ବ୍ରେକଅପ୍ କଲେ ଅର୍ଜୁନ; ମଲାଇକା କହିଲେ ‘ହୃଦୟକୁ ଦ୍ୱିତୀୟ ଥର…’

ମୁମ୍ବାଇ: ମଲ୍ଲାଇକା ଆରୋରାଙ୍କ ସହିତ ସମ୍ପର୍କ ତୁଟାଇଛନ୍ତି ଅର୍ଜୁନ କପୁର। କିଛିଦିନ ତଳେ ଅର୍ଜୁନ ଏହି ଖବରକୁ ସୁନିଶ୍ଚିତ କରିଥିବା ବେଳେ ମଲାଇକା ଏପର୍ଯ୍ୟନ୍ତ ଏହା ଉପରେ କୌଣସି ପ୍ରତିକ୍ରିୟା ଦେଇ ନାହାନ୍ତି। କିନ୍ତୁ ଏହାରି ମଧ୍ୟରେ ମଲାଇକା ସୋସିଆଲ ମିଡିଆରେ ଏକ କ୍ରିପ୍ଟିକ୍ ପୋଷ୍ଟ ଶେୟାର କରିଛନ୍ତି।

ଏହି ପୋଷ୍ଟରେ ସେ ଲେଖିଛନ୍ତି, “ହୃଦୟକୁ ଦ୍ୱିତୀୟ ଥର ଛୁଇଁବା ଏକ ଆତ୍ମାକୁ ଆଜୀବନ ସ୍ପର୍ଶ କରିବା ସହିତ ସମାନ।” ଏଥିସହିତ “ଶୁଭ ସକାଳ” ମଧ୍ୟ ସେ ଲେଖିଛନ୍ତି। ସୋମବାର ମୁମ୍ବାଇର ଶିବାଜୀ ପାର୍କରେ ରାଜ ଠାକରେଙ୍କ ଦ୍ୱାରା ଆୟୋଜିତ ଦୀପାବଳି ପାର୍ଟିରେ ଅର୍ଜୁନ ଖବରଦାତାଙ୍କ ସହିତ କଥାବାର୍ତ୍ତା କରୁଥିବାବେଳେ କହିଛନ୍ତି, “ମୁଁ ଏବେ ସିଙ୍ଗଲ୍ ଅଛି।” ଏହି ଦୀପାବଳି ପାର୍ଟିରେ ଅର୍ଜୁନଙ୍କ ଆଗାମୀ ଫିଲ୍ମ ସିଙ୍ଘମ୍ ରିଟର୍ନ ସହ-ତାରକା ଅଜୟ ଦେବଗନ୍, ଟାଇଗର ଶ୍ରଫ୍ ଏବଂ ନିର୍ଦ୍ଦେଶକ ରୋହିତ ଶେଟ୍ଟୀ ମଧ୍ୟ ଯୋଗ ଦେଇଥିଲେ।

ଅର୍ଜୁନ କପୁର ଏବଂ ମଲାଇକା ଆରୋରା ୨୦୧୭ ରେ ଅରବାଜ ଖାନଙ୍କୁ ଛାଡପତ୍ର ଦେବା ପରେ ୨୦୧୮ ରେ ଡେଟିଂ ଆରମ୍ଭ କରିଥିଲେ। ସେମାନେ ୨୦୧୯ ରେ ଇନଷ୍ଟାଗ୍ରାମରେ ଏହି ଖବରକୁ ଅଫିସିଆଲ କରିଥିଲେ ଯେତେବେଳେ ମଲାଇକା ଅର୍ଜୁନଙ୍କ ସହ ତାଙ୍କ ଜନ୍ମଦିନରେ ଏକ ପ୍ରିୟ ଫଟୋ ପୋଷ୍ଟ କରିଥିଲେ। ସେବେଠାରୁ ସେମାନଙ୍କୁ ଅନେକ ଥର ଏକାଠି ଦେଖିବାକୁ ମିଳିଥିଲା।

କିନ୍ତୁ ସେମାନଙ୍କ ଅଲଗା ହେବା ଗୁଜବ କିଛି ସମୟ ପାଇଁ ସୋସିଆଲ ମିଡିଆରେ ଘୂରି ବୁଲୁଥିଲା। ତେବେ ଦୁହେଁ ସର୍ବସାଧାରଣରେ କୌଣସି କମେଣ୍ଟ ଦେଇ ନଥିଲେ। ତେବେ ଗତ ମାସରେ ପିତାଙ୍କ ଦୁଃଖଦ ମୃତ୍ୟୁ ପରେ ଅର୍ଜୁନ କପୁର ମଲାଇକା ପାଖରେ ଠିଆ ହୋଇଥିଲେ। ଅର୍ଜୁନ କପୁର ତାଙ୍କ ପୂର୍ବତନ ଗର୍ଲଫ୍ରେଣ୍ଡକୁ ସମବେଦନା ଜଣାଇବା ସହ ଏହି ଦୁଃଖଦ ଘଟଣା ପରେ ତାଙ୍କ ପରିବାର ସଦସ୍ୟଙ୍କ ସହ କଥାବାର୍ତ୍ତା ହୋଇଥିବା ଫଟୋ ଦେଖିବାକୁ ମିଳିଥିଲା।

The post ବ୍ରେକଅପ୍ କଲେ ଅର୍ଜୁନ; ମଲାଇକା କହିଲେ ‘ହୃଦୟକୁ ଦ୍ୱିତୀୟ ଥର…’ appeared first on Dharitri Odia News.