ବ୍ରୁନେଇର ରାଜଧାନୀରୁ ଚେନ୍ନାଇକୁ ବିମାନ ସେବା, ପ୍ରତିରକ୍ଷା ଏବଂ ମହାକାଶ କ୍ଷେତ୍ରରେ ସହଯୋଗ ପାଇଁ ବୁଝାମଣା

ନୂଆଦିଲ୍ଲୀ: ବ୍ରୁନେଇର ରାଜଧାନୀ ବାନ୍ଦର ସେରି ବେଗାୱନ ଏବଂ ଭାରତର ଚେନ୍ନାଇ ମଧ୍ୟରେ ସିଧାସଳଖ ବିମାନ ସେବା ଆରମ୍ଭ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ରୁନେଇ ଗସ୍ତରେ ଏହି ଘୋଷଣା ହୋଇଛି । ବିମାନ ସେବା ଆରମ୍ଭ ସହ ଦୁଇ ଦେଶ ରକ୍ଷା, ମହାକାଶ ଏବଂ ଲୋକଙ୍କ ମଧ୍ୟରେ ସମ୍ୱନ୍ଧ ବଢାଇବା ଉପରେ ମଧ୍ୟ ସହମତି ପ୍ରକାଶ ପାଇଛି ।

ପିଏମ୍ ମୋଦୀଙ୍କ ଗସ୍ତରେ ଦୁଇ ଦେଶ ମଧ୍ୟରେ ହୋଇଥିବା ବୁଝାମଣା ଦ୍ୱାରା ଭବିଷ୍ୟତରେ ଦ୍ୱିପାକ୍ଷିକ ସମ୍ପର୍କ ଅଧିକ ମଜଭୁତ ହେବାକୁ ଥିବା ଅନୁମାନ ରହିଛି । ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ବୟାନରେ କହିଛି ଯେ ଭାରତ ଏବଂ ବ୍ରୁନେଇ ସାଟେଲାଇଟ୍ ଲଞ୍ଚିଂ ଭେଇକଲ୍ ପାଇଁ ଟେଲିମେଟ୍ରି, ଟ୍ରାକିଂ ଏବଂ ଟେଲିକମାଣ୍ଡ ଷ୍ଟେସନର ପରିଚାଳନାରେ ସହଯୋଗ ଏକ ଏମଓୟୁ ହସ୍ତାକ୍ଷର କରିଛନ୍ତି ।

ପିଏମ୍ ମୋଦୀ ଏବଂ ବ୍ରୁନେଇ ସୁଲତାନ ହାଜି ବୋଲକିୟା ବୁଧବାର ଏକ ଦ୍ୱିପାକ୍ଷିକ ବୈଠକ କରିଛନ୍ତି । ଏହି ବୈଠକରେ ଦ୍ୱିପାକ୍ଷିକ ସମ୍ୱନ୍ଧ ସହ ଜଡ଼ିତ ଅନେକ ପ୍ରସଙ୍ଗ ଉପରେ ଚର୍ଚ୍ଚା କରାଯାଇଛି । ବୈଦେଶିକ ବ୍ୟାପାର ମନ୍ତ୍ରୀ ଏସ୍.ଜୟଶଙ୍କର ଏବଂ ବ୍ରୁନେଇ ପରିବହନ ଏବଂ ସଂଚାର ମନ୍ତ୍ରୀ ଉପଗ୍ରହ ଏବଂ ପ୍ରକ୍ଷେପଣ ବାହାନ ପାଇଁ ଟେଲିମେଟ୍ରି, ଟ୍ରାକିଂ ଏବଂ ଟେଲିକମାଣ୍ଡ ଷ୍ଟେସନ ପରିଚାଳନାରେ ସହଯୋଗ ଉପରେ ଏକ ଏମଓୟୁ ଉପରେ ହସ୍ତାକ୍ଷର କରିଛନ୍ତି ।

ପିଏମ୍ ମୋଦୀ ଏବଂ ବ୍ରୁନେଇ ସୁଲତାନ ପ୍ୟାରିସ୍ ବୁଝାମଣା ପରି ଅନ୍ତରାଷ୍ଟ୍ରୀୟ ଜଳବାୟୁ ଉଦ୍ଦେଶ୍ୟ ଅନୁସାରେ ଜଳବାୟୁ ପରିବର୍ତ୍ତନକୁ ସମ୍ୱୋଧନ ଏବଂ ଏହାର ପ୍ରତିକୂଳ ପ୍ରଭାବକୁ କମ କରିବା ଉପରେ ତତ୍କାଳ ଆବଶ୍ୟକତା ଉପରେ ସହମତି ବ୍ୟକ୍ତ କରିଛନ୍ତି । ଆଇସିଟି, ଫିନଟେକ୍, ସାଇବର ସୁରକ୍ଷା, ନବୀନ ଏବଂ ଭବିଷ୍ୟତର ନବୀକରଣ ଉର୍ଜା କ୍ଷେତ୍ରରେ ସହଯୋଗର ଅନୁସନ୍ଧାନ ଏବଂ ଗବେଷଣା ଉପରେ ସହମତ ହୋଇଛନ୍ତି ।

ପ୍ରଧାନମନ୍ତ୍ରୀ ମୋଦୀ ଏବଂ ବ୍ରୁନେଇ ସୁଲତାନ ବୋଲାକିୟା କ୍ଷେତ୍ରୀୟ ଏବଂ ବୈଶ୍ୱିକ ପ୍ରସଙ୍ଗରେ ମଧ୍ୟ ବିଚାରର ଆଦାନ-ପ୍ରଦାନ କରିଛନ୍ତି । ସଂଯୁକ୍ତ ବୟାନରେ କୁହାଯାଇଛି ଯେ ଦୁଇ ନେତା ଆତଙ୍କବାଦର କଡ଼ା ନିନ୍ଦା କରିଛନ୍ତି । ଦୁହେଁ ଜୋର ଦେଇ କହିଛନ୍ତି ଯେ କୌଣସି ଦେଶ ନିଜ ନିୟନ୍ତ୍ରଣ କ୍ଷେତ୍ରକୁ ଆତଙ୍କବାଦ ପାଇଁ ବ୍ୟବହାର କରିବାକୁ ନଦେବା ଦରକାର ।