ବଡ଼ ଖୁଲାସା ! ଫେସବୁକ୍ ଲିକ୍ କରିଛି ୟୁଜର୍ସଙ୍କ ପର୍ସନାଲ ମେସେଜ, ସମସ୍ତେ ଚିନ୍ତିତ

ନୂଆଦିଲ୍ଲୀ: ଲୋକପ୍ରିୟ ସୋସିଆଲ୍ ମିଡିଆ ପ୍ଲାଟଫର୍ମ ଫେସବୁକର ସାରା ଦୁନିଆର କୋଟି କୋଟି ୟୁଜର୍ସ ଅଛନ୍ତି । ଅନେକ ସମୟରେ ସଂସ୍ଥା ବିରୋଧରେ ଡାଟା ଲିକ୍ ନେଇ ଅଭିଯୋଗ ମଧ୍ୟ ଆସୁଛି । ପୁଣି ଥରେ Barter Data Exchange ସହ ଜଡ଼ିତ ମାମଲାରେ ଚାଲିଥିବା ତଦନ୍ତ ଏବଂ କୋର୍ଟ ଶୁଣାଣିରେ ମିଳିଥିବା ସୂଚନା ୟୁଜର୍ସଙ୍କ ଚିନ୍ତା ବଢାଇଛି । କୋର୍ଟ ଡକ୍ୟୁମେଣ୍ଟରେ ସାମନାକୁ ଆସିଛି ଯେ ଫେସବୁକ୍ ୟୁଜର୍ସଙ୍କ ପ୍ରାଇଭେଟ୍ ମେସେଜକୁ ତୃତୀୟ ପାର୍ଟି ଆପ୍ ସହ ସେୟାର କରିଛି ।

ନିକଟରେ ସାମନାକୁ ଆସିଥିବା କୋର୍ଟ ଡକ୍ୟୁମେଣ୍ଟକୁ ଯଦି ଭରସା କରାଯାଏ ତେବେ ଡାଟା ଏକ୍ସଚେଞ୍ଜ କରିବା ପାଇଁ ଫେସବୁକ୍ ଲୋକପ୍ରିୟ ଭିଡିଓ ଷ୍ଟ୍ରିମିଂ ପ୍ଲାଟଫର୍ମ ନେଟଫ୍ଲିକ୍ସକୁ ୟୁଜର୍ସଙ୍କ ପ୍ରାଇଭେଟ୍ ମେସେଜର ଆକ୍ସେସ ଦେଇଛି । Gizmodoର ରିପୋର୍ଟରେ କୁହାଯାଇଛି ଯେ ଏହି ଖୁଲାସା ସେତେବେଳେ ହୋଇଛି, ଯେତେବେଳେ ମେଟା ନିଜ ଷ୍ଟ୍ରିମିଂ ବ୍ୟବସାୟକୁ ବନ୍ଦ କରିବା ପାଇଁ ନିଷ୍ପତ୍ତି ନେଇଛି । ଏହା ପୂର୍ବରୁ Facebook Watchରେ Red Table Talk ପରି ଓରିଜିନାଲ୍ ସୋ ଅଫର କରାଯାଉଥିଲା ।

ପଢନ୍ତୁ: ବାଇଜୁରେ ଜାରି ଆର୍ଥିକ ସଙ୍କଟ, ଏବେ ବିନା ନୋଟିସ୍‌ରେ ହେଉଛି କର୍ମଚାରୀଙ୍କ ଛଟେଇ

ମେଟା ବିରୋଧରେ ଦାଖଲ କରାଯାଇଥିବା ମାମଲାରେ ଅଭିଯୋଗ କରାଯାଇଛି ଯେ ଏହାର ଷ୍ଟ୍ରିମିଂ ବ୍ୟବସାୟ ବନ୍ଦ କରିବା ନିଷ୍ପତ୍ତି ବିଜ୍ଞାପନ ସହଭାଗୀ ନେଟଫ୍ଲିକ୍ସର ପ୍ରଭାବରେ ଆସି ନିଆଯାଇଛି । ଏଥିରେ ମେଟା ବିରୋଧରେ କମ୍ପିଟିସନକୁ ରୋକିବା ପାଇଁ ପଦକ୍ଷେପ ଗ୍ରହଣ କରାଯାଉଥିବା ଅଭିଯୋଗ ରହିଛି । ଏଥିରେ କୁହାଯାଇଛି ଯେ ଏହି ପ୍ରକାର ଅଭ୍ୟାସରୁ ଭୁଲ ପ୍ରଭାବ ସୋସିଆଲ୍ ମିଡିଆରେ ପ୍ରତିଦ୍ୱନ୍ଦ୍ୱୀ ଏବଂ ୟୁଜର୍ସଙ୍କ ଉପରେ ପଡ଼ୁଛି ।

କୋର୍ଟ ଡକ୍ୟୁମେଣ୍ଟରେ କୁହାଯାଇଛି ଯେ ନେଟଫ୍ଲିକ୍ସ ଏବଂ ଫେସବୁକ ମଧ୍ୟରେ ସମ୍ପର୍କ ଭଲ ଥିଲା । ଏହା ଏଥିପାଇଁ କାରଣ ନେଟଫ୍ଲିକ୍ସ ଫେସବୁକ୍ ପ୍ଲାଟଫର୍ମରେ ବିଜ୍ଞାପନ ପାଇଁ ମୋଟ ଅର୍ଥ ଖର୍ଚ୍ଚ କରୁଥିଲା । ଏଥିରେ କୁହାଯାଇଛି ଯେ ୨୦୧୩ ମସିହା ଏବଂ ଏହାପରେ ହୋଇଥିବା ଚୁକ୍ତିନାମା ସହ ଫେସବୁକ୍ ନେଟଫ୍ଲିକ୍ସକୁ ୟୁଜର୍ସଙ୍କ ପ୍ରାଇଭେଟ୍ ମେସେଜ ଆକ୍ସେସ ଦିଆଯାଇଛି ।