ପେପର ସ୍ଥାନରେ ପୁଣି ପ୍ଲାଷ୍ଟିକ୍ ଷ୍ଟ୍ର...ଟ୍ରମ୍ପଙ୍କ ଏହି ଅଜବ ନିଷ୍ପତ୍ତି ପଛରେ ବଡ଼ ଇତିହାସ

ନୂଆଦିଲ୍ଲୀ: ଦୁର୍ବଳ ଦେଶ ମାନଙ୍କୁ ଧମକ, କିଛି ଦେଶ ଉପରେ ଟାରିଫ୍ ବୃଦ୍ଧି, ବେଆଇନ ପ୍ରବାସୀଙ୍କୁ ଆମେରିକାରୁ ବିଦା । ଡୋନାଲ୍ଡ ଟ୍ରମ୍ପ ଦ୍ବିତୀୟ ଥର ପାଇଁ ଆମେରିକାର ରାଷ୍ଟ୍ରପତି ହେବା ପରେ ଅନେକ କଠୋର ନିଷ୍ପତ୍ତି ନେଇଛନ୍ତି । ସେହିପରି ଶପଥ ନେବା ପରେ ବିଶ୍ବରେ ଟ୍ରେଡ୍ ଓ୍ବାର ଆରମ୍ଭ ହୋଇଯାଇଛି । କେବଳ ଏତିକି ନୁହେଁ, ଆଉ ଏକ ବଡ଼ ନିଷ୍ପତ୍ତି ନେବାକୁ ଯାଉଛନ୍ତି ଡୋନାଲ୍ଡ ଟ୍ରମ୍ପ । ପୁଣି ଥରେ ଆମେରିକାକୁ ‘ପ୍ଲାଷ୍ଟିକ୍ ଷ୍ଟ୍ର’ ଫେରିବାକୁ ଯାଉଛି । ଟ୍ରମ୍ପ ଏକ ସାକ୍ଷାତକାରରେ କହିଥିଲେ, ପୂର୍ବତନ ରାଷ୍ଟ୍ରପତି ଜୋ ବାଇଡେନଙ୍କ ‘ପେପର ଷ୍ଟ୍ର’ ନିଷ୍ପତ୍ତିକୁ ଶେଷ କରିବାକୁ ଯାଉଛନ୍ତି ।  ସଫ୍ଟ ଡ୍ରିଙ୍କ୍ସ ପିଇବା ପାଇଁ ଯେଉଁ ପେପର ଷ୍ଟ୍ର ବ୍ୟବହାର ହେଉଛି, ତାକୁ ହଟାଇ କି ସେହି ସ୍ଥାନରେ ପୁଣି ଥରେ ପ୍ଲାଷ୍ଟିକ୍ ଷ୍ଟ୍ରକୁ ଅଣାଯିବ ।   

ଡୋନାଲ୍ଡ ଟ୍ରମ୍ପ ଆହୁରି ମଧ୍ୟ କହିଛନ୍ତି, ‘ବ୍ୟାକ୍ ଟୁ ପ୍ଲାଷ୍ଟିକ୍’ । ତେବେ ଆମେରିକା ରାଷ୍ଟ୍ରପତିଙ୍କ ଏହି ନିଷ୍ପତ୍ତି ଖୁବ୍ ସମାଲୋଚନା କରାଯାଉଛି । ଅନ୍ୟପଟେ କିଛି ଲୋକ ଏହାକୁ ମଧ୍ୟ ସମର୍ଥନ କରୁଛନ୍ତି । ସ୍ପେଶ୍ ଏକ୍ସର ସିଇଓ ଏଲନ ମସ୍କ, ଏହି ନିଷ୍ପତ୍ତିକୁ ନେଇ ଡୋନାଲ୍ଡ ଟ୍ରମ୍ପଙ୍କୁ ମହାନ ରାଷ୍ଟ୍ରପତି ବୋଲି କହିଛନ୍ତି । ପ୍ଲାଷ୍ଟିକରୁ ନେଇ ଟ୍ରମ୍ପଙ୍କ ଏହି ଫୈସଲା ଲୋକଙ୍କୁ ସାଧାରଣ ଲାଗୁଥିବ ହେଲେ ଏହାକୁ ନେଇ ଆମେରିକାରେ ଏକ ଲମ୍ବା ସମୟ ଧରି ବିବାଦ ଲାଗି ରହିଛି । ଏହି ମୁଦ୍ଦାକୁ ଟ୍ରମ୍ପ ଥମ ଉଠାଇ ନାହାନ୍ତି, ଏହା ପୂର୍ବରୁ ବାରାକ୍ ଓବାମା ରାଷ୍ଟ୍ରପତି ଥିବା ସମୟରେ ଉଠିଥିଲା । ତେବେ ଏହି ବିବାଦ କ’ଣ ଜାଣିବା ଜରୁରୀ । 

ଆମେରିକାର ପୂର୍ବତନ ରାଷ୍ଟ୍ରପତି ଜୋ ବାଇଡେନ ଗତ ବର୍ଷ ଫ୍ଲାଷ୍ଟିକ୍ ବ୍ୟବହାରକୁ ଧୀରେ ଧୀରେ ଶେଷକୁ ଯୋଜନା କରିଥିଲେ । ବାଇଡେନ୍ ସେତେବେଲେ ପ୍ଲାଷ୍ଟିକ୍ ପ୍ରଦୂଷଣ ପୃଥିବୀ ପାଇଁ ବଡ଼ ସଙ୍କଟ ବୋଲି କହିଥିଲେ । ସେ ୨୦୨୭ ସୁଦ୍ଧା ଏହାକୁ ସମ୍ପୂର୍ଣ୍ଣ ଭାବେ ଶେଷ କରିବାକୁ ଲକ୍ଷ୍ୟ ରଖିଥିଲେ ବାଇଡେନ । ସଫ୍ଟ ଡ୍ରିଙ୍କ୍ସରେ ‘ପ୍ଲାଷ୍ଟିକ୍ ଷ୍ଟ୍ର’ ବଦଳରେ ‘ପେପର ଷ୍ଟ୍ର’ ବ୍ୟବହାର କରିବାକୁ ନିଷ୍ପତ୍ତି ନେଇଥିଲେ । ହେଲେ ଡୋନାଲ୍ଡ ଟ୍ରମ୍ପ ଆମେରିକାର ଦ୍ବିତୀୟ ଥର ରାଷ୍ଟ୍ରପତି ହେବା ପରେ ବାଇଡେନଙ୍କ ନିଷ୍ପତ୍ତିକୁ ପରିବର୍ତ୍ତନ କରିବାକୁ ଯାଉଛନ୍ତି ।..