ଭାରତ ନାଁରେ ୫ ଅଲୋଡା ରେକର୍ଡ: ଜାଣନ୍ତୁ ଏ ବିଷୟରେ…
ବେଙ୍ଗାଲୁରୁ,୧୭।୧୦: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ବେଙ୍ଗାଲୁରୁରେ ଖେଳାଯାଉଛି। ପ୍ରଥମ ଦିନର ଖେଳ ବର୍ଷାରେ ଧୋଇ ଯାଇଥିଲା । ଏହା ପରେ ଦ୍ୱିତୀୟ ଦିନରେ ନ୍ୟୁଜିଲାଣ୍ଡ ବୋଲରଙ୍କ ଯାଦୁ ଦେଖିବାକୁ ମିଳିଥିଲା। ଟସ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ଆସିଥିବା ଟିମ ଇଣ୍ଡିଆ ମାତ୍ର ୪୬ ରନ୍ରେ ଅଲଆଉଟ୍ ହୋଇଥିଲା। ରିଷଭ ପନ୍ତ ଭାରତ ପାଇଁ ସର୍ବାଧିକ ୨୦ ରନ ସଂଗ୍ରହ କରିଥିଲେ। ଏଥି ସହିତ ମ୍ୟାଟ ହେନେରୀ ନ୍ୟୁଜିଲାଣ୍ଡ ପାଇଁ ସର୍ବାଧିକ […] The post ଭାରତ ନାଁରେ ୫ ଅଲୋଡା ରେକର୍ଡ: ଜାଣନ୍ତୁ ଏ ବିଷୟରେ… appeared first on Dharitri Odia News.
ବେଙ୍ଗାଲୁରୁ,୧୭।୧୦: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ବେଙ୍ଗାଲୁରୁରେ ଖେଳାଯାଉଛି। ପ୍ରଥମ ଦିନର ଖେଳ ବର୍ଷାରେ ଧୋଇ ଯାଇଥିଲା । ଏହା ପରେ ଦ୍ୱିତୀୟ ଦିନରେ ନ୍ୟୁଜିଲାଣ୍ଡ ବୋଲରଙ୍କ ଯାଦୁ ଦେଖିବାକୁ ମିଳିଥିଲା। ଟସ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ଆସିଥିବା ଟିମ ଇଣ୍ଡିଆ ମାତ୍ର ୪୬ ରନ୍ରେ ଅଲଆଉଟ୍ ହୋଇଥିଲା। ରିଷଭ ପନ୍ତ ଭାରତ ପାଇଁ ସର୍ବାଧିକ ୨୦ ରନ ସଂଗ୍ରହ କରିଥିଲେ। ଏଥି ସହିତ ମ୍ୟାଟ ହେନେରୀ ନ୍ୟୁଜିଲାଣ୍ଡ ପାଇଁ ସର୍ବାଧିକ ୫ ଉଇକେଟ ନେଇଥିଲେ। ୱିଲିୟମ ଓରୁକେ ୪ଟି ସଫଳତା ପାଇଥିଲେ। ଟିମ ସାଉଥୀ ଗୋଟିଏ ଉଇକେଟ ନେଇଥିଲେ।
ନ୍ୟୁଜିଲାଣ୍ଡ ବିପକ୍ଷରେ ମାତ୍ର ୪୬ ରନ୍ରେ ଅଳଆଉଟ୍ ହେବା ପରେ ଅନେକ ଅଲୋଡା ରେକର୍ଡ ଭାରତ ନାମରେ ପଞ୍ଜିକୃତ ହୋଇଛି। ଆମେ ସେହି ୫ଟି ଅଲୋଡା ରେକର୍ଡ ଉପରେ ନଜର ପକାଇବା ଯାହା ପ୍ରଥମ ଇନିଂସରେ ଭାରତ ନାମରେ ପଞ୍ଜିକୃତ ହୋଇଛି।
ଘରୋଇ ପଡ଼ିଆରେ ଭାରତର ସର୍ବନିମ୍ନ ସ୍କୋର
ଏହା ହେଉଛି ଘରୋଇ ପଡ଼ିଆରେ ଭାରତର ସର୍ବନିମ୍ନ ସ୍କୋର। ଏହାପୂର୍ବରୁ ୧୯୮୭ ରେ ଭାରତୀୟ ଦଳ ୱେଷ୍ଟଇଣ୍ଡିଜ ବିପକ୍ଷରେ ୭୫ ରନ୍ରେ ଅଲଆଉଟ୍ ହୋଇଥିଲା। ଏହି ମ୍ୟାଚ ଦିଲ୍ଲୀରେ ଖେଳାଯାଇଥିଲା। ଟେଷ୍ଟ ଇତିହାସରେ ଭାରତର ସର୍ବନିମ୍ନ ସ୍କୋର ହେଉଛି ୩୬ ରନ। ଦ୍ୱିତୀୟ ସର୍ବନିମ୍ନ ସ୍କୋର ହେଉଛି ୪୨ ରନ। ଏହିପରି ଭାବରେ ଟେଷ୍ଟ ଇତିହାସରେ ଭାରତ ତୃତୀୟ ସର୍ବନିମ୍ନ ସ୍କୋର କରିଥିଲା।
