ପୁରୀ ବେଳାଭୂମିରେ ଲାଗିଥିବା ଅଜଣା କଣ୍ଟେନରରୁ ଖାଦ୍ୟସାମଗ୍ରୀ ସହ ଅନେକ ସାମଗ୍ରୀ ବୋହିନେଲେ ଲୋକେ

ପୁରୀ: ପୁରୀ ବେଳାଭୂମିରେ ଲାଗିଥିବା ଅଜଣା କଣ୍ଟେନରରୁ ବିଭିନ୍ନ ସାମଗ୍ରୀ ବୋହି ନେଲେ ସ୍ଥାନୀୟ ଲୋକେ। ମହମବତୀ, ଖାଦ୍ୟ ସାମଗ୍ରୀ, ଇଞ୍ଜିନ ଅଏଲ ଓ ପରଫ୍ୟୁମ ସହ ଅନେକ ସାମଗ୍ରୀ ସବୁକୁ ବୋହି ନେଇଛନ୍ତି ଲୋକେ । ଜିଲ୍ଲାପାଳ କହିଛନ୍ତି, କୋଲକତାରୁ କଣ୍ଟେନରଟି ଇଣ୍ଡୋନେସିଆ ଯାଉଥିବା ସମୟରେ ଖସି ପଡିଥିବା ସନ୍ଦେହ କରାଯାଉଛି । ୨ ଦିନ ତଳେ ପୁରୀର ପେଣ୍ଠକଟା ବେଳାଭୂମିରେ ଲାଗିଥିଲା ଏକ ବଡ଼ କଣ୍ଟେନର। ଯାହାକୁ ଖୋଲିବା ପାଇଁ କୋଷ୍ଟଗାର୍ଡ ଓ କଷ୍ଟମ ଡିପାର୍ଟମେଣ୍ଟକୁ ଖବର ଦିଆଯାଇଥିଲା। କିନ୍ତୁ ୩ ଦିନ ପରେ ବି କଣ୍ଟେନର ଖୋଲାଯାଇ ନ ଥିବା ବେଳେ ଆଜି ସକାଳେ କଣ୍ଟେନରର ଗୋଟିଏ ପାର୍ଶ୍ୱରେ ଫାଟ ସୃଷ୍ଟି ହୋଇ ବିଭିନ୍ନ ସାମଗ୍ରୀ ଦୃଶ୍ୟମାନ ହେବା ସହ କିଛି ସୁଦ୍ରରେ ଭାସୁଥିଲା। ପରେ ସ୍ଥାନୀୟ ଲୋକେ ପହଞ୍ଚି କଣ୍ଟେନରରୁ ସାମଗ୍ରୀ ବୋହିନେଇଥିବା ଜଣାଯାଇଛି।

ସେପଟେ ଖୁବ୍‌ଶୀଘ୍ର କଣ୍ଟେନରଟି ଖୋଲିବା ନେଇ ସୂଚନା ମିଳିଛି । କୋଷ୍ଟଗାର୍ଡ ଓ କଷ୍ଟମ ବିଭାଗ ସହ ଆଲୋଚନା ପରେ କଣ୍ଟେନର ଖୋଲାଯିବ । ଗୋଟିଏ ପାର୍ଶ୍ବରେ ଫାଟ ପରେ ଭିତରେ ଥିବା ଜିନିଷପତ୍ର ଦେଖାଯାଉଛି । ଭିତରେ ଖାଦ୍ୟ ସାମଗ୍ରୀ ସହ ଇଞ୍ଜିନ ଅଏଲ ଥିବା ସୂଚନା ମିଳିଛି ।