ବିଜେଡିର ୩୮ ଜଣିଆ ଇସ୍ତାହାର କମିଟିରେ ଶ୍ରୀମୟୀ, ୩ ପ୍ରବାସୀ ଓଡ଼ିଆ ସାମିଲ

ଭୁବନେଶ୍ୱରରୁ ସାଂସଦ ପ୍ରାର୍ଥୀ ହେବାକୁ ଆଶା କରି ନିରାଶ ହୋଇଥିବା ବିଜେଡି ନେତ୍ରୀ ଶ୍ରୀମୟୀ ମିଶ୍ରଙ୍କୁ ଇସ୍ତହାର କମିଟିରେ ରଖାଯାଇଛି।

ଓଡିଶା ରିପୋଟର Apr 11, 2024 Add to Reading List

ବିଜେଡିର ୩୮ ଜଣିଆ ଇସ୍ତାହାର କମିଟିରେ ଶ୍ରୀମୟୀ, ୩ ପ୍ରବାସୀ ଓଡ଼ିଆ ସାମିଲ

ଆସନ୍ତା ବିଧାନସଭା ଓ ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଶାସକ ବିଜେଡି ଆଜି ତା’ର ଇସ୍ତାହାର କମିଟି ଗଠନ କରିଛି। ଦଳ କ୍ରମାଗତ ୬ଷ୍ଠ ଥର ବିଜୟୀ ହେଲେ, କ’ଣ ସବୁ କରିବ ଓ ଭୋଟରଙ୍କୁ କେମିତି ଆକୃଷ୍ଟ କରାଯାଇ ପାରିବ, ତା’ର ଗୋଟିଏ ପ୍ରତିଶ୍ରୁତି ପତ୍ର ଏହି କମିଟି ପ୍ରସ୍ତୁତ କରିବ।

ଭୁବନେଶ୍ୱରରୁ ସାଂସଦ ପ୍ରାର୍ଥୀ ହେବାକୁ ଆଶା କରି ନିରାଶ ହୋଇଥିବା ବିଜେଡି ନେତ୍ରୀ ଶ୍ରୀମୟୀ ମିଶ୍ରଙ୍କୁ ଇସ୍ତହାର କମିଟିରେ ରଖାଯାଇଛି। ସାଂସଦ ଟିକେଟ ନ ମିଳିବା ପରେ ଶ୍ରୀମୟୀ ଏକ ପ୍ରକାରର ‘ନିଖୋଜ’ ହୋଇ ଯାଇଛନ୍ତି। ଏପରି ସ୍ଥିତିରେ ତାଙ୍କୁ କିଛି ମାତ୍ରାରେ ସନ୍ତୁଷ୍ଟ କରିବା ପାଇଁ ଦଳ ଇସ୍ତାହାର କମିଟିରେ ଶ୍ରୀମୟୀଙ୍କୁ ସଦସ୍ୟ ଭାବେ ସାମିଲ କରିଥିବା ଚର୍ଚ୍ଚା ହେଉଛି।

କମିଟିର ଅଧ୍ୟକ୍ଷ ଭାବେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ କମିଟିରେ ରହିଛନ୍ତି। ଦଳ ତାଙ୍କୁ ଏଥର ଟିକେଟ ଦେଇ ନାହିଁ। ତାଙ୍କ ବଦଳରେ ବିଜେପିରୁ ଆମଦାନୀ ହୋଇ ଆସିଥିବା ଭୃଗୁ ବକ୍ସି ପାତ୍ର ବିଜେଡି ଟିକେଟରେ ବ୍ରହ୍ମପୁର ଲୋକସଭା ନିର୍ବାଚନ ଲଢ଼ିବେ। ଏଥିପାଇଁ ଚନ୍ଦ୍ରଶେଖର ସାହୁଙ୍କୁ ଇସ୍ତାହାର କମିଟିର ଆବାହକ କରାଯାଇଛି।

ସେହିପରି ଅମର ପଟ୍ଟନାୟକ କମିଟିର ଆବାହକ ରହିଛନ୍ତି। ୩୮ ଜଣିଆ କମିଟିରେ ୬ ସହ ଅଧ୍ୟକ୍ଷ ଓ ୩ ପ୍ରବାସୀ ଓଡ଼ିଆଙ୍କୁ ମଧ୍ୟ ସାମିଲ କରାଯାଇଛି। ଏହାବାଦ ରାଜ୍ୟସଭା ସାଂସଦ ଡ. ସସ୍ମିତ ପାତ୍ର ସହ ଆବାହ ଭାବେ କମିଟିରେ ଅଛନ୍ତି।

୩୮ ଜଣିଆ କମିଟି

ଚନ୍ଦ୍ରଶେଖର ସାହୁ-ଅଧ୍ୟକ୍ଷ

ଦେବୀ ପ୍ରସାଦ ମିଶ୍ର- ଉପାଧ୍ୟକ୍ଷ

ପ୍ରତାପ ଦେବ- ଉପାଧ୍ୟକ୍ଷ,

ସୁଦାମ ମାର୍ଣ୍ଡି- ଉପାଧ୍ୟକ୍ଷ

ମଙ୍ଗଳା କିଷାନ- ଉପାଧ୍ୟକ୍ଷ

ପଦ୍ମନାଭ ବେହେରା- ଉପାଧ୍ୟକ୍ଷ

କସ୍ତୁରୀ ମହାପାତ୍ର- ଉପାଧ୍ୟକ୍ଷ

ଅମର ପଟ୍ଟନାୟକ- ଆବାହକ

ସସ୍ମିତ ପାତ୍ର- (ସହ-ଆବାହକ)

ସୁକାନ୍ତ ମହାପାତ୍ର- ପ୍ରବାସୀ ଓଡ଼ିଶା ବିଶେଷଜ୍ଞ ସଦସ୍ୟ

ସ୍ୱପ୍ନେନ୍ଦୁ ମହାନ୍ତି- ପ୍ରବାସୀ ଓଡ଼ିଶା ବିଶେଷଜ୍ଞ ସଦସ୍ୟ