବା ଇଣ୍ଡିଆ ଟୁଡେ 'ମୁଡ୍ ଅଫ୍ ଦି ନେସନ୍' ସର୍ଭେରେ ଲୋକଙ୍କୁ ପଚରାଯାଇଥିଲା ଯେ ପିଏମ ମୋଦୀଙ୍କ ପରେ କିଏ? ଏହି ପ୍ରଶ୍ନର ଉତ୍ତରରେ ୨୫ ପ୍ରତିଶତରୁ ଅଧିକ ଲୋକ ଦେଶର ଗୃହମନ୍ତ୍ରୀ ଅମିତ ଶାହାଙ୍କ ନାଁ ନେଇଥିଲେ। ଦ୍ୱିତୀୟ ସ୍ଥାନରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରହିଥିଲେ। କେନ୍ଦ୍ର ମନ୍ତ୍ରୀ ନୀତିନ ଗଡକରୀ ତୃତୀୟ ସ୍ଥାନରେ ଅଛନ୍ତି। ଯୋଗୀ ଆଦିତ୍ୟନାଥଙ୍କ ସପକ୍ଷରେ ପ୍ରାୟ ୧୯ପ୍ରତିଶତ ଲୋକ ରାଜି ହୋଇଥିଲେ। ଏହିପରି ଭାବେ ଅମିତ ଶାହାଙ୍କ ପରେ ୟୁପି ମୁଖ୍ୟମନ୍ତ୍ରୀ ଏହି ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି।

ସର୍ବେକ୍ଷଣ ଅନୁଯାୟୀ, ସଡକ ପରିବହନ ଏବଂ ରାଜପଥ ମନ୍ତ୍ରୀ ନିତିନ ଗଡକରୀ ୧୩ପ୍ରତିଶତ ଭୋଟ୍ ସହ ଶୀର୍ଷ ସ୍ଥାନ ପାଇ ତୃତୀୟ ସବୁଠୁ ପ୍ରିୟ ପ୍ରାର୍ଥୀ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ କୃଷି ମନ୍ତ୍ରୀ ଶିବରାଜ ସିଂ ଚୌହାନଙ୍କୁ ପାଖାପାଖି ୫ ପ୍ରତିଶତ ଲୋକ ପସନ୍ଦ କରିଥିଲେ। ଯଦିଓ ଅମିତ ଶାହା ଇଣ୍ଡିଆ ଟୁଡେ ଗ୍ରୁପ୍ ଦ୍ୱାରା ହୋଇଥିବା ସର୍ଭେରେ ସବୁଠୁ ଆଗରେ ଅଛନ୍ତି।  ଫେବୃଆରୀ ୨୦୨୪ଏବଂ ଅଗଷ୍ଟ ୨୦୨୩ ର ପୂର୍ବ ମୁଡ୍ ଅଫ୍ ଦି ନେସନ୍ ସର୍ଭେ ତୁଳନାରେ ତାଙ୍କର ରେଟିଂ ୨୫ ପ୍ରତିଶତ କମ୍ ଅଟେ। ଏହି ସର୍ଭେ ଜୁଲାଇ ୧୫, ୨୦୨୪ ରୁ ଅଗଷ୍ଟ ୧୦, ୨୦୨୪ ମଧ୍ୟରେ କରାଯାଇଥିଲା ।ଏଥିରେ ଦେଶର ୫୪୩ ଲୋକସଭା ନିର୍ବାଚନମଣ୍ଡଳୀରୁ ୪୦,୫୯୧ ଲୋକ ଏଥିରେ ଅଂଶଗ୍ରହଣ କରିଥିଲେ।

