ପୋଲିସ୍ ଭୂମିକାରେ ଭୂମି ପେଡ୍ନେକର, ‘ଦଲ୍ଦଲ୍’ରେ କରିବେ ଧମାଲ
ମୁମ୍ଵାଇ ୦୨।୦୬: ସିରିଜ୍ ‘ଦଲ୍ଦଲ୍’ର ସୁଟିଂ ଆରମ୍ଭ କରିଛନ୍ତି ଭୂମି ପେଡ୍ନେକର । ଏଥିରେ ସେ ଜଣେ ପୁଲିସ ଭୂମିକାରେ ଅଭିନୟ କରିଛନ୍ତି । ଗତ ଶନିବାର ନିଜ ଇନ୍ଷ୍ଟାଗ୍ରାମ୍ରେ ସେ ଏହା ଘୋଷଣା କରିଛନ୍ତି । ସୁଟିଂ ସେଟ୍ରେ ପ୍ରଥମ ଦିନର ଫଟୋ ଶେୟାର କରି ଲେଖିଛନ୍ତି ‘ଅତୀତ ବେଶି ଦିନ ପର୍ଯ୍ୟନ୍ତ ଦବି ରହିପାରେ ନାହିଁ । ‘ଦଲ୍ଦଲ୍’ରେ ରିତା(ଭୂମି)ର ଯାତ୍ରା ଆଜିଠୁ ଆରମ୍ଭ ହେଉଛି ।’ ଏହି ପ୍ରୋଜେକ୍ଟର ନିର୍ଦ୍ଦେଶନା ଦେଉଛନ୍ତି ଅମୃତ ରାଜ ଗୁପ୍ତା । ସିରିଜ୍ରେ ନିଜ ଭୂମିକା ବିଷୟରେ ଭୂମି କହିଛନ୍ତି ‘ମୁଁ ସ୍ୱାଭାବିକ ଭାବେ ଆହ୍ୱାନ ପ୍ରତି ଆକୃଷ୍ଟ ହୁଏ । ଏହା ମୋ ଭିତରେ ଅଛି । ଅଭିନୟ କ୍ୟାରିଅର ଆରମ୍ଭ ପରଠୁ ମୁଁ ସର୍ବଦା ଚ୍ୟାଲେଞ୍ଜିଂ ରୋଲ୍ କରିଆସୁଛି । ବର୍ତ୍ତମାନ କାହାଣୀର ଯୁଗ । ତେଣୁ ଏହି ସୁଯୋଗ ସହିତ କଳାକାରଙ୍କ ପ୍ରତିଭା ବାସ୍ତବରେ ପ୍ରସ୍ଫୁଟିତ ହୋଇପାରିବ । ମୋ ଅଭିନୟର ଏକ ସମ୍ପୂର୍ଣ୍ଣ ନୂଆ ଦିଗ ପ୍ରଦର୍ଶନ କରିବା ପାଇଁ ‘ଦଲ୍ଦଲ୍’ ମୋ ପାଇଁ ଉପଯୁକ୍ତ ପ୍ରୋଜେକ୍ଟ । ଏହା ମୋତେ ଏକ ନୂଆ ମାର୍ଗରେ ଠିଆ କରିଛି । ନିଜ ସୀମାରୁ ବାହାରିବାକୁ ମୁଁ ମଧ୍ୟ ଭଲପାଏ ।‘ଦଲ୍ଦଲ୍’ରେ ମୁମ୍ବାଇର ଡିସିପି ଭାବେ ନିଯୁକ୍ତ ହୋଇ ଏକ ଋଢ଼ିବାଦୀ ପ୍ରାଚୀରକୁ ଭାଙ୍ଗିଥିବା ଜଣେ ମହିଳା ଭୂମିକା ନିର୍ବାହ କରିଥିବାରୁ ମୁଁ ଖୁବ୍ ଆନନ୍ଦିତ । ପୁରୁଷପ୍ରାଧାନ୍ୟ ଦୁନିଆରେ ସେ ଜଣେ ସୁପର୍ ଆ