ଟପ -୭ ବ୍ୟାଟ୍ସମ୍ୟାନ୍ଙ୍କ ମଧ୍ୟରେ ସର୍ବାଧିକ ଶୂନ
ବେଙ୍ଗାଲୁରୁ ଟେଷ୍ଟର ପ୍ରଥମ ଇନିଂସରେ ଭାରତର ଟପ୍-୭ ବ୍ୟାଟ୍ସମ୍ୟାନଙ୍କ ମଧ୍ୟରୁ ୪ ଜଣ ଆକାଉଣ୍ଟ ଖୋଲିପାରି ନ ଥିଲେ। ବିରାଟ କୋହଲିଙ୍କ ବ୍ୟତୀତ ସରଫରାଜ ଖାନ, କେ.ଏଲ ରାହୁଲ ଏବଂ ରବିନ୍ଦ୍ର ଜାଡେଜା ଶୂନରେ ଆଉଟ ହୋଇଥିଲେ। ଟେଷ୍ଟ ଇତିହାସରେ ଏହା ପ୍ରଥମ ଥର ପାଇଁ ଭାରତୀୟ ଦଳର ଶ୍ରେଷ୍ଠ ୭ ବ୍ୟାଟ୍ସମ୍ୟାନଙ୍କ ମଧ୍ୟରୁ ୪ ଜଣ ଶୂନ୍ୟରେ ପାଭିଲିୟନକୁ ଫେରିଛନ୍ତି।
ଭାରତର ଟପ୍-୪ ବ୍ୟାଟ୍ସମ୍ୟାନଙ୍କ ସର୍ବନିମ୍ନ ସ୍କୋର
ଭାରତର ଟପ୍-୪ ବ୍ୟାଟ୍ସମ୍ୟାନଙ୍କ ମଧ୍ୟରେ ଯଶସୀ ଜୟସ୍ବାଲ ୧୩ ରନ, ରୋହିତ ଶର୍ମା ୨ ରନ, ବିରାଟ କୋହଲି ଏବଂ ସରଫରାଜ ଖାନ କୌଣସି ରନ ସ୍କୋର ନକରି ଆଉଟ୍ ହୋଇଥିଲେ। ଏହିପରି ଭାବରେ ଭାରତର ଟପ୍-୪ ବ୍ୟାଟ୍ସମ୍ୟାନ ମାତ୍ର ୧୫ ରନ ଯୋଡିଥିଲେ। ଏହାପୂର୍ବରୁ ଡିସେମ୍ବର ୧୯୭୯ରେ ଟପ-୪ ବ୍ୟାଟ୍ସମ୍ୟାନ ପାକିସ୍ତାନ ବିପକ୍ଷରେ ମାତ୍ର ୧୦ ରନ ସ୍କୋର କରିପାରିଥିଲେ।
୬ ଉଇକେଟ ପାଇଁ ଦ୍ୱିତୀୟ ସର୍ବନିମ୍ନ ସ୍କୋର
ଭାରତର ଟପ୍-୬ ବ୍ୟାଟ୍ସମ୍ୟାନ ମାତ୍ର ୩୪ ରନ ଯୋଡିଥିଲେ। ଭାରତର ଟପ୍-୬ ବ୍ୟାଟ୍ସମ୍ୟାନଙ୍କ ନିଜ ମାଟିରେ ଏହା ହେଉଛି ଦ୍ୱିତୀୟ ସର୍ବନିମ୍ନ ସ୍କୋର। ଏଥି ସହିତ ଟେଷ୍ଟ ଇତିହାସରେ ଭାରତର ଟପ୍-୬ ବ୍ୟାଟ୍ସମ୍ୟାନ ଷଷ୍ଠ ସର୍ବନିମ୍ନ ସ୍କୋର କରିଛନ୍ତି।
ଏସୀୟ ମାଟିରେ ସର୍ବନିମ୍ନ ସ୍କୋର
ଏସୀୟ ମାଟିରେ ଟେଷ୍ଟ ମ୍ୟାଚରେ ଏହା ଭାରତର ସର୍ବନିମ୍ନ ସ୍କୋର। ଏହାପୂର୍ବରୁ ୱେଷ୍ଟଇଣ୍ଡିଜ ୧୯୮୬ରେ ପାକିସ୍ତାନ ବିପକ୍ଷରେ ୫୩ ରନ ସଂଗ୍ରହ କରିଥିଲା। ଏସୀୟ ମାଟିରେ ଟେଷ୍ଟ ମ୍ୟାଚରେ ଏହା ସର୍ବନିମ୍ନ ସ୍କୋର ଥିଲା, କିନ୍ତୁ ବର୍ତ୍ତମାନ ଏହି ଅଲୋଡା ରେକର୍ଡ ଭାରତ ନାମରେ ପଞ୍ଜିକୃତ ହୋଇଛି। ଏହା ବ୍ୟତୀତ ଫୈସଲାବାଦରେ ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଇନିଂସରେ ପାକିସ୍ତାନ ଦଳ ୫୩ ରନରେ ଅଲଆଉଟ୍ ହୋଇଥିଲା।
The post ଭାରତ ନାଁରେ ୫ ଅଲୋଡା ରେକର୍ଡ: ଜାଣନ୍ତୁ ଏ ବିଷୟରେ… appeared first on Dharitri Odia News.