ଇଣ୍ଡିଆ ଟୁଡେ ଗ୍ରୁପ୍ ର ଏହି ସର୍ଭେ ପ୍ରତି ଛଅ ମାସରେ କରାଯାଏ ।ଗତ ଦୁଇଟି ସର୍ଭେରେ ୨୮ ପ୍ରତିଶତ ଏବଂ ୨୯ ପ୍ରତିଶତ ଲୋକ ପ୍ରଧାନମନ୍ତ୍ରୀ ମୋଦୀଙ୍କ ପରେ ଅମିତ ଶାହାଙ୍କୁ ତାଙ୍କ ଉତ୍ତରାଧିକାରୀ ଭାବରେ ବାଛିଛନ୍ତି। ଅଗଷ୍ଟ ୨୦୨୪ ସର୍ଭେରୁ ଏହା ମଧ୍ୟ ଜଣାପଡିଛି ଯେ ଦକ୍ଷିଣ ଭାରତର ୩୧ ପ୍ରତିଶତରୁ ଅଧିକ ଲୋକ ବିଶ୍ୱାସ କରନ୍ତି ଯେ ପିଏମ ମୋଦୀଙ୍କ ପରେ ବିଜେପିର ପ୍ରଧାନମନ୍ତ୍ରୀ ପ୍ରାର୍ଥୀ ଭାବରେ ଅମିତ ଶାହା ସର୍ବୋତ୍ତମ ପସନ୍ଦ। ହେଲେ ପୂରା ଦେଶରେ ୨୫ ପ୍ରତିଶତ ସପୋର୍ଟ ତୁଳନାରେ  ଦକ୍ଷିଣ ଭାରତରେ କେବଳ ୩୧ ପ୍ରତିଶତ ସମର୍ଥନ ମିଳିଛି। 

Also Read-  ଚନ୍ଦ୍ରଯାନ-୩ ସଫଳ ଲ୍ୟାଣ୍ଡିଂକୁ ବର୍ଷେ, ଭାରତ ପାଳନ କରୁଛି ପ୍ରଥମ National Space Day

ଅମିତ ଶାହାଙ୍କ ପରି ଯୋଗୀ ଆଦିତ୍ୟନାଥଙ୍କୁ ସମର୍ଥନ କରୁଥିବା ଲୋକଙ୍କ ସଂଖ୍ୟା ମଧ୍ୟ ହ୍ରାସ ପାଇଛି। ଯୋଗୀ ଆଦିତ୍ୟନାଥଙ୍କ ସମର୍ଥନ ଅଗଷ୍ଟ ୨୦୨୩ରେ ୨୫% ରୁ ଫେବୃଆରୀ ୨୦୨୪ ରେ ୨୪% କୁ ହ୍ରାସ ପାଇଛି ।  ବର୍ତ୍ତମାନ କେବଳ ୧୯% ଲୋକ ତାଙ୍କୁ ବିଜେପି ଭିତରେ ପ୍ରଧାନମନ୍ତ୍ରୀ ମୋଦୀଙ୍କ ଉପଯୁକ୍ତ ଉତ୍ତରାଧିକାରୀ ଭାବରେ ଦେଖୁଛନ୍ତି। ପ୍ରାୟ ୧୩ ପ୍ରତିଶତ ଲୋକ ଏକ ସମ୍ଭାବ୍ୟ ବିକଳ୍ପ ଭାବରେ ନିତିନ ଗଡକରୀଙ୍କୁ ବାଛିଥିଲେ । ଯଦିଓ ଅମିତ ଶାହା ଏବଂ ଯୋଗୀ ଆଦିତ୍ୟନାଥଙ୍କ ମୂଲ୍ୟାୟନ ହ୍ରାସ ପାଇବା ସହିତ ସ୍ୱାଭାବିକ ଭାବେ ପ୍ରଶ୍ନ ଉଠୁଛି କିଏ ଲାଭ କାହାର ହେବ? ଏହି ସର୍ବେକ୍ଷଣରୁ ଜଣାପଡିଛି ଯେ ରାଜନାଥ ସିଂ ଏବଂ ଶିବରାଜ ସିଂ ଚୌହାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉତ୍ତରାଧିକାରୀ ଭାବରେ ଲୋକପ୍ରିୟତା ହାସଲ କରିଛନ୍ତି।