ବିବାହ ଷ୍ଟେଜରେ ବନ୍ଧୁଙ୍କୁ ଉପହାର ଦେଉଥିବା ବେଳେ ହେଲା ହାର୍ଟ ଆଟାକ୍‌…, ଦେଖନ୍ତୁ ଭିଡିଓ

ହାଇଦରାବାଦ,୨୨।୧୧: ଆନ୍ଧ୍ରପ୍ରଦେଶର କୁର୍ନୁଲ ଜିଲାରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଘଟଣାହେଲା, ରାଜ୍ୟର ଏକ ସ୍ଥାନରେ ଏକ ବିବାହ ଚାଲିଥିଲା, ଯେତେବେଳେ ଜଣେ ଯୁବକ ବର ଏବଂ କନ୍ୟାକୁ ଅଭିନନ୍ଦନ ଜଣାଇବାକୁ ମଞ୍ଚକୁ ଯାଇଥିଲେ ଏବଂ ଏହି ସମୟରେ ହଠାତ୍‌ ତାଙ୍କର ହାର୍ଟ ଆଟାକ ହୋଇଥିଲା। ଆଉ ସେହିଠାରେ ହିଁ ଯୁବକ ଜଣଙ୍କ ଟଳି ପଡିଥିଲେ।
ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେବାରେ ଲାଗିଛି। ଏହି ସମୟରେ ତାଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଥିଲା ଏବଂ ସେହିଠାରେ ହିଁ ତାଙ୍କର ମୃତ୍ୟୁ ହୋଇଥିଲା।

ସୂଚନାଯୋଗ୍ୟ, ଯୁବକ ଜଣଙ୍କ ବେଙ୍ଗାଲୁରୁର ଇ-ଟେଲର ଆମାଜନରେ କାମ କରୁଥିଲେ। ସେ ତାଙ୍କ ବନ୍ଧୁଙ୍କ ବିବାହ ଉତ୍ସବରେ ଯୋଗଦେବା ପାଇଁ କୁର୍ନୁଲର ପେନୁମାଡା ଗ୍ରାମକୁ ଆସିଥିଲେ।
ଉପହାର ଦେବା ପରେ, ଯେତେବେଳେ ବର ଚକଚକିଆ ରାପର ଖୋଲୁଥିଲା, ସେ ଧୀରେ ଧୀରେ ବାମ ଆଡକୁ ଢଳିବାକୁ ଲାଗିଲେ, ଯେଉଁଥିରେ ଉପସ୍ଥିତ ଲୋକମାନେ ତାଙ୍କୁ ପଡିଯିବା ପୂର୍ବରୁ ଧରି ପକାଇଥିଲେ। ତାଙ୍କୁ ଧୋନ ନଗର ସରକାରୀ ଡାକ୍ତରଖାନା ନିଆଯାଇଥିଲା ଯେଉଁଠାରେ ଡାକ୍ତରମାନେ ତାଙ୍କର ମୃତ୍ୟୁ ହୋଇଥିବା କହିଥିଲେ।
ଡାକ୍ତରୀ ବିଶେଷଜ୍ଞଙ୍କ ଅନୁଯାୟୀ, ଜିମ ଏବଂ ଅନ୍ୟାନ୍ୟ ଅପ୍ରତ୍ୟାଶିତ ସ୍ଥାନରେ ହୃଦଘାତ ହେତୁ ଯୁବକଙ୍କ ମୃତ୍ୟୁ ମାମଲା ବଢିବାରେ ଲାଗିଛି। ମୁମ୍ବାଇ ସେଣ୍ଟ୍ରାଲର ୱୋକାର୍ଡ ହସ୍ପିଟାଲର ପରାମର୍ଶଦାତା ହୃଦରୋଗ ବିଶେଷଜ୍ଞ ଡାକ୍ତର ରବି ଗୁପ୍ତା ମଧୁମେହ, ବସିବା ଜୀବନଶୈଳୀ, ବାୟୁ ପ୍ରଦୂଷଣ, ଚାପ, ଭାରୀ ବ୍ୟାୟାମ ଏବଂ ଷ୍ଟେରଏଡକୁ ଯୁବକମାନଙ୍କ ମଧ୍ୟରେ ବଢୁଥିବା ହୃଦଘାତର କାରଣ ବୋଲି ଦର୍ଶାଇଛନ୍ତି।

A joyful occasion turned tragic when a man suffered a fatal heart attack on stage while presenting a wedding gift to his friend.

The incident occurred in Penumada village of Krishnagiri mandal of Kurnool district, Andhra Pradesh. The deceased has been identified as Vamsi who… pic.twitter.com/3k3R0QN7Kp

— The Siasat Daily (@TheSiasatDaily) November 21, 2024

The post ବିବାହ ଷ୍ଟେଜରେ ବନ୍ଧୁଙ୍କୁ ଉପହାର ଦେଉଥିବା ବେଳେ ହେଲା ହାର୍ଟ ଆଟାକ୍‌…, ଦେଖନ୍ତୁ ଭିଡିଓ appeared first on Dharitri Odia News.