ଭଦ୍ରକ ନୂଆ ବସଷ୍ଟାଣ୍ଡ ଉଦଘାଟନ, ରୂପାନ୍ତରୀକରଣ କାମରେ ହେଲା ସାମିଲ

ଭଦ୍ରକ ୧୩।୦୩ :  ଭଦ୍ରକ ଜିଲ୍ଲାର ରୂପାନ୍ତରିକରଣରେ ସାମିଲ ହେଲା ଭଦ୍ରକ ବସଷ୍ଟାଣ୍ଡ । ଦୀର୍ଘଦିନ ଧରି ଅବହେଳିତ ହୋଇ ପଡ଼ିଥିବା ନୂଆ ବସଷ୍ଟାଣ୍ଡଟି ରୂପାନ୍ତରିକରଣ ହୋଇ ନୂଆ ରୂପରେ ପରିଣତ ହୋଇଛି । ଭଦ୍ରକ ବାସୀଙ୍କ ଦୀର୍ଘଦିନ ଧରି ଦାବୀ ହୋଇଆସୁଥିବା ବେଳେ ଏବେ ବସଷ୍ଟାଣ୍ଡଟି ନୂଆ ରୂପ ପାଇଛି ।

ତେବେ ଏହି ଶୁଭ ଉଦଘାଟନରେ ଅତିଥି ଭାବେ ଭଦ୍ରକ ବିଧାୟକ ସଞ୍ଜୀବ ମଲ୍ଲିକ, ସାଂସଦ ମଞ୍ଜୁଲତା ମଣ୍ଡଳ, ପୌରପାଳିକା ଅଧିକାରୀ, ପୂର୍ତ୍ତ ବିଭାଗ ଅଧିକାରୀଙ୍କ ସମେତ ବହୁ ପଦାଧିକାରୀ ଓ ପାରିଷଦଙ୍କ ସମେତ ବସଷ୍ଟାଣ୍ଡର ସଭାପତି ଓ ସ୍ଥାନୀୟ ଲୋକେ ଉପସ୍ଥିତ ଥିଲେ । ନୂଆ ଅତ୍ୟାଧୁନିକ ବସ ଷ୍ଟାଣ୍ଡରେ ଅତ୍ୟାଧୁନିକ ସେବା ବାବଦରେ ଅତିଥି ମାନେ ଆଲୋଚନା କରିଥିଲେ ।  ମିଶନ କାଫେ ମାଧ୍ୟମରେ ଯାତ୍ରୀମାନେ ଖାଦ୍ୟ ପାଇପାରିବେ, ଛୋଟ ଶିଶୁକୁ ପାଇଁ ମାତୃମଙ୍ଗଳ କେନ୍ଦ୍ର ପାଇଁ ସ୍ୱତନ୍ତ୍ର କୋଠରୀ ବ୍ୟବସ୍ଥା , ଶୀତତାପ ନିୟନ୍ତ୍ରିତ କୋଠରୀ ସାଙ୍ଗକୁ, ଯାତ୍ରୀ ମାନଙ୍କ ପାଇଁ ବିଶ୍ରାମଗାର ଥିବା କହିଥିଲେ ।