ଭାଜପାରେ ବିଲୟ ହେଲା ଏହି ଦଳ

ଥିରୁଭାନନ୍ତପୁରମ୍‌,୩୧।୧: ଦେଶରେ ହେବାକୁ ଥିବା ଲୋକ ସଭା ନିର୍ବାଚନକୁ ନେଇ ରାଜନୈତିକ ଦଳଗୁଡିକ ମଧ୍ୟ ତତ୍ପରତା ପ୍ରକାଶ ପାଇଛି। ଗୋଟିଏ ପଟେ ବିରୋଧୀ ଦଳ ‘ଇଣ୍ଡିଆ’ ନିଜର ସହଯୋଗୀମାନଙ୍କ ସହ ସିଟ ବାଣ୍ଟିବା ନେଇ ମନ୍ଥନ କରୁଛି। ଅନ୍ୟପଟେ ଭାଜପା ‘୪୦୦’ ପାର୍‌ ସ୍ଲୋଗାନ ଦେଇ ନିର୍ବାଚନ ବିଗୁଲ ବଜାଇଛି। ଏହି ସମୟରେ ଦକ୍ଷିଣ ରାଜନୀତିରେ ହଲଚଲ ମଧ୍ୟ ତୀବ୍ର ହୋଇଛି। କିଛି ଦିନ ପୂର୍ବରୁ ଡିଏମକେ ଏବଂ କଂଗ୍ରେସ ମଧ୍ୟରେ ଆସନ ବାଣ୍ଟିବା ନେଇ ଆଲୋଚନା ହୋଇଥିଲା। କେରଳ ଜନପକ୍ଷମ (ସିକୁଲାର୍‌) ଦଳ ବୁଧବାର ଭାଜପାରେ ବିଲୟ ଘଟିଛି।
ବୁଧବାର ୨୦୨୪ ଲୋକସଭା ନିର୍ବାଚନ ପୂର୍ବରୁ ପିସି ଜର୍ଜଙ୍କ ଦଳ କେରଳ ଜନପକ୍ଷମ (ସିକୁଲାର) ଶେଷରେ ଭାଜପା ସହିତ ମିଶିଛି। ଦୀର୍ଘ ଦିନ ଧରି କେରଳ ବିଧାନସଭାରେ ପୁଞ୍ଜର ଆସନରୁ ପ୍ରତିନିଧିତ୍ୱ କରୁଥିବା ଜର୍ଜ ପ୍ରଧାନମନ୍ତ୍ରୀ ମୋଦିଙ୍କୁ ବହୁତ ପ୍ରଶଂସା କରିଥିଲେ। ଏହି ସମୟରେ ସେ ପ୍ରଶଂସା କରି କହିଛନ୍ତି, ଦେଶର ବିକାଶ ପାଇଁ ସବୁବେଳେ କାର୍ଯ୍ୟ କରୁଥିବା ଭାରତକୁ ଏପରି ପ୍ରଧାନମନ୍ତ୍ରୀ କେବେ ପାଇ ମିଳିନାହିଁ। ମୋ ଦଳର କର୍ମୀଙ୍କ ମଧ୍ୟରେ ସମାନ ମତ ରହିଛି ଯେ ପିଏମ ମୋଦୀଙ୍କୁ ସମର୍ଥନ କରାଯିବା ଉଚିତ। ପିସି ଜର୍ଜ ତାଙ୍କ ପୁଅ ଶୌନ ଏବଂ ଅନ୍ୟ କେରଳ ଜନପକ୍ଷମ (ସିକୁଲାର) ନେତାଙ୍କ ସହ ଭାଜପା ନେତା ପ୍ରକାଶ ଜାଭଡେକର ଏବଂ ଅନ୍ୟାନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ଭାଜପାରେ ଯୋଗ ଦେଇଥିଲେ।

The post ଭାଜପାରେ ବିଲୟ ହେଲା ଏହି ଦଳ appeared first on Dharitri Odia News.