ବୀରମହାରାଜପୁର ମହିଳା କଲେଜରେ ତାଲୁକ ଆଇନ ସେବା ପକ୍ଷରୁ ପୋସ୍କୋ ଆଇନ ଉପରେ ସଚେତନତା କାର୍ଯ୍ୟକ୍ରମ

ବୀରମହାରାଜପୁର : (ସୌମିତ୍ରି ମେହେର ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହିଳା ମହାବିଦ୍ୟାଳୟ ରେ ଆଜି ତାଳୁକ୍ ଆଇନ ସେବା କମିଟି ପକ୍ଷରୁ ପୋସ୍କୋ ଆଇନ ଉପରେ ଏକ ସଚେତନ କାର୍ଯକ୍ରମ ଅନୁଷ୍ଠିତ ହୋଇଯାଇଛି l ଶୁକ୍ରବାର କଲେଜ ଅଧ୍ୟକ୍ଷ ଆଶୁତୋଷ ହୋତଙ୍କ ସଭାପତିତ୍ବରେ ଆୟୋଜିତ କାର୍ଯ୍ଯକ୍ରମରେ ତାଲୁକ ଆଇନ ସେବl କମିଟିର ଅଧ୍ୟକ୍ଷା ସରୋଜିନୀ ସାହୁ ମୁଖ୍ୟ ଅତିଥି ଭାବରେ ଯୋଗଦେଇଥିଲେ l ସମ୍ମାନିତ ଅତିଥି ଭାବରେ ଏସଡିଜେଏମ ରାଜଶ୍ରୀ ପଟ୍ଟନାୟକ, ଆଇନଜୀବୀ ଶଙ୍କର୍ଷଣ ପଣ୍ଡା , ଆଇନଜୀବୀ ସଞ୍ଜୀବ ପଧାନ ଏବଂ ପୋଲିସ ଏଏସଆଇ ବୁଡୁ ଭୋଇ ଯୋଗଦେଇ ମଞ୍ଚାସିନ ହୋଇଥିଲେ l ତେବେ ପୋସ୍କୋ ଆଇନ ଓ ତାର ଦଣ୍ଡବିଧାନ ଉପରେ ମଞ୍ଚାସିନ ଅତିଥି ମାନେ ଆଲୋକପାତ କରିଥିଲେ l ଏହି ସଚେତନତା କାର୍ଯ୍ୟକ୍ରମରେ କଲେଜର ସମସ୍ତ ଛାତ୍ରୀ ଏବଂ ଅଧ୍ୟାପକ , ଅଧ୍ୟାପିକା ମାନେ ଉପସ୍ଥିତ ରହିଥିଲେ l ବିଚାର ବିଭାଗୀୟ କର୍ମଚାରୀ ସଞ୍ଜୀବ ବାରିକ, ରବି ଅମାତ ଏବଂ ସୁବାସ ବେହେରା ସହଯୋଗ କରିଥିଲେ l ଶେଷରେ ଅଧ୍ୟାପିକା ସନ୍ତୋଷିନି ନାୟକ ଧନ୍ୟବାଦ୍ ଅର୍ପଣ କରିଥିଲେ l

The post ବୀରମହାରାଜପୁର ମହିଳା କଲେଜରେ ତାଲୁକ ଆଇନ ସେବା ପକ୍ଷରୁ ପୋସ୍କୋ ଆଇନ ଉପରେ ସଚେତନତା କାର୍ଯ୍ୟକ୍ରମ appeared first on Odisha.News.