ବିବାହ ବନ୍ଧନରେ ବାନ୍ଧି ହେଲେ ବିଜେପି ସାଂସଦ ତେଜସ୍ୱୀ ସୂର୍ଯ୍ୟା, ଜାଣନ୍ତୁ କାହାକୁ କଲେ ଜୀବନସଙ୍ଗିନୀ

ନୂଆଦିଲ୍ଲୀ: ବିବାହ ବନ୍ଧନରେ ବାନ୍ଧି ହୋଇଛନ୍ତି ବିଜେପିର ଯୁବ ସାଂସଦ ତେଜସ୍ୱୀ ସୂର୍ଯ୍ୟା । ଶାସ୍ତ୍ରୀୟ ସଙ୍ଗୀତ କଳାକାର ଶିଭାଶ୍ରୀ ସ୍କନ୍ଦପ୍ରସାଦଙ୍କୁ ସାତ ଜନ୍ମର ସାଥୀ କରିଛନ୍ତି । ହିନ୍ଦୁ ନୀତିନୀତି ଓ କନ୍ନଡ ପରମ୍ପରା ଅନୁସାରେ ଦୁହିଁଙ୍କ ବିବାହ ହୋଇଛି । ଏହି ଅବସରରେ କେନ୍ଦ୍ରମନ୍ତ୍ରୀ ଭି.ସୋମନ୍ନା, କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ରାମ ମେଘୱାଲ, ବିଜେପି ଆଇଟି ସେଲ୍ ମୁଖ୍ୟ ଅମିତ୍ ମାଲଭିୟ, ପ୍ରତାପ ସିହ୍ମା, ବିୱାଇ ବିଜୟେନ୍ଦ୍ରଙ୍କ ସମେତ ଅନେକ ନେତା ଉପସ୍ଥିତ ରହିଥିଲେ । ଅନେକ ନେତା ବିବାହ ସମାରୋହର ଫଟୋ ସୋସିଆଲ୍ ମିଡିଆରେ ସେୟାର କରି ନବଦମ୍ପତ୍ତିଙ୍କୁ ଶୁଭେଚ୍ଛା ଜଣାଇଛନ୍ତି । 

ତେଜସ୍ୱୀ ସୂର୍ଯ୍ୟା ଦକ୍ଷିଣ ବେଙ୍ଗାଲୁରୁ ସଂସଦୀୟ କ୍ଷେତ୍ରରୁ ଦୁଇ ଥର ସାଂସଦ । ସେ ବର୍ତ୍ତମାନ ବିଜେପି ଯୁବ ମୋର୍ଚ୍ଚାର ରାଷ୍ଟ୍ରୀୟ ଅଧ୍ୟକ୍ଷ ଅଛନ୍ତି । ଅନ୍ୟପଟେ ଶିଭାଶ୍ରୀ ଭାରତନାଟ୍ୟମର ନୃତ୍ୟଶିଳ୍ପୀ ଅଛନ୍ତି । ସେ ବାୟୋଇଞ୍ଜିନିୟରିଂରେ ବ୍ୟାଚଲର୍ସ ଡିଗ୍ରୀ ହାସଲ କରିଛନ୍ତି । କିନ୍ତୁ ସେ ଡ୍ୟାନ୍ସକୁ ନିଜର ପେଶା କରିଥିଲ । ୟୁନିଭର୍ସିଟି ଅଫ୍ ମାଦ୍ରାସରେ ଶିଭାଶ୍ରୀ ସ୍କନ୍ଦପ୍ରସାଦ ଭାରତନାଟ୍ୟମରେ ବି ଡିଗ୍ରୀ କରିଛନ୍ତି । ସୋସିଆଲ୍ ମିଡିଆ ପ୍ଲାଟଫର୍ମ ଇନ୍‌ଷ୍ଟାଗ୍ରାମରେ ଶିଭାଶ୍ରୀଙ୍କ ୧.୧୩ ଲକ୍ଷ ଫୋଲୋଅର୍ସ ଅଛନ୍ତି । ସେହିପରି ୟୁଟ୍ୟୁବରେ ୨ ଲକ୍ଷ ଫୋଲୋଅର୍ସ ଅଛନ୍ତି । ପ୍ରଧାନମନ୍ତ୍ରୀ ମୋଦୀ ବି ଶିଭାଶ୍ରୀଙ୍କୁ ପ୍ରଶଂସା କରିସାରିଛନ୍ତି ।

ಬಿಜೆಪಿ ಯುವ ಮೋರ್ಚಾ ರಾಷ್ಟ್ರೀಯ ಅಧ್ಯಕ್ಷರು ಹಾಗೂ ಬೆಂಗಳೂರು ದಕ್ಷಿಣ ಲೋಕಸಭಾ ಕ್ಷೇತ್ರದ ಸಂಸದರಾದ ಶ್ರೀ ತೇಜಸ್ವೀ ಸೂರ್ಯ ಅವರ ವಿವಾಹ ಸಮಾರಂಭದಲ್ಲಿ ನಮ್ಮ ಶಾಸಕರು ಹಾಗೂ ಮುಖಂಡರೊಂದಿಗೆ ಭಾಗವಹಿಸಿ ಶುಭಕೋರಲಾಯಿತು.

ಪಕ್ಷದ ನಿಷ್ಠಾವಂತ ಕಾರ್ಯಕರ್ತರಾಗಿ, ಯಶಸ್ವೀ ಸಂಘಟಕರಾಗಿ ಕರ್ನಾಟಕವನ್ನು ಲೋಕಸಭೆಯಲ್ಲಿ ಪ್ರತಿನಿಧಿಸುತ್ತಿರುವ ಶ್ರೀ… pic.twitter.com/WbLwunvFW6— Vijayendra Yediyurappa (@BYVijayendra) March 6, 2025

ଗତ ବର୍ଷ ଅଯୋଧ୍ୟାରେ ରାମଲଲାଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶିଭାଶ୍ରୀ ସ୍କନ୍ଦପ୍ରସାଦଙ୍କୁ ପ୍ରଶଂସା କରିଥିଲେ । ସେ ଶିଭାଶ୍ରୀଙ୍କ ଦ୍ୱାରା ପ୍ରସ୍ତୁତ ଗୀତରକୁ ପ୍ରଶଂସା କରିଥିଲେ । ପିଏମ୍ ଲେଖିଥିଲେ, 'ଶିଭାଶ୍ରୀ ସ୍କନ୍ଦପ୍ରସାଦ କନ୍ନଡ ଭାଷାରେ ଭଗବାନ ଶ୍ରୀରାମଙ୍କ ଆରାଧନା କରି ଗୀତ ରଚନା କରିଛନ୍ତି । ତାଙ୍କର ଏହି ଉଦ୍ୟମ ଭାରତର ସଂସ୍କୃତିକୁ ସଂରକ୍ଷିତ ରଖିବାରେ ଗୁରୁତ୍ୱପୂର୍ଣ୍ଣ ।' ଉଲ୍ଲେଖଯୋଗ୍ୟ ଯେ ତେଜସ୍ୱୀ ସୂର୍ଯ୍ୟାଙ୍କ ବିବାହ ସମାରୋହକୁ ନେଇ ସୀମିତ ଲୋକଙ୍କ ପାଖରେ ହିଁ ସୂଚନା ଥିଲା । ବିବାହରେ ସାମିଲ ରାଜନେତାମାନେ ସୋସିଆଲ୍ ମିଡିଆରେ ବିବାହ ବେଳର ଫଟୋ ସେୟାର କରିବା ପରେ ଖବର ସାର୍ବଜନୀନ ହୋଇଥିଲା ।