'ପୁଷ୍ପା' ପରେ ଅଲ୍ଲୁ ଅର୍ଜୁନଙ୍କ ନାୟିକା ସାଜିବେ ସାମନ୍ଥା, ଏଟଲିଙ୍କ ସହ କରିବେ କାମ...

ମୁମ୍ଵାଇ ୦୭।୦୪: ବିଜୟ ଦେବରାକୋଣ୍ଡାଙ୍କ ‘ଖୁସି’ ଚଳଚ୍ଚିତ୍ରରେ ଶେଷ ଥର  ପାଇଁ ଦେଖିବାକୁ ମିଳିଥିଲେ ସାମନ୍ଥା ରୁଥ ପ୍ରଭୁ । ଏହାରି ମଧ୍ୟରେ ସେ ତାଙ୍କର ପରବର୍ତ୍ତୀ ସିନେମା ସମ୍ପର୍କରେ  କିଛି ବି ଘୋଷଣା କରିନାହାନ୍ତି । ତେବେ ବର୍ତ୍ତମାନ  ଚର୍ଚ୍ଚା ଚାଲିଛି ଯେ ସେ ନିର୍ଦ୍ଦେଶକ ଏଟଲିଙ୍କ  ଫିଲ୍ମରେ ସେ କାମ କରିବେ। ଯାହାର ନାୟକ  ଭାବେ ନଜର ଆସିବେ ଅଲ୍ଲୁ ଅର୍ଜୁନ । ଏହା  ପୂର୍ବରୁ ସାମନ୍ଥା ଏଟଲି ଓ ଅଲ୍ଲୁ ଅର୍ଜୁନଙ୍କ  ସହିତ କାମ କରିଛନ୍ତି। ଏଟଲି ତାଙ୍କର  ଅପ୍‌କମିଂ ଫିଲ୍ମର ନାୟକ ଭାବେ ଅଲ୍ଲୁ  ଅର୍ଜୁନଙ୍କ ନାମ ଚୂଡ଼ାନ୍ତ କରିସାରିଲେଣି ।  ନାୟିକା ଭାବେ ସେ ସାମନ୍ଥାଙ୍କୁ ନେବାକୁ  ଚାହୁଁଛନ୍ତି ଓ ତାଙ୍କ ସହିତ  ଯୋଗାଯୋଗରେ ଅଛନ୍ତି । 

ଅକ୍ଟୋବର ମାସରୁ  ଏହି ଫିଲ୍ମର ସୁଟିଂ  ଆରମ୍ଭ ହେବ ।  ଅଲ୍ଲୁ ଅର୍ଜୁନ   ଓ ଏଟଲି ଏହି  ଅପ୍‌କମିଂ ଫିଲ୍ମର  ବିଷୟବସ୍ତୁ ଚୂଡ଼ାନ୍ତ କରିସାରିଲେଣି । ଅନ୍ୟାନ୍ୟ ଚରିତ୍ରରେ  କେଉଁ କଳାକାରମାନେ  ଅଭିନୟ କରିବେ ସେ  ସମ୍ପର୍କରେ ଉଭୟେ  ବର୍ତ୍ତମାନ ଆଲୋଚନା କରୁଛନ୍ତି। ଏଟଲିଙ୍କ ପ୍ରଯୋଜନା ସଂସ୍ଥା ସହ ଜଡ଼ିତ ଜଣେ  ବ୍ୟକ୍ତିଙ୍କ କହିବାନୁସାରେ, ବର୍ତ୍ତମାନ  ସାମନ୍ଥାଙ୍କ ସହ କଥାବାର୍ତ୍ତା ଚାଲିଛି ।  ଯଦିଏ ଫିଲ୍ମ ପାଇଁ ସାମନ୍ଥା  ରାଜି ହୁଅନ୍ତି, ତା’ହେଲେ ଅଲ୍ଲୁ  ଅର୍ଜୁନ ଓ ସାମନ୍ଥା ଯୋଡ଼ିକୁ  ପୁଣି ଦେଖିବେ ଦର୍ଶକ । ସାମନ୍ଥା  ଏହା ପୂର୍ବରୁ ଏଟଲିଙ୍କ ସହିତ  ‘ଥେରୀ’ ଫିଲ୍ମରେ କାମ  କରିସାରିଛନ୍ତି । ବିଗ୍‌ ବଜେଟର  ଏହି ସିନେମାରେ ସାମନ୍ଥାଙ୍କ  ବ୍ୟତୀତ ଆଉ ଜଣେ ନାୟିକା  ମଧ୍ୟ ଦେଖିବାକୁ ମିଳିବେ  ବୋଲି ଚର୍ଚ୍ଚା ଚାଲିଛି ।  ଅଲ୍ଲୁ ଅର୍ଜୁନ   ବର୍ତ୍ତମାନ ‘ପୁଷ୍ପା  ୨’ର ସୁଟିଂରେ  ବ୍ୟସ୍ତ ଅଛନ୍ତି ।  ଅଗଷ୍ଟ  ୧୫ରେ ଏ  ଫିଲ୍ମଟି ରିଲିଜ୍‌   ହେବ ।