ବାଂଲାଦେଶରେ ଏମରଜେନ୍ସି ଲ୍ୟାଣ୍ଡିଂ କଲା ମୁମ୍ବାଇ-ଗୁଆହାଟି ଇଣ୍ଡିଗୋ ବିମାନ

ଗୁଆହାଟି,୧୩।୧: ଶନିବାର ଘନ କୁହୁଡ଼ି ହେତୁ ମୁମ୍ବାଇରୁ ଗୁଆହାଟି ଅଭିମୁଖେ ଯାଉଥିବା ଏକ ଇଣ୍ଡିଗୋ ବିମାନ ବାଂଲାଦେଶର ଢାକା ଆଡକୁ ଯାଇଥିଲା। ଖବର ମୁତାବକ ଗୁଆହାଟୀ ବିମାନବନ୍ଦରର କୁହୁଡି ଏତେ ଘନ ଥିଲା ଯେ ପାଇଲଟ ନିକଟସ୍ଥ ଅବତରଣ ଷ୍ଟ୍ରିପକୁ ମଧ୍ୟ ଦେଖିପାରିନଥିଲେ। ଏଭଳି ପରିସ୍ଥିତିରେ ଇଣ୍ଡିଗୋ ବିମାନ ଢାକାରେ ଜରୁରୀ ଅବତରଣ କରିଥିଲା।
ଏକ୍ସରେ ଏକ ପୋଷ୍ଟରେ ମୁମ୍ବାଇର ଯୁବ କଂଗ୍ରେସର ପୂର୍ବତନ ମୁଖ୍ୟ ସୁରଜ ସିଂ ଠାକୁର ଏହି ଘଟଣା ବିଷୟରେ ପୋଷ୍ଟ କରିଛନ୍ତି। ସେ କହିଛନ୍ତି, ମୁଁ ଇଣ୍ଡିଗୋ ବିମାନ 6E 5319 ରେ ମୁମ୍ବାଇରୁ ଗୁଆହାଟୀ ଅଭିମୁଖେ ଯାତ୍ରା କଲି। କିନ୍ତୁ ଘନ କୁହୁଡି ହେତୁ ବିମାନ ଗୁଆହାଟୀରେ ଅବତରଣ କରିପାରିଲା ନାହିଁ, ବରଂ ଏହା ଢାକାକୁ ପଠାଗଲା। ଠାକୁର କହିଛନ୍ତି ଯେ ବର୍ତ୍ତମାନ ବିମାନର ସମସ୍ତ ଯାତ୍ରୀ ପାସପୋର୍ଟ ବିନା ଅନ୍ତର୍ଜାତୀୟ ସୀମା ଅତିକ୍ରମ କରୁଛନ୍ତି।
ସେ କହିଛନ୍ତି ଯେ ଯାତ୍ରୀମାନେ ନିଜେ ବିମାନ ଭିତରେ ବସିଛନ୍ତି। ମୁଁ ୯ ଘଣ୍ଟା ଧରି ବିମାନରେ ଅଛି। ମୁଁ ଭାରତ ଯୋଡୋ ନ୍ୟାୟ ଯାତ୍ରା ପାଇଁ ମଣିପୁରର ଇମ୍ଫାଲକୁ ଯାଉଥିଲି। ବର୍ତ୍ତମାନ ଦେଖିବା ଯେତେବେଳେ ଆମେ ଗୁଆହାଟିରେ ପହଞ୍ଚିବା ଏବଂ ତା’ପରେ ସେଠାରୁ ଇମ୍ଫାଲକୁ ବିମାନ ପାଇବା।

The post ବାଂଲାଦେଶରେ ଏମରଜେନ୍ସି ଲ୍ୟାଣ୍ଡିଂ କଲା ମୁମ୍ବାଇ-ଗୁଆହାଟି ଇଣ୍ଡିଗୋ ବିମାନ appeared first on Dharitri Odia News.