‘ଭାରତ ଆମେରିକାର ଫାଇଦା ଉଠାଇବାକୁ ଚାହୁଁଛି’ ଏମିତି କାହିଁକି କହିଲେ ଟ୍ରମ୍ପ…

ଓ୍ବାଶିଂଟନ୍‌,୨୩।୨: ଆମେରିକା ଏବଂ ଭାରତ ମଧ୍ୟରେ ସମ୍ପର୍କ ଭଲ। କିନ୍ତୁ ଏହା ସତ୍ତ୍ୱେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତକୁ ଟାର୍ଗେଟ କରିବାର କୌଣସି ସୁଯୋଗ ହାତଛଡ଼ା କରୁନାହାଁନ୍ତି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ଭାରତର ନିର୍ବାଚନ ପାଇଁ ଯୁକ୍ତରାଷ୍ଟ୍ର ଆନ୍ତର୍ଜାତୀୟ ବିକାଶ ସଂସ୍ଥା (USAID)ରୁ ୧୮ ନିୟୁତ ଡଲାରର ପାଣ୍ଠି ଉପରେ ପ୍ରଶ୍ନ ଉଠାଇଛନ୍ତି। ଏହା ମାଧ୍ୟମରେ ଟ୍ରମ୍ପ ଟାର୍ଗେଟ କରି କହିଛନ୍ତି ଯେ ଭାରତ ଆମେରିକାର ଫାଇଦା ଉଠାଇବାକୁ ଚାହୁଁଛି। କଞ୍ଜରଭେଟିଭ ପଲିଟିକାଲ ଆକ୍ସନ କନଫରେନ୍ସ (ସିପିଏସି)ରେ ତାଙ୍କ ଭାଷଣ ସମୟରେ, ଟ୍ରମ୍ପ ଏହି ପାଣ୍ଠି ପଛରେ ଥିବା ଯୁକ୍ତି ଉପରେ ସନ୍ଦେହ ପ୍ରକାଶ କରିଛନ୍ତି ଏବଂ କହିଛନ୍ତି ଯେ ଆମେରିକା ବିଦେଶରେ ଏତେ ଟଙ୍କା ଖର୍ଚ୍ଚ କରିବା ପରିବର୍ତ୍ତେ ନିଜର ଭୋଟରଙ୍କ ଅଂଶଗ୍ରହଣ ଉପରେ ଧ୍ୟାନ ଦେବା ଉଚିତ୍‌।

ଟ୍ରମ୍ପ କହିଛନ୍ତି, ନିର୍ବାଚନରେ ଭାରତକୁ ୧୮ ନିୟୁତ ଡଲାର ସାହାଯ୍ୟ କାହିଁକି? ଆମେ କାହିଁକି ପୁରୁଣା ଭୋଟ ବ୍ୟବସ୍ଥାକୁ ଫେରି ନଯିବା ଏବଂ ସେମାନଙ୍କୁ ଆମର ନିର୍ବାଚନ ପ୍ରକ୍ରିୟାରେ ସାହାଯ୍ୟ କରିବାକୁ ନ ଦେବା? ଭାରତକୁ ଟଙ୍କାର ଆବଶ୍ୟକତା ନାହିଁ। ଟ୍ରମ୍ପ ଆହୁରି କହିଛନ୍ତି, ସେମାନେ ଆମର ବହୁତ ଭଲ ଫାଇଦା ଉଠାଇଛନ୍ତି। ଏହା ବିଶ୍ୱର ସବୁଠାରୁ ଅଧିକ ଶୁଳ୍କ ଥିବା ଦେଶଗୁଡ଼ିକ ମଧ୍ୟରୁ ଗୋଟିଏ। ଆମେ ଯାହା ବିକ୍ରୟ କରିବାକୁ ଚେଷ୍ଟା କରୁ, ସେମାନେ ସେଥିରେ ୨୦୦ ପ୍ରତିଶତ ଶୁଳ୍କ ଲଗାନ୍ତି, ତା’ପରେ ଆମେ ସେମାନଙ୍କୁ ନିର୍ବାଚନରେ ସାହାଯ୍ୟ କରିବା ପାଇଁ ପ୍ରଚୁର ଟଙ୍କା ଦେଉଛୁ।

The post ‘ଭାରତ ଆମେରିକାର ଫାଇଦା ଉଠାଇବାକୁ ଚାହୁଁଛି’ ଏମିତି କାହିଁକି କହିଲେ ଟ୍ରମ୍ପ… appeared first on Dharitri Odia News.