ପୁଣି ମନୋଜ ମିଶ୍ରଙ୍କ ନାଁରେ ଅଭିଯୋଗ, ଫିଲ୍ମ ନିର୍ଦ୍ଦେଶକ ବବି ଇସଲାମଙ୍କୁ ହତ୍ୟା ଧମକ ଅଭିଯୋଗ

ଥମୁନି ଓଲିଉଡ କଳି। ଗୋଟିଏ ବିବାଦ ଥମିବା ବେଳକୁ ମୁଣ୍ଡ ଟେକୁଛି ଆଉ ଏକ ବିବାଦ ।  ଏବେ ଫିଲ୍ମ ନିର୍ଦେଶକ ବବି ଇସଲାମଙ୍କୁ ଜୀବନରେ ମାରିଦେବାକୁ ଧମକ। ମନୋଜ ମିଶ୍ରଙ୍କ ସମର୍ଥକ ତାଙ୍କୁ ହତ୍ୟା ଧମକ ଦେଇଥିବା ଅଭିଯୋଗ କରିଛନ୍ତି ବବି ଇସଲାମ ।  ଏନେଇ କଟକ ଦରଘାବଜାର ଥାନାରେ ଏତଲା ମଧ୍ୟ ଦେଇଛନ୍ତି ।

ସେ ମନୋଜ ମିଶ୍ରଙ୍କ ବିରୋଧରେ କହୁଥିବାରୁ ତାଙ୍କୁ ମାରି ଦେବାପାଇଁ ମନୋଜଙ୍କ ସମର୍ଥକମାନେ ଧମକ ଦେଇଥିବା ଅଭିଯୋଗ କରିଛନ୍ତି ବବି ଇସଲାମ ।  ଗତକାଲି ଏକ ଟିଭି ଡିବେଟରେ ମନୋଜ ମିଶ୍ରଙ୍କ ବିରୋଧରେ କହିଥିଲେ ।  ତାପରେ ଫୋନ୍ ରେ ଏହି ହତ୍ୟା ଧମକ ଆସିଥିବା ବବି କହିଛନ୍ତି ।  ପୋଲିସ ଏନେଇ ତଦନ୍ତ କରିବାକୁ ଦାବି କରିଛନ୍ତି ବବି ।  ସେପଟେ ଦରଘାବଜାର ଥାନା ଅଭିଯୋଗକୁ ଗ୍ରହଣ କରି ତଦନ୍ତ ଚଲାଇଛି ।

The post ପୁଣି ମନୋଜ ମିଶ୍ରଙ୍କ ନାଁରେ ଅଭିଯୋଗ, ଫିଲ୍ମ ନିର୍ଦ୍ଦେଶକ ବବି ଇସଲାମଙ୍କୁ ହତ୍ୟା ଧମକ ଅଭିଯୋଗ appeared first on KNews Odisha.