ମୁମ୍ଵାଇ ୦୨।୦୬: ସିରିଜ୍ ‘ଦଲ୍ଦଲ୍’ର ସୁଟିଂ ଆରମ୍ଭ କରିଛନ୍ତି ଭୂମି ପେଡ୍ନେକର । ଏଥିରେ ସେ ଜଣେ ପୁଲିସ ଭୂମିକାରେ ଅଭିନୟ କରିଛନ୍ତି । ଗତ ଶନିବାର ନିଜ ଇନ୍ଷ୍ଟାଗ୍ରାମ୍ରେ ସେ ଏହା ଘୋଷଣା କରିଛନ୍ତି । ସୁଟିଂ ସେଟ୍ରେ ପ୍ରଥମ ଦିନର ଫଟୋ ଶେୟାର କରି ଲେଖିଛନ୍ତି ‘ଅତୀତ ବେଶି ଦିନ ପର୍ଯ୍ୟନ୍ତ ଦବି ରହିପାରେ ନାହିଁ । ‘ଦଲ୍ଦଲ୍’ରେ ରିତା(ଭୂମି)ର ଯାତ୍ରା ଆଜିଠୁ ଆରମ୍ଭ ହେଉଛି ।’ ଏହି ପ୍ରୋଜେକ୍ଟର ନିର୍ଦ୍ଦେଶନା ଦେଉଛନ୍ତି ଅମୃତ ରାଜ ଗୁପ୍ତା ।
ସିରିଜ୍ରେ ନିଜ ଭୂମିକା ବିଷୟରେ ଭୂମି କହିଛନ୍ତି ‘ମୁଁ ସ୍ୱାଭାବିକ ଭାବେ ଆହ୍ୱାନ ପ୍ରତି ଆକୃଷ୍ଟ ହୁଏ । ଏହା ମୋ ଭିତରେ ଅଛି । ଅଭିନୟ କ୍ୟାରିଅର ଆରମ୍ଭ ପରଠୁ ମୁଁ ସର୍ବଦା ଚ୍ୟାଲେଞ୍ଜିଂ ରୋଲ୍ କରିଆସୁଛି । ବର୍ତ୍ତମାନ କାହାଣୀର ଯୁଗ । ତେଣୁ ଏହି ସୁଯୋଗ ସହିତ କଳାକାରଙ୍କ ପ୍ରତିଭା ବାସ୍ତବରେ ପ୍ରସ୍ଫୁଟିତ ହୋଇପାରିବ । ମୋ ଅଭିନୟର ଏକ ସମ୍ପୂର୍ଣ୍ଣ ନୂଆ ଦିଗ ପ୍ରଦର୍ଶନ କରିବା ପାଇଁ ‘ଦଲ୍ଦଲ୍’ ମୋ ପାଇଁ ଉପଯୁକ୍ତ ପ୍ରୋଜେକ୍ଟ । ଏହା ମୋତେ ଏକ ନୂଆ ମାର୍ଗରେ ଠିଆ କରିଛି । ନିଜ ସୀମାରୁ ବାହାରିବାକୁ ମୁଁ ମଧ୍ୟ ଭଲପାଏ ।
‘ଦଲ୍ଦଲ୍’ରେ ମୁମ୍ବାଇର ଡିସିପି ଭାବେ ନିଯୁକ୍ତ ହୋଇ ଏକ ଋଢ଼ିବାଦୀ ପ୍ରାଚୀରକୁ ଭାଙ୍ଗିଥିବା ଜଣେ ମହିଳା ଭୂମିକା ନିର୍ବାହ କରିଥିବାରୁ ମୁଁ ଖୁବ୍ ଆନନ୍ଦିତ । ପୁରୁଷପ୍ରାଧାନ୍ୟ ଦୁନିଆରେ ସେ ଜଣେ ସୁପର୍ ଆଚିଭର୍ । ଯେଉଁ ଭୂମିକା ଓ କାହାଣୀ ପ୍ରଦର୍ଶନର ସୁଯୋଗ ମୋତେ ମିଳିଛି ତାକୁ ନେଇ ମୁଁ ଖୁବ୍ ଉତ୍ସାହିତ । ‘ଦଲ୍ଦଲ୍’ ସିରିଜ୍ରେ ଡିସିପି ରିତା ଫେରିରା ଭୂମିକା ନିର୍ବାହ କରୁଥିବା ଭୂମି ପରଦାରେ କିଛି ହତ୍ୟା ମାମଲାର ଯାଞ୍ଚ୍ କରିବା ସହିତ ନିଜ ଅତୀତ ଓ ବର୍ତ୍ତମାନ ସହ ଲଢ଼େଇ କରିବେ ।
