ଭାରତ ପରେ ଏବେ ଆମେରିକାରେ ମଧ୍ୟ ବ୍ୟାନ ହେଲା ଟିକଟକ୍ : ଆଜିଠୁ ଲାଗୁ ହେଲା ନିଷେଧାଦେଶ

କନକବ୍ୟୁରୋ : ଭାରତ ପରେ ଏବେ ଆମେରିକାରେ ମଧ୍ୟ ବ୍ୟାନ ହେବ ଟିକଟକ୍ ।ଚୀନ୍ କମ୍ପାନି ବାଇଟ୍ ଡ୍ୟାନ୍ସ ର ମାଲିକାନାରେ ଥିବା ଭିଡିଓ ଆପ୍ ଟିକଟକ ଏବେ ଆମେରିକାରେ ମଧ୍ୟ ବ୍ୟାନ୍ ହେବାକୁ ଯାଉଛି। ଆଜିଠାରୁ ଏହି ନିଷେଧାଦେଶ ଲାଗୁ ହେବ, ଏହା ପରେ ଆମେରିକାରେ ଟିକଟକ୍ ସମ୍ପୂର୍ଣ୍ଣ ବନ୍ଦ ହୋଇଯିବ। ଆମେରିକାରେ ଏହି ଆପ୍ ବ୍ୟାନ୍ ହେବା ପରେ ଭାରତ ପରେ ସୋସିଆଲ ମିଡିଆରେ ଲୋକମାନେ ପ୍ରତିକ୍ରିୟା ପ୍ରକାଶ କରୁଛନ୍ତି ।

ଟିକଟକରେ ସବୁଠାରୁ ବଡ ଅଭିଯୋଗ ହେଉଛି ଡାଟା ଚୋରି । ଡିଜିଟାଲ ଯୁଗରେ ଡାଟା ସବୁଠାରୁ ମୂଲ୍ୟବାନ ସମ୍ପତ୍ତି ପାଲଟିଛି । ଅନେକ ଦେଶ ବିଶ୍ୱାସ କରନ୍ତି ଯେ ଟିକଟକ ଏକ ଚାଇନିଜ୍ କମ୍ପାନୀ ହୋଇଥିବାରୁ ୟୁଜର୍ସଙ୍କ ଡାଟା ଚାଇନା ସରକାରଙ୍କ ସହ ସେୟାର କରିପାରିବ । ଏହା ଜାତୀୟ ନିରାପତ୍ତା ପାଇଁ ବିପଦ ସୃଷ୍ଟି କରିପାରେ। ଏହି କାରଣରୁ ଆମେରିକା ସମେତ ଅନେକ ଦେଶ ଟିକ୍ ଟକ୍ ଉପରେ କଡ଼ା ପଦକ୍ଷେପ ନେଇଛନ୍ତି  ।

ଟିକ୍ ଟକ୍ ଉପରେ ମଧ୍ୟ ଅନେକ ସମୟରେ ମିଥ୍ୟା ଖବର ପ୍ରଚାର କରୁଥିବା ଅଭିଯୋଗ ହୋଇଛି। ଅନେକ ସମୟରେ ଏହି ଆପରେ ଭୁଲ ତଥ୍ୟ ପ୍ରସାର ସମାଜରେ ଅସ୍ଥିରତା ସୃଷ୍ଟି କରିଛି। ଅନେକ ଦେଶ ବିଶ୍ୱାସ କରନ୍ତି ଯେ ଏହି ଆପ୍ କୁ ଦେଶ ଭିତରେ ମିଥ୍ୟା ସୂଚନା ଏବଂ ଅଶାନ୍ତି ପ୍ରସାର କରିବା ପାଇଁ ବ୍ୟବହାର କରାଯାଇପାରେ  ।

ସେଥିପାଇଁ ଫେକ୍ ନ୍ୟୁଜ୍ କୁ ରୋକିବା ପାଇଁ ଅନେକ ଦେଶ ଟିକ୍ ଟକ୍ କୁ ବ୍ୟାନ୍ କରିବା ଉଚିତ ବୋଲି ମନେ କରିଥିଲେ।ଟିକ୍ ଟକ୍ ରେ ହିଂସା ସମ୍ପର୍କିତ ଅଶ୍ଳୀଳ ବିଷୟବସ୍ତୁ ଏବଂ ଭିଡିଓ ପ୍ରସଙ୍ଗ ମଧ୍ୟ ଉଠିଛି। ଏହି ଆପରେ ଏଭଳି ଅନେକ ଭିଡିଓ ଅପଲୋଡ କରାଯାଇଥିଲା, ଯାହାର ନକାରାତ୍ମକ ପ୍ରଭାବ ପିଲା ଓ ଯୁବକଙ୍କ ଉପରେ ପଡିଥାଏ । ସାମାଜିକ ନିରାପତ୍ତା ଏବଂ ନୈତିକତାକୁ ଦୃଷ୍ଟିରେ ରଖି ଅଶ୍ଳୀଳ ବିଷୟବସ୍ତୁ ଉପରେ ରୋକ୍ ଲଗାଇବା ପାଇଁ ଟିକ୍ ଟକ୍ କୁ ନିଷିଦ୍ଧ କରିଛି ଆମେରିକା